Kay Esteban Albornoz, kamachiy killkakpak yuyayka, Ecuador lakta achka kapukkunata, llankaykunata charichun yuyaymi kan, payka Comisión de Desarrollo Económico minkashkapak pushakmi kan. Chaypak kullkiwan yanapana, llakita shayachina, mushuk llankaykunata wiñachina, shina allpapachapi kay llaktapak kapukwan rikurinka.
Chay Sucumbíos llaktapak Comité contra la Contaminación Ambiental, mashi, Santos Lapo, chay Especial Amazónica kamachiy alli killkarichun shuktak mushuk yuyaykunata churarka, punkarata surkuk llankakwasikuna, chukita surkuk kamaywasikuna pachamamata suyupi mapayachishkata allichichunmi kay kamachiy yanapanka, chayka runapak allikawsaytami llakichin.
Kanchis sayllata atinakushpa, Mamallakta Tantanakuy, yallik contralor General del Estado, Carlos Pólit Faggioni hatun kamachikta, Mamakamachiyta, shukta kamachiyta pakishkamanta 132 apuchiwan llaktay wanachishka sakirirka, tukuy llaktay tantarikunami wanachinkapa kimirirka, chaypakka Daniel Mendoza kamachiy killkak huchachik karka.
Kamachik Carlos Pólit Faggioni Mamallaktapak mana alli llukshik Contralor Carlos Pólit kamachikta wanachichun mañan, runakuna sarin nishpami wanachin, wanachimanta rimashpa, kay wanachitaka arinishkawan, achiklla rikuchishpa, mana llullashpalla katinachu kan, yallik anchurik hatun awllik kay tantariman mitsarichun chayamuchun. Mamallaktami wanachinata charin Daniel Mendoza kamachiy killkak rimarka, mana kakta rimashpa shina nirka.
Mamallaktapi shuway washaman sakirichun mana shayarinchu. Shinami Mamallakta Tantanakuy chay Contralor General del Estado, Carlos Pólit hatun kamachikta llaktaywanachita kallarin, surkushpa kachankapa kamachiy killkakkunapak 69 apuchiymi mutsurin.
Kay tantaripika: yachakpak, yachakukpak, taytamamapak, Loja llaktapak kamachikkunapak yuyayta, mañayta, Comisión de Educación, Ciencia y Cultura y Tecnología minkashka rimaykunata hapirka, Augusto Espinosa minkashkata pushak rimanakuchirka, rimanakuy Unidad Educativa Bernardo Valdivieso yachachina wasipi pusharirka.
Mamallakta Tantanakuyta pushak, José Serrano Salgado, Mamallaktapak yallik Contralor, Carlos Pólit kamchikta wanachinkapa inti, 2 puncha, sitwa killa kayarka, 15h00 kallarinka, kay atinakuytaka Mamallakta Tantanakuy shuwayta takankapa llankaymi kan, kay llankakaytak chusku wata tukurinka kamami chayanka.
Kay Régimen Económico minkashka shamuk hunkapi Para la Optimización y Eficiencia de Trámites kamachiyta utkachishpa killkanka. Shamuk 5 puncha, sitwa killa, tukuylla 14 kamaywasipak pushakkunata chaskinka, kutin 7 puncha, Guayaquil llaktapi, shukpaklla 11 kamaywasipak pushakkunata uyanka.
Kay Límites Internos kamachiyta minkashka rimankakuna, chay kamachiywan yanaparina runakuna chaypi kanka, shinami Comisión de Gobiernos Autónomos minkashka shuk killa yapa, 28 puncha, sitwa killakama ñami allichishkata charinka, chaypak ishkay yuyarita hapirka, saywa llakita allichinkapa llaktapi kawsakkuna chaypi kana.
Kay Julio César Quiñónez, Derechos de los Trabajadores y la Seguridad Social tantaripak kipapushak, kamashiy killkakkuna, Instituto Ecuatoriano de Seguridad Social kamaywasiman yaykurishkakuna, paykunaka: Mamallakta, IESS kamaywasiman manuta charishkatami rimarka, chay kullkika hampita rantinkapa karka, chayta rkuchik pankakuna kunankama mana rikurishkachu.
