Mamallakta Tantanakuyka Llakta pushaktami kayachirka, kay Consejo de Gobierno del Régimen Especial de Galápagos tantanakuy pushakkunawan, kiti pushakkunawan shinallatak kay marka llaktapi kitilli pushakkunwan tantarishpa, chayllapak 24 puncha panchi killa 2024 watapi kayashka rimanakuypimi archipiélago llaktata ukllanapak manu kullkita mirachirkakuna.
Mamallakta Tantanakuypi, Mamakamachiy kay 209 niki killkapi rikuchishkata paktachishpami, Kamachiy Awllimanta minkashka ayllukunata chapak pushakkunata llaktayukmanta minkarishkapi rikuchun akllarkakuna.
Kay Ley para el Ahorro y la Monetización de Recursos Económicos para el Financiamiento de la Lucha contra la Corrupción kamachiy rurana killkata shukniki rimanakuypi, kullkimanta utkashpa ruranapak chayachishka, kamachi killkakkunaka extinción de dominio Mamallaktachiyman paktarinata, llakichiyta chimpapuranata, Mamakamachiy paktachinata shinalaltak shuktak yuyaykunatapashmi ashtawan rimarirkakuna.
Mamallakta Tantanakuyta pushak, Henry Kronfle, willachik antakunawan rimanakushpa nirkami, Llaktayukkunaka 62% patsakmi chaskishka rikurin, chaymantami munaywan llaktapak llamkakunchik. Kutinpash nirkami 10 kamachiytami arinishkanchik, 9 kamachiyka 100 kamachiy killkakkuna arinishkami, kayshinaka kamachi killkakkuna chikan yuyayta charishpapish makipurashpa llamkashkami riksirin, nirkami.
Mamallakta Tantanakuyka kay awkarik punchami ishkay hatun rimanakuyta charinka, kaypika Llakta pushak kay Vigilancia y Seguridad Privada Kamachiy rurana killkata allichinaman kachashkatami riksinkakuna shinallatak Ley de Seguimiento, Cooperación e Implementación de las Obligaciones Internacionales del Estado Ecuatoriano en Materia de Derechos Humanos kamachiy rurana killkatapash shukniki rimanakuypi riksinkakuna.
Kullkillamkaymanta utkashpa kamachiy ruranapak Llakta pushak, Daniel Noboa, chayachishka killka Mamallakta Tantanakuypi shukniki rimanakuy ukuí, llaktapi illapakunawan chimpapurankapak, llaktayuk llakita shinallatak kullki illaytapash yanapankapak nishpami, 18 kamachi killkakkuna tawak llaktay wankurimanta kay kamachiy ashtawan alliyachinapak yuyaykunata chayachirkakuna.
Mamallakta Tantanakuypi hunta rimanakuy, 100 ari apushitaywanmi, Inclusión Económica y Social, Esteban Bernal llamkaywasi ñawpa pushakta, paypak llamkaypi mana alli paktarishpa, Bono de Desarrollo Humano yanapaymanta, paktsak patsak wakllirinalla ayllukuna, mana riksichishpa, man pakta rikushpa, shinallatak paykuna mitsarichun mana alli katishpapish ñawinchishpai nishpa llamkaywanachirka,
Kay Ley Orgánica de la Función Legislativa kamachiypak 47 niki killkata paktashpa, Llaktapak Tribunal Contencioso Electoral (TCE); Consejo Nacional Electoral (CNE); Función de Transparencia y Control Social; Procuraduría; Contraloría; Fiscalía General del Estado; Defensoría Pública y Consejo de la Judicatura (CJ) tantanakuyta pushakkuna, 2023 watapi llamkashkata Mamallakta Tantanakuypi ñawirirkakuna.
Kamachi killkakkuna paktarinapi kari warmi pakta kana shinallatak runa hayñita tukuy kamachiykunapi rikurichun kimichina yuyaywan, llamkaywasita sinchiyachna munaywan shinallatak rikuchik paktayman chayana yuyaywan, kay 2030 wata llamkaypaktayta Charirayshpa Wiñarinapak ñanta katinapakmi, Yuyaypaktarichik Killkata Sistema de Naciones Unidas en Ecuador Tantanakuy Mamallakta Tantanakuywan yuyaypaktarirka.
Mamallakta Tananakuy, tukuy chaypikak, 120 ari apushitaywan, Llakta pushak kay Orgánica para la Gestión Integral del Riesgo de Desastres kamachiy killkata allichinaman kachashkata hapirkakuna, kay allichinaka hawallapimi kan shinallatak kapak killa 2023 watapi kamachi killkakkuna arinishka killkatami achikyachinata mashkakun. Kay yuyarinakushka kipa Mamallakta Tantanakuyka Kamachiy Kipukman willachichun chayachinka.
