151 kamachi killkakkunawanmi, Mamallakta Tantanakuyka, 2008 watapi arinishka kamachiyta paktachishpa llamkay kallarirka. Niels Olsen, kay Alianza Democrática Nacional (ADN) wankurimanta, 80 ari apushitaywan, kay 2025 - 2027 watakunapi pushanapak akllarirka, payka chay pachallatakmi ashlla pachapak pushakuk, Annabella Azin, llaktapak kamachiy killkakpak ñawpapi iñirka, chaypachallatakmi Mamallakta Tantanakuyta pushay kallarirka.
Kay Consejo de Administración Legislativa (CAL) wankuriy, Viviana Veloz pushakushka, kay 2023-2025 wata llamkay puchukay rimanakuypi, chunka shuk mushuk kamachiy rurana killkatami akllashpa tawka yachak minkarishkakunaman chayachinapak sakirka.
Llaktayukman willachiypimi, Mamallakta Tantanakuyta pushak, Viviana Veloz willarka, Pushaymanta shinallatak Tukuyta rikuymantami mushuk kamachi killkakkunaman tukuy yanapayta chayachishkanchik paykuna tukuy mutsusha killkata chayachichun, Mushuk kamachiy awlli llamkay kallarinapak ñawpa, shinallatak kimsa kamachi killkak ñawpakman kakkuna kay shamuk 14 punchaaymuray killa 2025 watapi llamkay rimanakuyta kallarichun, nirkami.
Mamallakta Tantanakuy, kay awaki 12 puncha aymuray killa, 97 ari apushitaywan, exsuperintendenta de Economía Popular y Solidaria, Margarita Hernández runata wanachirka, kay llaktay ñawinchiyta katishpa, mañaytaka Xavier Jurado kamachi killkakmi chayachirka, kullkiwasikuna llamkayta mana pakta katirashpa rikushka nishpa huhachiywan kay kullkiwasikunaka economía popular y solidaria ukupimi kankuna. Wanachiyshkawanka ishkay watatami llamkayta mana ushanka.
Llaktapak Kamachi killkakkuna shinallatak Pichincha markamanta kamachi killkakkunami Consejo Nacional Electorial tantanakuypak makimanta iñik pankata chaskirka. Kamachi killkakkunapuraka Paola Cabezas (RC) runa karka payka paypak churanawanmi Mavinas wawakunata paypak churanawan sumaycharka.
Mamallakta Tantanakuyka shuk yuyarinakushka killkawanmi Salud llamkaywasi pushakta, harkarinalla tosferina, fiebre amarilla unkuykunata harkanapak pichka wata manarak charik kari warmi wawakunaman vacuna hampita churanapak hatun kayachiyta, wakllirinalla ayllukunaman shinallatak mana yaykurinalla llaktakunaman chayanapak sinchiyachichun mañan, chaypakka Ministerio de Economía y Finanzas llamkaywasimi kayshina yanapay chayachinapak llamkaywillayta chayachinka.
Kay VIII Censo Nacional de Población, VII de Vivienda y I de Comunidades llamkay paktashkata ñawirishpa llamkaywillayta riksinapakmi Mamallakta Tantanakuypi arinirka, kay killkataka Garantías Constitucionales minkarishkaman chayachishka karka.
Mamallakta Tantanakuyka, kay chillay 7 puncha aymuray killami, 71 ari apushitaywan, Mamallakta Tantanakuy yuyarinakushka killkata paktanapak kimsaniki llamkaywillayta arinirka kaypika tukuy llaktapi kari warmi wawakunata wamrakunatapash kimichik llamkak wasikunata ñawinchinata arinirka, chaymantami, shuktak yuyaykunapika, kay Enriquez Gallo samana wasika wasikuska wakllirinalla rikurin chayka wamrakunapak hayñitami wakllichin kay wasipi kimirina paktanata, ninmi.
Kay Consejo de Administración Legislativa wankuriy Margarita Hernández, Mamallakta Tantanakuypak shamuk rimanakuypi llikapankapi llaktay ñawiriman chayachun arinirka, kaypimi Superintendencia de Economía Popular y Solidaria tantanakuyta pushakushpa mana pakta llamkashka nishkata ñawirishpa riksichinka.
Kunanpi pushakuk Viviana Veloz kamachi killkak, kamachiy awllipi tukuy pushakkunawa shinallatak kamachi killkakkunawanpash, mushuk kamachi killkakkuna kunanlla akllarishkamanta shamuk pachakunapi llamkay kallarichun allichiyta ñawpakman katikun, kashnami Alejandro Muñoz kamachi killkak, willarka.
