Mamallakta Pushak, Rafael Correa, Mamallakta Tantakuyman pay allichishka Código Orgánico Administrativo kamachiyta kacharka, 19 rikuyta charin. Kay Comisión de Justicia nikikuna imashina allichirishkata rikunata charin, shina mana kimichik kashkata rikuchinka.
Kunan 11:00 sayllata, Mamallakta Tantanakuypak Participación Ciudadana y Control Social minkashka tantarinka, llankana Patakupak Pushakta, Kipapushakta akllanka. Yallik punchakuna kamachiy killkakkuna rimanakuyta charirka, chaypi kamachikkunata akllankapa shuk yuyayta charina hawa rimarka. Shinami Mamallaktapak hatun yuyayta charik kakpi achkata rimanakuna kan, Mayra Montaño rimarka.
Kay Comisión de Biodiversidad kipapushak, Yofre Poma, chay Séptima Gran Cumbre Amazónica tantaripi karka, chay Coca kitipi, Orellana markapi pusharirka. Antisuyupak alli llankaykuna tiyachun rimarka, kay Circunscripción Territorial Especial Amazónica kamachiyta ashtawankarin rimanakunka, shinallatak GAD tantariman kullki wichiyanka, antisuyu markakunapi yachana wasikuna wiñarinka, pachamama wiñarinka, kawsaytarpuy mirarinka, shuktak llankaykunapash allichirinka.
Kunan watapi Mariano Zambrano (AP) llaktay tantariman yaykurishka, Manabí markamanta kamachiy killkak akllarirka, payka 31 watatami charin, paypak markapak shutipi Mamallakta Tantanakuypi hatun rimayta charinka, paypak yuyayka mushuk llankaykunata wiñachinkapa kamachiyta killkanami kan, tantarikuna alli kachun shuktak hatun llankaytapash wiñachinka.
Ña Mamallakta Pushak, Rafael Correa Delgado, Código de la Niñez y Adolescencia mushukyachina kamachiyta Mamallakta Tantanakuyman kachakpi, mushuk yuyaykuna rikurishka, ashtawankarin mayhan Comisión de Justicia y Estructura del Estado minkashkakunami maymantak kay kamachiy allichirichun rinka nishka.
Kay Hugo Quiroz, Fausto Cobo, Rosa Mireya Cárdenas, Patricia Terán, Pamela Aguirre kamachikkunami Apya-yalapi mushuk rimayta charikkuna tiyarirka, paykuna José Serrano Salgado Mamallakta Tantanakuypak ñawpakpi kamachiyta, llaktata iñirka.
Mamallakta Pushak, Rafael Correa Delgado, Código de la Niñez y Adolescencia mushukyachina kamachiyta Mamallakta Tantanakuyman kacharka, marupi rikuchishkata wawakuman mikunata charichun, yayamama rakirishkalla kashpaka, ishkantin mashna kullkita hapikushkata rikunata charin.
Kay Comisión de Régimen Económico Pabel Muñoz (pushak), Mariano Zambrano (kipapushak), Carlos Bergmann, Esteban Melo, Juan Lloret, Soledad Buendía, Viviana Bonilla, Henry Kronfle, Mae Montaño, Franco Romero, Wilma Andrade, Gabriela Larreátegui kamachiy killkakkuna tukuy llaktay tantarikunawan kimirishpa llankana nirka.
Kay Escolta Legislativa wiñaykawsaypika kunanmi shuk warmi pushanka. Chaymi Margarita Pereira Ramírez hatun awka kamachik tukun, chay Víctor Hugo Zárate chapak kamachikpak rantimi awllita pushankapa tiyarin.
Chunkashuk minkashkakunapak, Fiscalización minkashkapak Pushakta, Kipapushakta churarka, paykuna 2017 watamanta, 2019 watakama llankanka. Shuk minkashka mana akllarka. Kamachikkunata akllashka kipa ña kamachiywan llankayta kallarinka, imashinami Mamallakta Tantanakuy rimanakuyta charichun willaykunata killkanka, arininkapash. Shinallatak llankaytapash katinka.
