Kunanpaklla Minkarishkakunaka Mamakamachiypak 5 niki killkata mushukyachinapak llamkaypika, Ecuador llaktapi istallaktamanta awkakuna chayamunatami arininapak mashkakun, kay awkarik 29 puncha ayriwa killa, chusku ari apushitaywanmi, Llakta pushak chayachishka llamkaywillayta ishkayniki rimanakuypak arinirka, kayshinaka llaktapi kasiklla kawsayta pakta yanapanka nishpa rikuchishkawan.
Mamallakta Tantanakuyka, 103 ari apushitaywanmi, Margarita Hernández Naranjo, exsuperintendenta de Economía Popular y Solidaria tantanakuy ñawpapushakta llaktay ñawinchiyman kayachinapak arinirkakuna, kay mañaytaka Xavier Jurado kamachi killkakmi chayachirka, paypak pushaymi llamkaywan mana paktarishka nishpa, kay cooperativas de ahorro y crédito, cajas comunales shuktak kullkiwasikunapash, kay financiero popular y solidario wankuriman kimirishkakuna.
97 ari apushitaywanmi Mamallakta Tantanakuyka Adrían Castro, kamachi killkak chayachishka mañayta arinirka, kay mañaypika Ley Orgánica de Libertad e Igualdad Religiosa kamachiy rurana killkata wakichichun mañarka, imamanta rikuchiypika ninmi Mamakamachiypak 135, 287 niki killkawan waktarikushkamanta, kaypika llaktapak kullki mirarina rikurishkamanta.
Mamallakta Tantanakuy, 1020 niki rimanakuypi, kay Sala Especializada de lo Penal, Penal Militar, Penal Policial, Tránsito, Corrupción y Crimen Organizado de la Corte Nacional de Justicia tantanakuy uku, Francisco Andrés Cevallos Macias kamachi killkak llullashpa llakichishka nishpa huchachishpa wanachinapak mañashkata mana arinirkachu, kay mañaytaka Código Orgánico Integral Penal (COIP) kamachiypak 182 niki killkapi rikuchishkata katishpa mañashka.
Kay chillay puncha tutamanta, Mamallakta Tantanakuyka shuk Hatun Makipuranakuypimi yanaparirka, tawka llakikuna rikurishka nishpa, kayshina utkashpa yanapaywan chayanapak. Kay ruraykunapika 2 500 llamkak ayllukunami Legislatura, la Contraloría General del Estado, la Defensoría del Pueblo shinallatak Ministerio de Trabajo Llaktapak llamkaywasimanta chaypikarkakuna.
Kay Consejo de Administración Legislativa (CAL) wankurishka, 89 niki rimanakuypi, Mamakamachiypak 379 niki killka mushukyachinapak mañashkata killakta riksirkakuna, mañaytaka Jorge Peñafiel kamachi killkakmi chayachirka, kaypika llaktapak charishkata katunapak, rikunata charik arinishka kipa, kamachiy rikuchishkata paktashpa shinallatak katishpapish, kayshina ukllanapak shinallatak charishpa katinapakpash.
Kay N.° 088 niki rimanakuy kutinkatinapi, kay awkarik 22 puncha ayriwa killa 2025 watami, Consejo de Administración Legislativa (CAL) wankuriymi kay Código Orgánico Integral Penal (COIP), Código Orgánico de Organización Territorial, Autonomía shinallatak Descentralización (COOTAD), shinallatak Código Monetario y Financiero kamachiyta mushukyachinapak akllashpa arinirka; shinallatak kikinmanta wañuyta shinallatak ñawpanchishpa munayta, shinallatak llaktapi riksishka hampitapash riksichinapak ruraykuna paktanata churanka.
5 ari apushitashkawanmi, Mamakamachiyta (5 Niki killkata) mushukyachinapak Kunanpaklla Minkarishkakunaka pachakuna mirachishkata arinirkakuna, paykuna paktarina pachakunaka 28 puncha ayriwa killa 2025 wata puchukashkamanta. Kay mirachishkawanka Mamallakta Tantanakuy pushakmanmi Mamakamachiy mushukyachinapak pakta rikushpa, kamaywan paktachishpashinallatak llaktayukman pakta riksichik llamkaywillayta ishkayniki rimanakuypak chayachinka.
Mamallakta Tantanakuy kay chillay punchami Consejo de Participación Ciudadana y Control Social (CPCCS) Tantanakuypi kipa rimarik runakunata llamkaypi kallarichinka; shinallatak, tawka yachak minkarishkakunata llakta llamkaywasi pushakkuna 2024 watapi llamkay paktashkatapash kay kullki killa chayachishkata rikuchun akllanka, kay paktayka Orgánica de la Función Legislativa (LOFL) kamachiypak 47 niki killkapi rikuchishkata paktashpa.
Kay Llaktay ñawinchiy Margarita Hernández, Economía Popular y Solidaria tantanakuyta ñawpa pushakta llaktay ñawinchiy kallarinapak, Xavier Jurado mañayta chayachirshka, llamkayta kamachywan mana paktarishka nishpa chayachishkapi willaykuna shinallatak riksichiykunatapash chayachishpa kallarirka.
