Kay Derecho de Salud minkashka, pushak William Garzón kamachiy killkak kashashkata riksirka, kay kamachiypi llankayta rikuchinka. Suktakkunata rimashpa, Código de Salud kamachiyta ashtawan riksichinka.
Kay Derecho de Salud minkashka, pushak William Garzón kamachiy killkak kashashkata riksirka, kay kamachiypi llankayta rikuchinka. Suktakkunata rimashpa, Código de Salud kamchiyta ashtawan riksichinka.
Chaypak markakunapak uchilla llaktakunapi riksichinka, chaypimi llaktayukkuna, Mamallaktapi rimashkata pallanka chaywan ishkayniki atinakuypak kamachiyta allichinka.
Kay rimanakuykunataka Guayas, Azuay, Manabí, Imbabura, Tungurahua, Bolívar, El Oro markakunapi runakunawan, kamachikkunawan, tantarikunawan, kamachiypi tiyak nikikunata atinakunka.
Shinallatak imashina wiwakunapak, yurakunapak, runakunapak kawsaymanta yachana hawa rimanka; shinami hampiwan runakuna, hampikuna, yachana shuyukuna, mikunakuna, shuktakunatapash riksichinka. Tantarikuna, kimirishka runakuna, yachak runakuna, llaktayukkuna imatalla mañakta uyanka.
Kay Código de Salud kamachiyka, chakchurishka 43 kamachiykunata tantachin, shinallatak imashina chay Sistema Nacional de Salud Nmamallaktapi imashina kashkata hampi hayñipi rikuchin; shuklla runata, kamachiywan runata, tukuylla kamaywasita, sapsikunata riman, sumak kawsay ukupi kanka.
Mushuk kamaywasiyayta, hampi hawa llankakta nikin, chikan chikan kamachikpak llankana patakunata hapin, shina Mmallaktapi tiyak hampi llikata allichinka, chay Ministerio kamaywasipak llankayta nikinka, allikawsay llikata allichinka.
RSA/pv/jc-kichwa
Chay Parlatino Hatun tantari, kay killa, 8, 10 punchakuna, Panamá llaktapi tantarirka, chaypimi José Serrano Salgado, Mamallakta Tantanakuyta pushakta, chay Secretario de Relaciones Internacionales del Parlamento Latinoamericano y Caribeño minkashka kachun tiyachirka, payka 2017 watamanta, 2018 watakama llankanka.
Kari warmi runakuna llankayta mana tarinaka ancha llakimi kan, sinchimi uyarin. Kay Organización Internacional del Trabajo (OIT) tantari rikuchishka, allpapachapi tiyak runakunamanta 10 % patsakri runakunami llankayta mana tarin, llakichishka kan.
Mamallakta Tantanakuyta pushak, José Serrano, wiñaykawsay yuyayta sinchiyachinkapa kimsapura yuyarita killkankapa kayan, kaytaka Jorge Núñez Sánchez kamachkik pushashka kan, shinami Mamallakta pushakwan, Mamallakta Tantanakuywan, Academia de Historia del Ecuado kamaywasiwan shina amawta llankayta sinchiyachinka, Mamallaktapak wiñaykawsayta kawsachina hawayarin. Kaytaka Día Internacional de los Archivos punchami rikuchinka, kay tantarita Salón José Mejía Lequerica del Palacio Legislativo ukupi karka.
Mamallakta Tantanakuy Grupo Parlamentario de Promoción, Difusión y Fortalecimiento de las Prácticas Deportivas tantarita charin. Tawka llaktay tantarimanta shamuk kamachiy killkakkuna wallparishkami kan, paykunamanta achkami pukllakkuna rikurin.
Kay puncha 10:00 sayllata, Educación Intercultural (LOES) kamachiyta rimanakuy ishkaykutin paktanka, chayka Colegio Vicente Rocafuerte yachana wasipi pusharinka, chay Guayaquil llaktapi kanka. Kallari rimanakuyka Ibarra llaktapi, chilla puncha pusharirk
Kay kamachiy killakkuna, Mamallakta Tantanakuyta pushak José Serrano, kay killapak 9, 10 punchakuna, chay Trigésimo Tercera Asamblea General del Parlamento Latinoamericano y Caribeño (Parlatino) tantaripi kanka, Panamá llaktapimi pusharinka. Kay tantaripika purik runakunamanta rimanka. Kay tantarika “Realidades y compromisos rumbo al Pacto Mundial” shutita charin.
Kay Biodiversidad minkashka, Consorcio Nacional de Gobiernos Parroquiales y Rurales Amazónicos tantarita pushak, Carlos Lara rimashkata uyarka. Payka 166 shulka tantarita pushak, chay Baños kitipak, Rio Verde, Río Negro, Matus llaktakuna mana yaykurichun nirka; shinallatak Penipe kitipak El Altar, La Candelaria, Bayusig llaktakunatapash mana yanaparichun nirka.
Kay Código de la Niñez kamachiyta rimanakuypi, chay Comisión de Justician tantari, Marcela Aguiñaga kamachiy killkak pushashka, Gayne Villagómez rimashkata uyarka, payka warmikunapak CEPAM tantarimanta karka; shinallatak Fernando Rosero Rohde kamachik, Jurídico Rosero Rodríguez Acosta tantarimanta karka; shinallatak Andrés Guschmer willak, kay mushuk kamachiy may allimi kan nirka.
