Kanchis arinishka apushitaywanmi, Seguridad Integral Minkarishkakunaka kay Ley Orgánica de Personal y Disciplina de las Fuerzas Armadas kamachiy mushukyachinapak mañashkata riksichik llamkaywillayta shukniki rimanakuypak arinirkakuna, kaypika Mamallakta Tantanakuy kay mañayta wakichinapak riksichin.
Kay Fiscalización y Control Político Minkarishkakunaka, kay chaska 11 puncha sitwa killami, tukuykuna, doctora Solanda Goyes Quelal mañay chayachishkata arinirkakuna, payka Consejo de la Judicatura (CJ) tantanakuypi kallari rimarikmi, kay mañaypika Fernando Jaramillo kamachiy killkak ñawirichun mañashkamanta pachakuna paktakushkata rikuchin, ninmi unkushka kashkamanta 15 punchakunata samanaman kachashka, 5 punchamanta 19 punchakama kay 2025 watapi, ukun aychapi unkushka kashkamanta.
Kay Transparencia Minkarishkakunaka, kunan tutami, Santiago Díaz kamachi killkakta huchachishka mañayta kamay paktanapak ñawinchiy kallarirkakuna, kay mañaypika shuk ayllupak kikin kawsaypi wakllichishka nishpa huchachishkami kan.
Kay Corte Constitucional, la Comisión de Biodiversidad Tantanakuy yuyarinakushka killkata paktachinata mashkashpa, Biodiversidad Minkarishkakunaka, iskun ari apushitashkawanmi, kay Ley Orgánica para la Protección y Defensa de los Derechos de los Animales kamachiy rurana killka allichikushkata riksichik llamkaywillayta arinirkakuna. Mañaytaka Fernando Jaramillo kamachi killkakkmi chayachirka.
Yachak Fabián Plinio Efraín Fabara Gallardo, María Emilia Grijalva Reyes y Walter Giovanny López Endara runakunami Mamallakta Tantanakuymanta kay Consejo de la Judicatura (CJ) tantanakuypi 2025-2031 llamkanapak kallaripi shinallatak kipaman rimarikkunata akllarichun shutikunata chayachin, Mamallakta Tantanakuypak yuyarinakushka killkataka, 86 ari apushitaywanmi arininkuna.
"Hatun mushukyaykunaka chayshinallatak muskuykunata shinallatak paktanakunata mashkakwan purishpami wiñachina kan", Niels Olsen, Mamallakta Tantanakuyta pushakka, Istallaktamanta Cuerpo Diplomático shinallatak Istallakta Tantanakuykuna kay Ecuador llaktapi 60 minkashka yalli ayllukunawan rimanakuyta kallarishpa, nirka.
Kay Transparencia, Participación Ciudadana y Control Social Minkarishkakuna, kay awaki 8 puncha, sitwa killami, kay Consejo de Administtración Legislativa wankurishkakuna N.º 008-2025 niki rimanakuypi, 04 puncha sitwa killa 2025 wata arinishka killkata riksirkakuna, kaypika kay pawkar killka 2025 wata kullki karashka shinallatak willachishka paktashkatami ñawinchinkakuna.
Mamallakta Tantanakuypak Garantías Constitucionales, Derechos Colectivos y la Interculturalidad Minkarishkapimi kay Consejo de Administración Legislativa (CAL) wankuriy yuyarinakushka killakta riksinkakuna, kaypika Participación Ciudadana y Control Social Minkarishkatami, paykunapak llamkana paktashkamanta, karashka shinallatak yanapashka kullkikunata llaktay chapay paktashpa mayhanlla rikuna charishkata riksinapak paktarichun mañarka, kayshina rikuykunaka kay 22 punchamanta 26 punchakama pawka killa 2025 watapi paktarishkatami riksinkakuna.
"Kay 29 puncha sasi killa 2023 watamantami llamkay kallarirkani, 110 llamkaywillaytami pakta taripaykunawan charishka willayta jueces, fiscales shinallatak kamaypi llamkakkunata taripashkanchik kaypika 59 taripaypimi wanachinapak rikuriykuna tiyashka", kashnami contralor General del Estado, Mauricio Torres pushakka, Fiscalización y Control Político minkarishka ukupi willarka, kay riksichiykunaka kamak runakuna paykunapak llamkaypi llakikuna tiyan nishpa taripashkapi, llakta ukupi atirinakuy tiyan nishkamanta.
Kay hunkay 7 punchamanta 13 punchakama sitwa killapi, Mamallakta Tantanakuyka Consejo de la Judicatura tantanakuy kay 2025–2031 watakuna llamkanapak kallaripi shinallatak washaman katikshina llamkanapak akllarinaman kimsa shutikunata chayachinka. Shinaka, kay Consejo de Participación Ciudadana y Control Social (CPCCS) tantanakuy yuyaypaktarishka killkawan kay 11 puncha raymi killa, Mamallakta Tantanakuy kay 5 puncha raymi killatam ñawpa pushakkuna puchukay pachapi chayachishka kimsa shutikunata anchuchishpa sakinka.
