Mamallakta Tantanakuyka, hatun rimanakuywanmi, Quito kitita sumaycharka, kaypika 216 watakuna Primer Grito de Independencia atirianakuy paktashkata yuyarirka, 10 puncha karwal killa 1809 watami paktarirka. Kay punchami Ecuador llakta kishpiriy kallarirka, Quito kiti tukuy América Latina shuyukuna katichun kallarirka, kayshina atirinakuypika kaypi allpakunapi wacharishka ayllukunami kikinmanta pushanata shinallatak llaktay charinata mashkakurka, Monarquía Española pushakkunamanta chikanyarishpa.
Mamallakta Tantanakuy ukupi shuk rimanakuywanmi, Día del Sistema Nacional de Áreas Protegidas y el Día Mundial del Guardaparque punchata yuyarirkakuna, Mamallakta Tantanakuyta pushak, Niels Olsen kamachi killkakka, Ministerio del Ambiente, Agua y Transición Ecológica (MAATE) tantanakuymanta Guardaparque Honorífico unanchata chaskirka, kayshina riksirishkataka Ley Orgánica para el Fortalecimiento de Áreas Protegidas kamachiyta, sitwa killa 2025 watapi arinishkamanta, kay kamachiyka patrimonio natural del Ecuador charishkata riksirishkami nirka.
Kay Fiscalización y Control Político Minkarishkakuna, sukta ari apushitaywan, Mamallakta Tantanakuymanmi Fernando Jaramillo kamachi huchachishpa Solanda Goyes, kay Consejo de la Judicatura (CJ) tantanakuypi rimarikta llaktay ñawinchiywan kallarichun mañay chayachishkata katinapak arinirka, kay minkarishkakunaka Goyes runaka paypak llamkayta mana paktashka shinallatak kay Código Orgánico de la Función Judicial kamachiypak 21 niki killkata, kay Reglamento de Sesiones del Pleno del CJ uchilla kamachiypak 8.1, 15 niki killkata, kaypika principio de probidad yuyay, shinallatak llamkaymanta ashalla pachata anchurinapak rikuchishkata wakllichishka, nin.
Tukuykunami, kay Consejo de Administración Legislativa (CAL) wankuripi kay Ley Orgánica para el Control de Flujos Irregulares de Capitales kamachiy ruranapak killkata akllarka, Llakta pushak, Daniel Noboa Azin, kullkimanta utkashpa ruranapak nishpa chayachishka karka.
Manuel Blacio shinallatak Esperanza Rogel kamachi killkakkunami pushak shinallatak killkakamayuk akllarirka, paykunami Grupo Interparlamentario de Amistad entre Ecuador y la Federación de Rusia wankuriyta pushankakuna, shukniki rimanakuy kunan puncha paktashkapi.
Mamallakta Tantanakuy rimanakuypi, 80 ari apushitaywan, Llakta pushak chayachishka Ley Orgánica Reformatoria al Código de Trabajo para Dignificar el Trabajo del Hogar kamachiyta allichinapak rikuchishkata tukuymi hapirkakuna. Kamachiy rurana killkataka Llakta pushakmanmi chayachinkakuna, rikuchun arinichunpash.
Kay 013 niki rimanakuypi, Consejo de Administración Legislativa (CAL) wankurika Gonzalo Albán runa, kay Consejo de Participación Ciudadana y Control Social (CPCCS) tantanakuypi rimarikta ñawinchinapam ñashkata riksirka, kay mañaytaka Keevin Gallardo kamachi killkakmi chayachirka.
Chaypikak 146 kamachi killkakuna arinishkawanmi, Mamallakta Tantanakuyka kay wanra pucha "Llamkaywasita sumaychanamanta shinallatak Mamallakta Tantanakuypak paktakay llamkaymanta" shuk yuyarinakushka killkata arinirkakuna, kay killkawanmi Joseph Santiago Díaz Asque kamachi killkakkta huchachishkata millarinkuna, kay runataka shuk warmi wamrarakta kikinkaypi llakichishka nishpa huchachishka kan.
Mamallakta Tantanakuyka, 83 ari apushitaywanmi, Daniel Caicedo de Los Ríos, Silvana Mariuxi Ramírez runakunapak shutita, Mamallakta Tantanakuypak shutipi kay Comisión Ciudadana de Selección minkarishkaman yaykushpa Fiscalía General del Estado tantanakuy pushakkunata akllanapak chayachirka, kay shutikunataka Consejo de Participación Ciudadana y Control Social (CPCCS) tantanakuymanta, Andrés Fantoni Baldeón pushak mañashkata kutichishpami akllarkakuna.
Derecho al Trabajo y la Seguridad Social Minkarishkakunaka Corte Constitucional tantanakuy yuyaypaktarishka Dictamen N.º 3-25-OP/25 killka, 3 puncha sitwa killa 2025 watapi allichishaktami riksirkakuna, kaypika Llakta pushak, Daniel Noboa Azin, kay Ley de Seguridad Social para la Jubilación Especial del Cuerpo de Vigilancia de la Comisión de Tránsito del Ecuador (CTE) kamachiy mushukyachina killka mamakamachiywan waktarikun nishpa rikuchishkatami chawpita arinirkakuna.
