Kamahiy killkak Mónica Alemán Mármol kay Justicia y Estructura del Estado minkashkapi mushuk Código de la Niñez kamachiyta rikuchirka.
Kay Ecuador llakta, Facultad Latinoamericana de Ciencias Sociales (Flacso) yachanawasiwan yuyarika, ñukanchikpak Mamallaktapi llankashpa katichun, taripachunmi achkata yanapan, shinami Juan Ponce, kay yachanawasita pushak rimarka. Kay wasipi llankak Relaciones Internacionales minkashkaman rirka, payka kay killkata katishpa rimarka. Shinallatak Educación Superior, Ciencia, Tecnología e Innovación (Senescyt), Ximena Ponce kamachik, SRI pushak, Leonardo Orlando kamachik karka.
Kay tutamanta Grupo Parlamentario por los Derechos de las Mujeres wallparirka, paykunaka 2017 watamanta, 2019 watakama llankanka, kay tantaritaka Mónica Alemán, Pabel Muñoz, Tanlly Vera, Dallyana Passailague kamachiy killkakunami pushanka.
Imashinami rikushka karka, 15:00 sayllata Mamallakta Tantanakuy rimayta kallarirka. Chaypi Augusto Espinosa kamachiy killkak rimayta rantinchina yuyayta churarka, tukuykunata llakichik rimay tiyakpi chayta churarka, Brasil llaktamanta Odebrecht kamachikkunaman kullkita kushpa llakichishkata rikuchirka. Shinami Espinosa kamachiy killkak rimarka, Mamallakta Tantanakuy utkashpa kullki shuwayta harkana yuyarita arinina ñapash mutsurin nirka.
Kamachiy killkak Silvia Salgado, ñawpa Comisión de Fiscalización pushak, ima llakita rikushka kipami kay atinakuyta charina kan, chaypimi Awllita pakishkamanta llaktay wanachita rurana hawa arininka, kipaman imashina wanachinata rikunka. Chay General del Estado, Carlos Pólit hatun kamachik llaktay wanachina rurara hawami ashtawankarin arinina kan.
Tantarikunapak pushakwan, Mamallaktapak tantariwan, ista tantarikunawan, Mamallaktapak kamaywasikuna, Grupo Parlamentario por la Garantía de los Derechos de Niñas, Niños, Adolescentes y Jóvenes del Ecuador llaktamanta, kay 2017 watamanta, 2018 watakama Plan de Acción katinata rurarka, shinallatak kanchis tantarikunata rurarka, chayka kamachiyta killkana, llankayta katina hawa rikunka.
Kayna hunkapi Mamallakta Tantanakuy, chay Empresas Públicas kamachiyta kallari atinakuyta charirka. Kay hunkapi tawkasami llaktay tantarimanta shamuk kamachiy killkakkunapak yuyayta hapirka, kaywan kamchiyta allichina nirka. Kay 47 nikita ashtawan alichina nirka, chay nikitami kamachiy killkakkuna rikuchirka, kay kamachiywan llankakwasikunapak kullkita riksina nirka.
Kay Comisión de Soberanía, Integración, Relaciones Internacionales y Seguridad Integral minkashka, chay Acuerdo de París chirikunuk hawa EE.UU llaktamanta anchurishkata llakirin, chay yuyarika Mamallaktakuna kushilla ayuyarishka kan, paypura makita kushpa llankana, chapana hawa arinirka, chirikunuk llakita chawpishpa allichinami kanchik nirka.
Chay Alianza PAIS llaktay tantari, Odebrecht llakita tarinkapa pichka llankaykunata ruranka, shinami José Serrano Salgado Mamallakta Tantanakuyta pushak rimarka, chay Contralor General del Estado hatun kamachikta, wanachiman kayanka. Shinallatak shuk tawka kamachikkuna chay Estados Unidos llaktaman, Brasil llaktaman kay ista llaki hawa willaykunata hapinkapa rinka.
Mamallakta Tantakuyta pushak, José Serrano Salgado, Mamallakta Tantanakuypak 458 yupay tantariman kayarka, chayka 6 puncha, raymi killa, 15:00 sayllata tantarinka. Chaypimi Interpretativa kamachiy 58 nikita, kayka Servicio Público kamachiypak ukupi sakirin; kay Servicio Público kamachiyta, Código del Trabajo kamachiyta, chay Función de Transparencia y Control Social kamachiyta rimanka.
