Ecuador llaktapak mushuk Mamallakta Tantanakuyka América Latina shinallatak el Caribe kamachi Awllipura llamkaytami kay “Entre Parlamentos” rimanakuypi pushakun, kaypika suyu llaktapurami kasi kawsaynata, llamkayta, hampinata, llakta wiñarinata, runapak hayñita shinallatak kay suyu llaktapi tiyashkata ruraykunata rimanakunka.
Mamallakta Tantanakuypi, chaypikak 132 kamachi killkakkunami tukuykuna arinirkakuna, kay 10 puncha kuski killa watan watan yuyarinapak “Día Nacional del Taxista Ecuatoriano” shutichirkakuna, paykunapak punchanta sinchi sinchi alli yayaywan llamkashkamanta, kay llamkayka mallaktapak tukuy kitikunapimi paktarin, 54 watakuna ñawpamanta, kay watakunataka taxi antawapi llamkakunaka pakta alli yuyaywan llamkashkakuna, mamallaktapak tukuy mutsurik ayllukunata yanapashpa.
Kay Fiscalización y Control Político Minkarishkapi ministro de Defensa, Gian Carlo Loffredo, pushakta llaktay ñawinchiyman kayachinapak mutsushka apushitay mana paktarka, kay mañaytaka Héctor Valladarez kamachi killkakmi chayachirka, paypak llamkaypi mana pakta rurashka nishpa, Guayaquil kitipi chusku wawakuna kay 2 puncha kapak killka 2024 wata chinkarishkamanta, shinallatak shuktak huchachiykunamantapash.
Kay awkarik 9 puncha kuski killa, Mishell Mancheno, Mamallakta Tantanakuypak shukniki kipapushak, istallakta pushak Kirstine Damkjaer, kay kimirishka killkamayuk kay Oficina de las Naciones Unidas de Servicios para Proyectos (UNOPS) tantanakuymanta, shinallatak Nicholas Gardner, Ecuador, Perú y Colombia suyu llaktakunapi pushakwan rimankurka.
Kay awkarik 9 puncha kuski killkami, 134 kamachi killkakkuna kay Mamallakta Tantanakuypak 035 niki rimanakuypi kay Ley Orgánica de Consulta Popular kamachiyta allichinapak riksichishpa Garantías Constitucionales Minkarishkakuna allichishka llamkaywillayta shukniki rimanakuypi riksirkakuna.
Mamallakta Tantanakuypak 035 niki rimanakuypi, pushak, Niels Olsen, kay Ley Orgánica Reformatoria al Código del Trabajo para la Gestión Ética y Transparencia en Asociaciones y Sindicatos de Trabajadores kamachiy rurana killkata kay Derecho de los Trabajadores Minkarishkaman tikrachun mañarka, kaypi ishkayniki rimanakuypak llamkay willayta allichishpa katinapak.
Sukta ari apushitaywanmi, Consejo de Administración Legislativa (CAL) wankuriyka kamachiy rurana chusku killkakunata akllarka, Unidad de Técnica Legislativa wankuriypi kamay paktashpa llamkaywillay allichishkata riksishpami akllarkakuna.
Kay 08 punchamanta 14 punchakama kuski killapi, Mamallakta Tantanakuyka kay Código del Trabajo para la Gestión Ética y Transparencia en Asociaciones y Sindicatos de Trabajadores kamachiy mushukyachinata shinallatak Ley Orgánica de Consulta Popular kamachiy rurana killkatami shukniki rimanakuypi, shinallatak llaktayukta yanapak shuktak kamachiykunatami llamkanka.
Kay Transparencia y Participación Ciudadana Minkarishkakunaka, ari apushitaywanmi, kay Ley Orgánica de Prevención de Conflicto de Interés kamachiy rurana killkapak shukniki rimanakuypak llamkaywillayta arinirkakuna, kay killkataka Mamakamachiywan waktarikushkamanta wakichinapak mañashka.
80 ari apushitaywanmi, Mamallakta Tantanakuyka kay Proforma del Presupuesto General del Estado para el período fiscal 2025 y la Programación Cuatrianual del Presupuesto General del Estado 2025-2028 killkata arinirka, kayshina llamkaykata Mamakamachiypak 294 shinallatak 295 niki killkata rikuchishkata paktashkami kan.
