Kay Ecuador llaktamanta Estados Unidos llaktapi kawsak runakuna 1 hunu, 200 patsak runakunami kan, chayka Quito llaktapi kawsakkuna mashnay shinami kan. Estados Unidos llakta chay runakunata llakichikpi, ñukanchik llaktaman chayamuchun chayta rikuk kamachikkuna tawkasami yanapayta mashkakun.
Mamallakta Tantanakuy Guayaquil llakta 482 wata paktachishkamanta, chay llaktapi kawsak runakunaman kamarita, napayta chayachin. Cchayka Plaza Colón pampapi Francisco de Orellana, wakaman sisa kamarita chayachirka, chay hatun kuskaman Guayas markamanta, José Serrano Mallakta Tantanakuyta pushakpak shutipi, Guadalupe Salazar kamachiy killkak chayarka. Shuktak kamachikk8napash chayman chayarka.
Pachamama llikapak mana pakta, paktaraki, urmachina Antisuyupak hatun llaki kan, antisuyupi tawka sachakuna, wiwakuna, yaku, kiwakuna tiyashkamanta unipak wiñarina kawsay tiyan, “Chaymanta antisuyu llaktapi kawsak runakunapak hunta hayñita charina kan, ayllullakta wiñarina ushay hatunpi kan, Mamallaktapak kapukkuna wiñarina shunku kan, shinami Buen Vivir” llankay mirarinka. Shinami Carla Molina, rimarka. Payka Secretaría Nacional de Planificación y Desarrollo (Senplades) kamaywasimantami kan, chaymanta Comisión de Biodiversidad ñawpakpi willarka.
Mamallakta Tantanakuy Guayaquil llakta 482 wata paktashkamanta, chay llaktapi rimanakuyta charinka, chay tantariman tukuy kamachiy killkakkunami chayanka, chay tantariman llankakkunapak, wawakunapak, llaktayukpak hayñikunata arininka. Shinallatak Mamallaktapi “Perla del Pacífico” wiñarishkata rimanka.
Chay “Asamblea de puertas abiertas” llankaywan llaktakunaman chayashpa, Pedernales llaktapi, Manabí markapi, José Serrano Salgado, Mamallakta Tantakuyta pushak rimarka, shinallatak Manabí markapi Pedernales kitipak, Bolívar kitipak, Chone kitipak runakuna rimashkata uyarka. Mamallakta Tantakuypak llankaykunata riksichirka, chaypimi llaktaykuna mañashkata tikrachishun nirka.
Kay “Asamblea de puertas abiertas” llankaypi, chaska, wacha punchakuna Mamallakta Tantanakuyta pushak, José Serrano, chay Pedernales llaktapi Universidad Laica Eloy Alfaro de Manabí (Uleam) hatun yachana wasipak, Calceta llaktapi tiyak Escuela Superior Agropecuaria de Manabí (Espam), yachana wasipak yachakukkunawan, yachachikkunawan, kamachikkunawan, taytamamawan rimanakuyta charirka, chaypi sumakruray yachaykunapi yanapashun nirka, shinallatak Lenín Moreno Mamallakta Pushak, 40 sumakruray yanachana wasi wiñachinata yanapashun nirka.
Mamallakta Tantanakuy llaktayukkunaman kuchuyashpa llankanapi, kay Justicia y Estructura del Estado minkashka, wanra, 25 puncha, sitwa killa Guayaquil llaktapi rimankuyta charinka, chayka 09H30 sayllata kallarinka. Chay llaktapimi rimanakuna patakuta churanka, shinami códigos orgánicos de la Niñez kamachiyta, shinallatak Penal kamachiyta rikunka.
Punku paskashka Mamallakta Tantanakuman tawka yachakukkuna, runakuna, kamachikkuna chayarka, chay Manabí markapak, Pedernales llaktapi rimanakuyta charirka, Coordinación General de Participación Ciudadana de la Función Legislativa kamachikkuna pusharka, bus interactivo antawaman tawka yachana wasimanta shamuk yachakukkunata chaskirka, paykuna imashina Mamallakta Tantanakuy llankushkata willarka.
Kay Ecuador llaktapi kawsak runakuna Nicaragua llaktaman murukunata katunata ushan, paykunaka churashka kullkita mana kushpallami katunka, chaywan llankayta charinka, llaktakuna wuñarinka. Shinami 96 muru chay llaktaman katurinka, chayka Acuerdo de Alcance Parcial shutiwan yuyari tiyarin, kaynami Kamachiy killkakkuna 102 apuchiwan arinirka.
Kay chaska, 21 puncha, sitwa killapi, 09:45 sayllamnata, CAL tantari, José Serrano Salgado, Mamallakta Tantanakuyta pushak; Viviana Bonilla Salcedo, shukniki kipapushak; Carlos Bergmann, ishkayniki kipapushak; Soledad Buendía, Verónica Arias, Luis Fernando Torres, Patricio Donoso, rimayta charikkuna, llaktapi tantarinka, chaypimi llaktayukkuna kanka, paykunapak kawsay allichirichun rimanka.
