Kunan punchami, Henry Kronfle Kozhaya, 15 punchakuna mushuk Mamallakta Tantanakuyta pushakuy paktan, payka ñawpakman pushanapak sayarirka, 128 kamachi killkakkuna tukuy wankurimanta ari apushitayta chaskirshka kipa, kayshina apushitayka wiñaykawsaypi yuyarinami kan.
Mamallakta Tantanakuypi, 116 ari apushitaywanmi, Llakta ñawpa pushak, Guillermo Alberto Santiago Lasso Mendoza runata, peculado llakichiywan Mamakamachiyta 2 yupay 129 niki killkata llakichishka nishpa shinallatak Corte Constitucional tantanakuypak dictamen 1-23-DJ/23 killkapi riksichishkamantapash shuk yuyarinakushka killkata arinirkakuna.
Mamallakta Tantanakuypi, Orgánica de la Función Legislativa (LOFL) kamachiy rikuchishkata paktachishpa, Comité de Ética minkarishkapak rimarikkunata akllarka, kaypika tawka wankurimantami kimirirkakuna, kari warmi pakta paktami yaykurka.
Kay Consejo de Administración Legislativa (CAL) wankuripak shukniki rimanakuypimi, llaktay ñawinchiy kallarinapak ishkay mashkata riksirkakuna. Shukka Energía llamkaywasita ñawpa pushak, Fernando Santos Alvite shinalaltak kayshuk mañayka Interior Llamkaywasita ñawpa pushak, Juan Zapata, runakunata llaktay ñawinchiyman kayachishkata riksirkakuna, mañaytaka Nivole Saca shinallatak Carlos Vera Mora kamachik killkakunami chayachirka.
Kay Orgánica de la Función Legislativa kamachiypak 61 niki killkapi rikuchishkata paktashpa, Seguridad Integral Minkarishkamanmi Orgánica de Gestión Integral de Riesgo de Desastres kamachiy rurana killka kutin chayarka, paykunami Mamallakta Tantanakuypak ishkayniki rimanakuypi tantachishka yuyaykunata allichinka.
Tawka wankurikunamanta shutikunawan, kari warmi chayanata rikurashpa shinallatak tukuy kamachi killkakuna arinishkawanmi, Mamallakta Tantanakuyka Comité de Ética Minkarishkata wiñachirka.
Kay Consejo de la Judicatura Tantanakuyta pushak, Wilman Terán, Mamallakta Tantanakuyman chayamushpa, Henry Kronfle, Mamallakta Tantanakuyta pushakman, kay Ecuador llaktapi kamayta shinchiyachinapak shinallatak llakichiyta chimpapuranapak tawka kamachiykunata mushukyachinapak yuyaykunata chayachirka.
71 ari apushitaywanmi, Alexandra Castillo Campoverde, Pichincha markamanta akllarishka kamachi killkak, Construye wankurimanta shutita chayachikpi kay Consejo de Administración Legislativa (CAL) wankuripak kimsaniki rimarik kay aymuray killa 2025 watakama llamkanapak akllarirka.
Ikayta shinallatak ukllaytapash ayllukunapak, tantanakuykunapak, pachamamapakpash kay Sistema Nacional Descentralizado de Gestión del Riesgo de Desastres paktarishkawan imalla llakikuna tiyakpi sumaychankapak; shinallatak mitakunata, ruraykunata, hillaykunata paktarikunatapash tantachinapak makipurachinkapak kayshina llakikuna rikurishkata ñawpankapak, harkankapak, anchurinkapakpash, kaykunpi pakta yanapanapakmi kay Orgánica de Gestión Integral del Riesgo de Desastres kamachiyta mashkakun, Mamallakta Tantanakuymi ishkayniki rimanakuypi riksirka.
Kay Orgánica de la Función Legislativa kamachiypak 12 yupay, 9 niki killkapi rikuchishkata paktashpa, Mamallakta Tantanakuyta pushak, Henry Kronfle Kozhaya, kamachi killkakmi Xavier Mauricio Torres runata Contralor General del Estado llamkaypi kallarichirka.
