Hunta Rimanakuy Mamallakta Tantanakuy, 76 ari apushitaywan allinirka, kutinriksirishpa shinallatak ñawpachirka 2023-2025 watapi ecuador mamallakta llaktallukshirishkakuna 90% uchillayashka, Mamallakta pushak alli llankayta mirachishka shinallatak Ministerio de Relaciones Exteriores y Movilidad Humana rurashkawan, llaktamanta llukshirishkakunata aman llakipi kachun intichakushpa, llaktallukshirishkakunata sinchiyachichun, paykunawan, llankayta purichina.
Ecuador Mamallaktapak Tantanakuy, pushakpak minkashka, Mishel Mancheno, chaskirkami Istallakta Tantanakuy Kikin Yachaycharishka llamkachik (OMPI), Daren Tang, mashipurariy wawchiyay paktayta sinchiyachinapak, paypak kipuk rikuytakriypi, ashtawan chay Kamchiy Awlli pushayachay kamachin chashnalla tukuykuna kikin yachaycharishka llankayta tankanapak, mushukyachi, charirayashpa wiñariy shinallatak riksirayay kachana.
Salud minkarishkakuna, kutin pakchi rimayyachay riksinakushka kipa, sukta ari apushitaywan allinirka shinallatak chusku mananishkawan ishkiniki hunta rimanakuypi chimpapurana Ñawpakyuyay Kamachiy mushukyachina Musyay, Harkay shinallatak Tukuypi Chaskichiy Mishkiyunkuy Runakunata.
Mamallakta Tantanakuy Hunta Rimanakuy, 88 ari apushitaywan, allinirka ishkiniki hunta rimanakuy chimpapuraypi ñawpakyuyay Hatun Kamachiy Movilidad Humana Hatun Kamachiy Mushukyachina, pusak kallari kamachiy wampukyay chayta mushukyachina.
Ñawinchiy katikuy kallariypi Llika Llakta Hampiwasi shinallatak yanapakwasikuna tantanakushka Llika Llaktayukpak Tukuypi Allikay, Llaktahampi kamakwasi llamkahillay pakchirurak (MSP) willachirka chay shayarikunapi tiyashkata shinallatak tukuy markakunapi ñankunata wishkashkamanta mayhantak yaykunakunapi llakichishka hampi chaskiykunapi, chukrishka runakunata chaypikachinapak shinallatak hampina wasikunapi mana alli awlli tiyashka, chashnallatak mitachi mañachiy.
Minkarishka Soberanía Alimentaria y Desarrollo del Sector Agropecuario y Pesquero, kunan awaki 20 puncha wayru killa, chay Ley Orgánica de Desarrollo Agropecuario kamachiypak ñawparishpa chaskirka rikuriyaykunata, shuk niki hunta rimanakuypi chimpapuranapak ñawpakta killkawa. Kay kutin rimarirka ingeniero Diego Narvárez, Sumak Yachaywasi Laica Eloy Alfaro yachachik, Manabí markamanta.
Mamallakta Tantanakuyka, kay 22 puncha kuski killka, 81 ari apushitaywan, ingeniero Gonzalo Albán runa, kay Consejo de Participación Ciudadana y Control Social (CPCCS) tantanakuypi rimarikta ñawinchirka wanachirkapash, payka Mamakamachiyta shinallatak kamachiykunatapash mana paktashpa llamkashka nin, pushak akllarinapak arinishkamanta, ashtawankarin llamkaytapash puchukay pichka watapi shuk llaktay wankuriyman kimirishka kashkamanta.
78 ari apushitaywan, Mamallakta Tantanakuypi Decreto Ejecutivo Nro. 153, kay 20 puncha kuski killa 2025 wata allichishkata kimirinapak arinirkakuna, kay mañaytaka Llakta pushak, Daniel Noboa Azin, chayachishka, kaypika llaktayukkunatami shuk Asamblea Constituyente rimanakuy kallarinapak taripanata mashka, mamakamachiypi paktarishpa llaktayuk chaypikana ushaywan, llaktayuk paktarina sumaychata tikrachishpa.
Kay 22 punchamanta 28 punchakama hunkaypi, Mamallakta Tantanakuyka makirukkunata unanchanapak yuyaywanmi rimanakunka, Gonzalo Albán Molestina runa, Consejo de Participación Ciudadana y Control Social (CPCCS) tantanakuypi llamkaktapash ñawinchinka shinallatak Fortalecimiento y Sostenibilidad Crediticia kamachiy rurana killkata ishkayniki rimanakuypi riksinkakuna.
Wacha, 20 puncha kuski killka, Desarrollo Económico Minkarishka, 8 ari apushitaywan shinallatak 2 mana ari apushitaywan, kay Ley de Fortalecimiento y Sostenibilidad Crediticia kamachi rurana killka (kullkimanta utkashpa ruranapak chayachishka), kay killkataka Mamallakta Tantanakuyta pushakman chayachishka kanka, kay Ley Orgánica de la Función Legislativa kamachiy rikuchishkata paktashpa.
