Kanchis ari apushitaywan, Desarrollo Económico Minkarishkakunaka allichinapak riksichishka llamkaywillayta arinirkakuna, mana paktarishkamanta, kay Ley Orgánica de Telecomunicaciones kamachiy mushukyachina killka, Llakta pushak, Daniel Noboa Azín, chayachishka.
10 ari apushitaywanmi, Justicia y Estructura del Estado Minkarishkata pushak, Rosa Torres kamachi killkak, Llamkayñay riksichik killkata, kay Ley Orgánica de la Función Legislativa (LOFL) kamachiypak 27 niki killka rikuchishkata katishpa chayachishkatami arinirkakuna.
Llaktakunaman chayashpaka uchilla shinallatak maltalla llamkakkunata uyanaman, pakta ñawinchiyta paktachinaman ashtawanka llaktapi tarpukkunata yanapak kamachiy ruranapak kanchis kamu killkata allichinapakmi kay Soberanía Alimentaria y Desarrollo del Sector Agropecuario y Pesquero Minkarishkapak kay 2025-2027 watapi llamkayñanta allichishkakuna.
Istallaktamanta llakichik tantarishkata chimpapuranapak istallaktapura makipuray paktanapak, Mamallakta Tantanakuy, 82 ari apushitaywanmi ishkayniki rimanakuypi, Mamakamachiypak 5 niki killkata chawpi mushukyachinata rimanakurka.
Kay chaska puncha, Tránsito Amaguaña wasi ukupi, paklla wamrakunawan rimanakuy tiyarka, mamallakta tukuy markakunamantami rimanakuyman chayamurkakuna. Kay rimanakuypika paklla wamrakuna Ecuador llaktapi imashinall paktarinata rikunapakmi tantarirkakuna.
Mamallakta Tantanakuypi, shukniki kipapushak, Mishel Mancheno pushakuywan, kay chaska 30 puncha aymuray killa, chaypi kak kamachiykunapak 138 ari apushitaywan, Comisiones Especializadas Permanentes y Ocasionales Minkarishkakunapi shukniki ishkayniki llamkaywillayta allichinapak pachakuna yallishka kakpi kay 2025-2029 watakunapak mushuk llamkay kallarishkamanta pachakuna mirachinata arinirka, shinaka sukta chunka (60) punchakunatami, kay yuyarinakushka killka llukshishkamanta yupashpa mirachinka.
Kay Consejo de Administración Legislativa (CAL) wankuriy, Niels Olsen pushakushka, kay Ley Orgánica de Innovación y Fortalecimiento de la Gestión Pública kamachiy rurana killkata, Ecuador llakta pushak, Daniel Noboa Azín, Ecuador llakta pushakuk, kullkimanta utkashpa ruranapak nishpa, kay 27 puncha aymuray killa 2025 wata chayachishka.
Kay 2025-2027 wata llamkaypak ishkayniki rimanakuypi, kay chillay 28 puncha aymuray killa 2025 wata, Derecho a la Salud y Deporte Minkarishkakuna, Juan Reyes Baquerizo kamachi killkak pushakuy, tawka kamachiy rurana killkatami riksishpa mayhanta kallaripi llamkanapak akllarka.
Mamallakta Tantanakuyta pushak, Niels Olsen, kay chaska 30 puncha aymuray killa 2025 wata, 09:00 pacha tutamantapak 006 niki rimanakuyman kayachirka, kaypimi Ley de Solidaridad Nacional kamachiy rurana killkata shukniki rimanakuypi, Llakta pushak kullkimanta utkashpa rurana nishpa chayachiskata riksinkakuna. Kay kamachiyka llakichikpak llamkaykullkita llakta ukupi llakiwan atiriypi wakllichinapi yanapanka. Chaypakka, Desarrollo Económico, Productivo y de la Microempresa Minkarishka allichishka llamkaywillaypimi kimirinkakuna, kaypika manu kullkipi shinallatak wanachinapi mutsurishkatami riksirin.
8 arinishka apushitaywanmi, Desarrollo Económico Minkarishkakuna kay Ley Orgánica de Solidaridad Nacional kamachiy rurana killkata, Llakta pushak kullkimanta utkashpa rurana nishpa chayachishkata allichishpa shukniki rimanakuypak llamkaywillayta arinirkakuna.
