Kay Consejo de Administración Legislativa (CAL) wakuriy rimanakuna ukupimi Mamallakta Tantanakuyta hatun pushak, Niels Olsen, shinallatak llaktay wankuriy pushakkuna shinallatak Kamachi killkakmanta wankuriykunapash shuk rimanakuyta charirka. Kay rimanakuyka Mamallakta Tananakuypak ruraykatichiy killkata makipurashpa allichinapak shinallatak Ecuador llakta ayllukunata utkashpa yanapanapakmi kan.
Kay Corte Constitucional tantanakuy, kay Furukawa llamkaywasipi mushuk esclavitud rikuymanta chayachishka Sentencia No. 1072-21-JP/24 killkata riksishka kipa, Mamallakta Tantanakuyka, tukuykunami (143 ari apushitaywan), 21 puncha sasi killapimi watan watan Día Conmemorativo de las Víctimas del Sistema de Servidumbre de la Gleba shutiwan yuyarinakuna, kay punchaka Fukurawa llamkaywasipi kay mushuk punchakuna esclavitud llakichiy rikurishkamanta.
Ñankunamanta llakita anchuchinkapak, llaktapak llamkaywasipi tukuy paktayman llakichiy chayashkata chimpapuranapak, llaktayukta pakta yanapaytapash charishkawan yachashkawanpash alli chayachinkapakmi, Mamallakta Tantanakuyka 84 ari apushitaywan kay Ley Orgánica de Integridad Pública kamachiy rurana killkata arinirkakuna, Llakta pushakmi kullkimanta utkashpa rurana nishpa chayachirka.
Mamallakta Tantanakuyka Niels Olsen pushakuyta sakichun mañashkataka 83 mana arinishka apushityawanmi mana arinirkachu, mañaytaka Luis Molina kamachi killkakmi, kay 013 niki rimanakuypi, kay awkarik 24 puncha raymi killa 2025 watapi chayachirka. Pushaymanta anchurichun mañaytaka Ley Orgánica de Integridad Pública kamachiy rurana killakta ishkayniki rimanakuy ukupimi paktarirka.
Desarrollo Económico Minkarishkapi, kamachi killkak shinallatak Mamallakta Tantanakuyta pushak, Niels Olsen, kay Ley Orgánica de Recuperación de Áreas Protegidas y Promoción del Desarrollo Local kamachiy rurana killkapak yuyaykunata chayachirka, kamachiy rurana killkata Llakta pushakmi chayachirka. Rikuchishka yuyaykunaka chuskupi rakishkami kan: Llamkaywasimanta, llamkaykullki paktarinamanta, llamkaywasipuraymanta shinallatak kasiklla kawsaymantapash.
Kay 23 punchamanta 29 punchakama hunkapi 2025 wata, Mamallakta Tantanakuyka tawka llamkaykunapi paktarinapak yuyarishka, Ley Orgánica de Integridad Pública kamachiyta ishkayniki rimanakuypi. Llakta pushak kullkimanta utkashpa ruranapak chayachishka, kaypika llaktapi pakta llamkay alli kachun, utkarichun, achiklla paktachunmi yanapan, ashtawankarin wakllichiyi llakichiypash illaklla kachunmi kaman.
Kay rimanakuypi pusak kamachi killkakkunawanmi, Desarrollo Económico Minkarishkapi kay Mamallakta Tantanakuypi ishkayniki rimanakuypi riksinapak puchukay killkata, kay Ley Orgánica de Integridad Pública kamachiyta arinirka, kay kamutaka Llakta pushak, Daniel Noboa Azín, kullkimanta utkashpa rurana nishpa chayachirka.
Kay Consejo de Administración Legislativa (CAL) wankuriyka Bolivar markamanta, Mireya Pazmiño kamachi killkata huchachishka mañaytami ñawinchiy kallarinapak arinirka, kaypika yallik 16 puncha raymi killami Andrés Castillo kamachi killkak mañayta chayachirka.
Mamallakta Tantanakuyka, 125 ari apushitaywanmi, kay Ley Orgánica Electoral y de Organizaciones Políticas de la República del Ecuador kamachiy, Código de la Democracia nishpa riksishka kamu mushukyachina killkata ishkayniki rimanakuypi arinirkakuna, kaypika 22 yuyaykunatami kari warmi paktakanapak, achiklla paktarinkapak, tawka ayllukunapura shutipi akllarinkapak shinallatak llaktayukkunapash pakta chayanapak, shuktak yuyaykunatapashmi allichin.
Mamallakta Tantanakuyka, 81 ari apushitaywanmi Llakta pushak kay Ley para Garantizar los Derechos Laborales de las Personas con Discapacidad, Enfermedades Raras o Catastróficas kamachiy rurana killkata, chaypak rantitapash allichinaman kachashkata arinirka.
