Kay Consejo de Administración Legislativa wankuriy kay Orgánica de Competitividad Energética Kamachiy rurana killkata, kullkimanta utkashpa ruranapak akllashpa, Desarrollo Económico Minkarishkaman allichichun kacharka, Ministerio de Energía y Minas llamkaywasi pushakkuna shinallatak llaktapak llamkana wasi pushakkunapash zirma tantariwan rikuna charikkunapak yuyayta chaskishpa.
Kay Consejo de Administración Legislativa (CAL) wankurika tukuy llamkakkuna arinishkawanmi kay Orgánica de Competitividad Energética kamachiy rurana killkata akllarkakuna, kay killkataka llakik chillay punchami Llakta pushak, Daniel Noboa, kullkimanta utkashpa rurana nishpa chayachirka.
Mamallakta Tantanakuyta pushak, Henry Kronfle Kozhaya, willachikkunawan rimanakuypi nirkami, kayna kullka 21 puncha kapak killa rimanakuypika, llaktata ñawpa kipapushak Jorge Glas runata wanachinapak arininata mañaywanka, pay runapak llaktayukkayta mana imapi shuktakyachinchu, Mamallakta Tantanakuyka nima yuyaypaktariman mana chayarkachu, nirka.
Pakta 125 ari apushitaywanmi, Mamallakta Tantanakuyka Mamakamachiypak 158 niki killka mushukyachinata arinirka, kay mushukyaywanka Fuerzas Armadas (FF.AA.) tantanakuytami Policía Nacional tantanakuyta yanapachun arinin.
Kay Consejo de Administración Legislativa (CAL) wankurika Jorge Peñafiel kamachi killkak runa Consejo de la Judicatura tantanakuyta ñawpa pushak Wilman Terán runata, rimarik Xavier Muñoz shinallatak ñawpa rimarik Maribel Barrero runatapash kamachiyta mana pakta rikushka nishpa llaktay ñawinchiyman mañashkata kallarichun akllarka.
74 ari apushitaywan, Mamallakta Tantanakuyka Fiscal General del Estado pushak, Diana Salazar, llamkakushkata ukllankapak, paypak llamkayka tukuy llakichinapak wankurishkata chimpapuranapakmi, kay taripaypi tawka riksinakunata tarishka.
Mamallakta Tantanakuy, kay 17 puncha, sasi killa, Henry Kronfle Kozhaya kamachi killkakta pushachun akllashpami llamkay kallarirka, pushakka llaktata yanapanapak kamachiyta allichinapimi sinchita llamkashpa kallarirka, shinallatak, ñawinchiypi, chaparaypipash ashtawan kimirirkakuna, kayshinami Mamallaktachiypak llamkaywasikuna alli paktarikukta rikunkapak shinallatak kari warmi Ecuador llakta ayllukunaman yanapayta chayachinapi llamkakun.
Mamallakta Tantanakuypi rimanakuytaka, pushak Henry Kronfle Kozhaya, pushakuypika tawka wankurimanta kamachi killkakunami rimarin, kay Orgánica de la Función Legislativa (LOFL) kamachiypak 130 niki killka rikuchishkata katishpa.
Llamkayta utkashpa sinchiyachinkapak, manu kullki tantachinata mirachinkapak shinallatak kullkimirayta kallarichinkapak paktanakunami kay Eficiencia Económica y Generación de Empleo kamachiypi tiyakun, kullkimanta utkashpa rurana nishpa chayachishka, shukniki rimanakuypak chayachishka llamkaywillayta Mamallakta Tantanakuy ukupi riksirkakuna.
Kay Código de Salud kamachiyta shinallatak Derechos Derivados del Apoyo Humanitario durante la Pandemia de la COVID-19 kamachiyta mushukyachinapak kamachiy rurana killaka allichinaman kachashkami, Mamallakta Tantanakuypak No. 878 niki rimanakuy llamkaypak, kay kullka 14 puncha, 09h00 pacha tutamantapak kayachishka kan.