Kay 72 arinishka apuchiwan, 58 shuyay apuchiwan Patricio Donoso kamachiy killkakta, Consejo de Administración Legislativa (CAL) tantaripak chuskuniki rimay charikta churarka. Shinami chaypi kak 134 kamachiy killkakkunawan Mamallakta Tantakuypak 455 yupay tantaripi churarka.
Kay 72 arinishka apuchiwan, 58 shuyay apuchiwan Patricio Donoso kamachiy killkakta, Consejo de Administración Legislativa (CAL) tantaripak chuskuniki rimay charikta churarka. Shinami chaypi kak 134 kamachiy killkakkunawan Mamallakta Tantakuypak 455 yupay tantaripi churarka.
Kay María Encarnación Duchi, Jaime Olivo, Tito Puanchir, Elio Peña, Edy Peñafiel, Ángel Gende kamachiy killkakkuna de Pachakutik, paykunapak llaktaytantaripak yuyayta mana pakishpa llankashun nirka, tantarishpa llankashun nirka, Ecuador llaktapi kawsak runakunapak munayta ukllashun nirka.
Kay PAIS Llaktay Tantariman yaykurishka kamachiy killkakkunapak llankayka, “Toda una vida” llankaywan paktakay, paktaraki tiyachunmi chayankana.
Kay Himno Nacional hayllita, Karla Kanora takirka, 10:10 sayllata kallarirka, Consejo Nacional Electoral (CNE) kamaywasi Mamallakta Pushak, Kipapushak kikin pankata chaskichirka, Mamallakta Pushak Lenín Moreno, Jorge Glas Espinel Mamallakta Kipapushak kikin pankata chaskikpi kay aknay tukurirka. Chay aknapi José Serrano, Mamallakta Tantanakuyta pushak; Viviana Bonilla, Shukniki kipapushak, Carlos Bergmann, ishkayniki rimayta charik.
Mamallakta Tantanakuyta mushuk Pushak, José Serrano Salgado, kay chilla punchaman 455 yupay tantariman kamachiy killkakkunata kayarka, 14:00 saylalta rimanakuy kallarinka, chaypi 12 minkashkakunata churanka, shinallatak Fiscalización y Control Político minkashkata shayachinka. Chay Consejo de Administración Legislativa chuskuniki rimay charikta akllanka.
Kay Función Legislativa Hatun Kamachiypi kimirishpa, Mamallaktapak Tantanakuyupak shamuk rimankuypi, sapan minkashkakunata yaykurichun arinina kan, paykuna sapan llankayta charinka. Kari warmi kamachiy killkakkuna ishkay watata llankankapa tiyarinka, kutin akllarinatapash ushanka.
Willay muyupi José Serrano Salgado Mamañakta Tantanakuyta mushuk pushak, shuk kipapushak Viviana Bonilla, ishkayniki kipapushak Carlos Bergmann kamachikkunantin shuklla tukushka kipa, tukuy llaktay tantarikuna shuklla yuyayta charinkapa rimanakushpa paktana nirka. Shinami llakta uchayta sumaychana kanka nirka.
Mamallaktapak Mamakamachiypak 123 nikita paktachishpa, Función Legislativa Hatun kamachiypak 10 nikita paktachishpa Mamallakta Tantanakuy 2017 watamanta, 2019 watakama kamachikkunata churarka. Kay ishkay watapi Función Legislativa ñawpakpi José Serrano Salgado pushak kanka; shuk kipapushak Viviana Bonilla kanka; ishkayniki kipapushak Carlos Bergmann kamachiy killkak kanka.
Kamachiy killkak José Serrano Salgado Mamallakta Tantanakuypak pushak 2017 watamanta-2019 watakama José Serrano sakirin, (payka 77 apuchiwan misharka, 31 mananishka apuchiwan, 2 yurak apuchiwan, 26 shuyay apuchi sakirin). Tukuy Mamallaktapi mamakunata napashpa, kawsayta kuk paypak warmita naparka. Kari warmi runakunapak hayñita kutintak shayachinkapak kanka, shina Mamakamachiypi rimashkata paktachichun mañan.
