Hatun kamachik Serrano, Mamallakta Tantanakuyta pushakpak llankayta, kamachikkuna llankashkata katina, tukuy paktapakta kachun, runakumawan ishkantin kamachiyta killkanka, rimanakuna, llankaypi kana ashtawan kallaripi kanka. Kunan hunkapi Fiscal General, Carlos Baca hatun kamachikta Mamallakta Tantanakuyman kayanka, chaypimi Odebrecht llaki hawa taripay imashina katikushkata rimanka. Kay llakita katinami kallari llankay kanka, tawka tantarikuna rimarka, minashkakuna paykunapak llankayñanta ruranka.
Kay Biodiversidad minkashka mincha hunka chilla puncha Consorcio Amazónico de los Gobiernos Parroquiales kamachikkunata chaskinka, paykuna Circunscripción Territorial Especial Amazónica kamachiyman mushuk yuyaykunata, rikuykunata churanka, shinami llankayñanta charinkapa suyupak llaktakunata nikinka.
Mamallakta Tantankuyta pushak José Serrano, Consejo de Cámaras y Asociaciones de la Producción kamachikkunata chaskirka, kay tantaripi tukuylla llankakwasi, shukpaklla llankaywasi kimirishpa llankayta rikuchun nirka, shina Mamallata tukuypi wiñarinka, unipak kapukkuna tiyanka.
Kay Biodiversidad minkashka, raymi killa, 5 puncha Día Mundial del Ambiente aknayta rurankapa yuyarikun, kaytaka Johanna Cedeño kamachiy killkak pushakun, kay punchata Asamblea General de Naciones Unidas tantari, 15 puncha, kapak killa, 1972 watapi yuyarirka. Mamallakta Tantanakuy, chay Ministerio de Ambiente kamachikkunawan ishkantin kay aknayta pushanka, shina llaktayukkunata pachamamata kamachun yuyachinka, shina shamuk runakuna mana mapayashka pachamamapi kawsanka.
Kay Día de la Niñez puncha, tawka yachachik kamaywasikunamanta shamuk kari warmi wawakunapak ñawpakpi Mamallakta Tantanakuypak Kipapushak Carlos Bergmann kamachikwan, Consejo de Igualdad Intergeneracional kamaywasimanta Carlos Muñoz pushakwan, Iván Villarreal sumakrurak killkakkwan shuk aknayta rurashpa yuyarita killkarka, shina Mmallaktapi paktapakta kamachiywan llankay tiyanka.
Allichishka Empresas Públicas kallari atinakuy yallirka. Kay kamachiy tukuylla llankaywasipak, kimirishka llankaywasipak kullki rikuyta utkachin. Chay rikuykunata ista kamaywasikuna, imatapash mana rikunata charik rurachun mañan. Kamachiy killkakkuna ista kamaywasikuna rikuchun yuyayta kurka, chaypak Contraloría General del Estado taripayta yanapak pankakunata allichichun mañarka.
Kunan tutamanta Mamallakta Tantanakuypak rimanakuy kallarikukpi, Jaime Olivo kamachiy killkak, atinakuna iñukuna shuktakyachun mañarka, Estados Unidos llaktata, Brasil llaktata Odebrecht hawa willachun mañana nirka, kaypak shuk yuyarita Mamallakta Tantanakuy charina kan nirka, shinallatak Fiscal General, Carlos Baca kamachik taripayta willankapa shamuchun kayarka.
Mamallakta Tantanakuyta pushak, José Serrano, 31 puncha, aymuray killa Rumiñahui kiti wiñarishka punchapi karka, shinami kitipi kawsak runakunaman napayta chayachirka, Mamamallakta Tantanakuy tarpukkunata kamashpa yanapashun nirka. Mushuk kamachiykunawan, tarpuyta, murukuna pukushita yanapashun nirka, kamachiy killkakkuna imashina kamachiykuna paktakushkata rikunkapa llaktakuman chayanka nishpa willarka.
Shinami Mamallakta Tantanakuypak Juan Montalvo pampaka, Red de Maestros yachachikta chaskinkapa uchillami sakirirka, kay Educación Intercultural (LOEI) kamachiy mushukyachun pankata sakinkapa shamurka, shuktak tukuylla llankakkunawan pakta paykuna llankashkamanta kullkita hapichun nirka; llankaypak mishanakuy, unipak llankay tiyachun, yachayta hapichun mañay kanka.
Kay Código de Entidades de Seguridad y Orden Público kamachiy, Llankayñan hawa Relaciones Internacionales rimana katikilla kanka. Kamachiy killkak, Doris Soliz, minkashkaman kimirishka kamachiy killkakkunata kayarka, shinami 16:00 sayllata rimanakuy kallarinka, chusku yuyaykunata rimanka.
