Mamallakta Tantanakuyta pushak, Henry Kronfle, kay Cumbre del ParlAmericas rimanakuymanmi Washington, Estados Unidos llaktaman chayarka kaypika tukuy allpapacha llaktakunami kamachiy awllikunamantami rimanakunkakuna.
Kay kamachiykunata arinishkawanka llaktapi kasiklla kawsanapak shinallatak Ecuador llakta kay Corte Penal Internacional tantanakuywan yanaparinapakmi kan, kay yuyaykunatami Mamallakta Tantanakuyka kay awkarik puncha rimarinka.
Mamallakta Tantanakuyka kay Leyes de Seguridad Social y del Banco del IESS kamachiy mushukyachinapak kamachiytami ishkyaniki rimanakuypi riksirka, mañayta llaktayukmi 54 waranka ayllukuna shuti aspishkawan chayachirka, kay kamachiywanka Consejo Directivo del IESS tantarinata, shinallatak BIESS pushakkuna yaykurinatapash mushukyachin, kaypika Seguro Social Obligatorio killkarishka llamkakukkuna shinallatak samakuk ayllukuna ashtawan rimarikta charichun.
Shuk kushikay raymipimi Día Internacional de la Mujer punchata, Grupo Parlamentario por los Derechos de la Mujeres wankuriyka, ruraykuna kallarichishka raymita allichirka kaypika warmikuna llamkayta sinchiy yuyaywan kallarichishkata riksirirkakuna.
Mamallakta Tantanakuyta pushak, Henry Kronfle, kipapushakkuna, Viviana Veloz shinallatak Eckenner Recalde, kay Mamallakta Tantanakuyta pushakkunaka kay samana pachakuna ukupi 26 punchamanta 09 puncha aymuray killa, 2024 watakama llamkashpa katishunmi nirka.
Kay Consejo de Administración Legislativa (CAL) wankuriyka kamachiy ruranapak chusku killkatami akllarka, Unidad de Técnica Legislativa wankuriypi allichishka llamkaywillaypi kimirishpa, kay kamachiy rurana killkataka kay minkarishkakunami allichinka: Educación Minkarishka kay Ley de Educación Superior para Garantizar la Autonomía de las Instituciones de Educación Superior kamachiy mushukyachinata; Salud Minkarishka, Leyes para la Reducción de la Desnutrición Infantil a través de la Implementación de Bancos de Leche a Nivel Nacional kamachiypak tawka kamachiykuna mushukyachinata; Justicia y Estructura del Estado Minkarishka, Ley Reformatoria al COIP para la Rehabilitación y Reinserción Social Efectiva kamachiy mushukyachinata; shinallatak, Garantías Constitucionales Minkarishka, Ley de Consulta Popular kamachiy rurana killkata allichinka.
Mamallakta Tantanakuy kay Ley para la Promoción y Fortalecimiento de las Organizaciones de Trabajadores del Sector Público y Privado kamachiy rurana killkata shukniki rimanakuypi riksirka, Derecho al Trabajo y la Seguridad Social Minkarishkapi allichishka killkata rikurashpami paktarirkakuna, kay kamachiywanka contratos colectivos shinallatak actas transaccionales killkata shuti aspina pachatami ashayachinka.
Mamallakta Tantanakuy kay kullka punchaka ishkay rimanakuypimi llamkanka. 08H30 pacha tutamantaka N.º 909 niki rimanakuytami charinka, kaypika Día Internacional de la Mujer punchatami yuyarinakuna; shinallatak 10H30 pacha tutamantaka N.º 910 niki rimanakuypimi Leyes de Seguridad Social y del Banco del Instituto Ecuatoriano de Seguridad Social kamachiyta ishkayniki rimanakuypi riksinkakuna, llaktayukkunami mañayta chayachirka.
Yuyakkapi llamkaypi chikanyachiyka ayllukunata mana pakta hapikpimi rikurin, watakuna charishkamanta, kayshinka llamkayman mana pakta kayachin, llamkaykullkitapash ashayachin, llamkaypi wiñashpa katinatapash harkachin wakinpika llamkaymanta anchuchin.
Mamallakta Tantanakuypi tukuy kamachi killkakkunami,. 113 ari apushitaywan, “Benemérito” shutita Cuerpo de Bomberos “Coronel José Antonio María García Pinargote”, kay Portoviejo kitimanta tantanakuyman chayachirka, paykunapak llamkay 136 watakuna paktashkamanta, pakta pakta, sinchita, atirishpa, kullkillata mana mutsushpa, yanapashpapash; kayshina llamkaywan kunanpi kawsakkuna shamuk pachapi kawsakkunapash katinaklla kachun.