Kay Justicia y Estructura del Estado minkashka, tukuykuna yuyarishpa (12 apuchiwan), chawpita shitashka Código Orgánico Administrativo (COA) kamachiyta arinirka. Chay 19 niki shitashkamanta Mamallakta Tantanakuy 14 nikita rikuchun nirka, shinallatak 101, 104, 207, 336 nikikunata allimi kan nichun nirka, shinami 3, 4, 5 nikuna, mushukyachishka churashkaman kachun nirka.
Kay hampikkunapak tantarimanta pushakkuna, Comisión del Derecho a la Salud, William Garzón pushakwan shuk tantarita charirka, chaypi imashina Código de la Salud kamachiyta killkana hawa rimarka, kay rimayta munarka, shinapash wanachina hawa mancharka, kutintak allichina nikita yaykuchichun mañarka.
Shinami, kay Ecuador llaktawan, Belarús llaktawan yuyarika achka kullkitami apamunka, kay pukuk murukuna unipak katunapash tiyanka, shinami ishkaykutin churashka kullkita kuna, wakinkunaka mana kunapash anchurinka, charishka tiyakunamanta (charishkakuna). Shinami Pablo Campana, Comercio Exterior hatun kamachik rimarka. Kay kamachiymi ashtawan ista llaktapura rimanakuyta achuchinka, Gonzalo González kamachik rimarka, payka Europa de la Cancillería kamachikmi kan, kutin Igar Paluyán, chay llaktamanta ista kamachik, ishakantin Mamallaktami rantina, katunapi achkata mirachishka kan nishpa riman.
Chay Unidad Educativa Maximiliano Spiller yachana wasipi, Tena kitipi, Napo markapi, Mamallakta Tantanakuypak Comisión de Educación, Cultura, Ciencia y Tecnología tantariman yaykurishka kamachiy killkakkunata chaskirka, paykuna, chay Educación Intercultural (LOEI) kamachiyta allichinka.
Kay Fiscalización minkashka Contralor General del Estado, Carlos Pólit kamachikta llaktay wanachita rurankapa kayarka, chaypak tiksi pankakunata willaywan tantachishpa paypan kacharka. Shuktak kamachiy killkakkunawan tukushpa Daniel Mendoza kamachiy ñawpashpa wanachita churarka. Iashkantinmantami kay llaki imashina kakta allinta yachashpa, chunka pichka punchakama rikuchinka. Chaypak kallari rimanakuywan kallarirka. Shinami kay killa, shamuk 13 puncha, 10:00 sayllapak Fiscal General, Carlos Baca Mancheno Hatun kamachikta kayarka.
Kay Comisión del Derecho a la Salud kaya, 14 puncha, 10:00 sayllata tantarinka, chay Código de Salud kamachiy alli killkarichun yuyaykunata pallanka. Chay Red de Profesionales de la Salud tantaripak pushakkunata chaskinka, paykuna yuyaykunata churanka.
Kanchis kamachikta kayanami Comisión de Relaciones Internacionales minkashkapak llankay kanka, kaya 14 puncha, 10:00 sayllata tantarinka. Kayashka kamachikkunaka Ecuador llaktawan, Belarús, Nicaragua, El Salvador llaktakunawan yuyarinatami rimanka, shinallatak Facultad Latinoamericana de Ciencias Sociales (Flacso) yanchana wasiwan killkashkata riksinka.
Kay Justicia kamaywasipak Hatun pushak, Rosana Alvarado, shinallatak Consejo de la Judicatura, Gustavo Jalkh kamachikkunata chaskinka, shinami Comisión de Justicia y Estructura del Estado tantaripi rimanakunka, kunan 09:30 tutamanta karka, Código de la Niñez kamachiy hawa rimarka.
Kaya, 14 puncha, 09h00 sayllata, chay Comisión de Derechos Colectivos minkashka, chay Federación Nacional de Cámaras Artesanales (Fenaca) tantariwan rimanakuyta charinka. Kamachiy Jorge Corozo Ayoví, tantarita pushak, Luis Nieto Aguilar, paykunapak tantari pushakta chaskinka, chaypi Mamallaktapi shuk wiñarinata yanapankapa kamachiy kanata riksichinka.
Kimsakutin kay Educación Intercultural (LOEI) kamachiyta rimanakuy, kay awaki puncha Colegio Central Técnico yachana wasipi pusharirka, ka kuskaka Quito llaktapimi sakirin, kay llankayta Mamallaktapak Yachay minkashka pusharirka. Kay tantariman 500 runakuna shamurka, paykunaka: yachachik, yachakuk, yayamama, Red de Maestros tantari, kay kamachiyta pushakunkapa arinirkakuna.
