Kay Mamallakta Tantanakuy kamachiy killkakpak tukuy apuchikunawan Acuerdo de París hawa arinirka, chay yuyaripika allpapachapi chirikunuk rantinchirikuy hawa rimarka, chaywan chirikunukta harkankapa, wakchayta harkankapa yanapanka. Shinalltak kamachiy killkakkuna EE.UU, Acuerdo de París yuyarimanta anchurikpi, achkata hamirkakuna.
Kay Grupo Parlamentario por el Bienestar Animal Llankayñanta arinin. Kamachiy killkakkuna kitipi kawsak wiwakuna hawwa achkata rimanakun, ñanpi purik wiwakunata wañuchina, waktana hawa harkankapa utkashpa kamachiyta rurana mutsun nishpa rimankuna.
Kay Ministerio de Salud Pública allita llankachun Mamallakta Tantanakuy ancha, mana riksishka unkuypak kamachiyta arinirka, chay unkuykunapak hampikuna tiyana nirka. Kay paktachinkapa 790 hampi wasikuna tiyan, 11% patsakri unkuykuna ñukanchik llaktapi mana tiyan.
Kay mushuk kamachiyka llaktayukkuna rimashkata katin, churashka kamachik, akllashka kamachikpak, tukuylla mitachipash paraísos fiscales kullki wasipi kullkita, charishkata mana charinachu kan.
Yallik watakunapi yachakukuna rumiwan, kaspiwan, kaparishpa mañakkuna karka, kunanka mushuk yuyaykunata churashpa mañana kan. Chay ñanpi, kay Federación de Estudiantes Universitarios del Ecuador (FEUE) Mamallakta Tantanakuyman chayarka, chaypimi Educación Superior Hatun kamachiy allichirichun mañarka.
Yachayta minkashka kay Educación Superior (LOES) kamachiyta allishpa katin, chaypimi imashina hatun yachayman yaykuna hawa allichirinka, kipa rimanakuykunapi kimsaniki yachayta rimashun. Shamuk sitwa killapi 9, 10 punchakunami markakunapi rimanakuykunata charishpa katinka, shinami “gran taller” shutiwan runakunata tantachinka, chay yuyaykunawan alli kamachiy killkarinka. Minkashkata pushak Augusto Espinosa rimashka shina, kay rimanakuykunamanta hapishpa killkashka willayka sitwa killa 15 punchapak kanka.
Mamallaktapak Kipapushak, Jorge Glas, rimayta tukuchikpi, kamachiy killkak María José Carrión, Fiscalización tantarita minkashka, tukuy Mamallaktapak awllikkuna shuwaykunata harkankapa sinchitami shayarina kan nirka.
Kay Comisión de Justicia yanapaywan Código Orgánico Administrativo kamachiy allichirin, achikyan, kashka riman nishpa charirayan. Mamallakta Pushakpak rikuyta 77 kamachiy killkak yanapan.
Allpapachapi tiyak Día Mundial de los Refugiados puncha kakpi, shukniki Kipapushak, Viviana Bonilla, Pakakukushka purik runakuna Mamallakta wiñarichun yanapan, chaymi Ecuador llakta kay Apya-yalapika, purik runakunata yalli chaskishka, shuktak runakaunawan kawsan, mana wasikunapi wichkashka kawsakunchu.
Mamallakta Tantanakuyta pushak, contralor General del Estado, Carlos Pólit Faggioni, Hatun kamachik anchurina hawa willarka. Shinami 18:30 sayllata shuk killkashka panka Mamallakta Tantanakuypak Killana ukuman chayarka, shinami Mamallaktapak Hatun pushak riksichirka.
