Ashallapak minkarishkakuna Mamakamachiyta ashallata mushukyachinapak killkakunata riksinapika istallakta awkakuna kay llaktapi tiyarinamanta shinallatak llakta wankurikunaman kullki chayachinamantami riksinkakuna, kay mañaytaka Llakta pushak Daniel Noboa chayachirka, kay mañashkataka Corte Constitucional tantakuy riksishkami kan.
Kay Soberanía Alimentaria y Desarrollo del Sector Agropecuario y Pesquero Minkarishkakuna, kay sasi killa 2023 watamanta, llaktapi llamkak tawka tantanakuykunata ashtawankarin uchilla, maltalla tarpukkunata, wakra wiñachikta shinallatak chalwata hapishpa llamkakta yanapak kamachiyta allichirkakuna. Shinallatak, Tarpuyta, ruraykunata, chalwa hapinata, shuktak llamkay rikuktapash, kay llamkaykunapi llaktapak llaktaykuna paktashkatami ñawinchinka.
Kay Relaciones Internacionales Minkarishka kay 13 killakuna llamkaypika, Ecuador llakta ayllukuna ista llaktapi kawsakukta yanapanapak, ista llaktawan makipuranapak shinallatak ayllukuna purinakunata ñawinchinapak hayñikunata paktachichinapak shinallatak sinchiyachinapak kamachiykuna allichinapimi llamkarka. Kay pachakunapika, Ecuador llakta tukuy allpapachapi riksirichun shinallatak Ecuador llakta ayllukuna ista llaktapi kawsakukta rikuranapakmi kamachiykuanta allichishka kan.
Llaktay mutsurishkamanta shinallatak kutin kutinpash, llakta pushay akllayman kimirik, Daniel Noboa, tukuy allichina mashkawan, Ecuador llakta ayllukunata shinallatak wakllirinalla ayllukunatapash washayachishpa katikun. Shuk killa manarak paktakpi, LLakta pushakka, Ecuador llaktawan mana sumaychashpa, 6 kamachiy rurana killkatami allichinapak tikrachishka.
Kay Gobiernos Autónomos Minkarishkapi llamkak kamachi killkakkuna, kay sasi killa 2023 watamanta shinallatak kapak killa 2024 watakamaka, Código Orgánico de Organización Territorial, Autonomía y Descentralización (COOTAD) kamachiy mushukyachinapi; Ley de Creación del Cantón Sevilla Don Bosco wiñachinapi; Ley de Defensa contra Incendios; shinallatak Ley que genera rentas para los GAD de Esmeraldas y Santa Elena kamachiy rurana killka allichinapimi llamkarka;
Kay sasi killa 2023 watamanta kapak killa 2024 watakama, 13 killakunata llamkashpa, Mamallakta Tantanakuyka 47 mushuk kamachiykunatami arinishka, minkakuna chayachishka llamkaywillayta katishpami paktashkakuna, kaypika yachakkunami pakta llamkashkakuna.
Esther Cuesta, Mamallakta Tantanakuypi kay 4 puncha kulla killka 2025 wata yuyarishkamanta minkashka pushakuk, willachikkunaman nirkami kay N.° 1003 niki rimanakuypakka, katik 98 kamachi killkakkunatami kallaripi llamkachun arinishkanchik, paykunami 09 puncha panchi killa 2025 watakama llamkankakuna.
Mamallakta Tantanakuyta pushak. Viviana Veloz, kay 8 puncha kapak killata watan watan yuyarinapak, Día de Luto Nacional en Memoria de la Justicia y la Lucha contra la Impunidad shutichichun mañarka, kay Malvinas, Guayaquil llaktapi llakinay mancharinata chusku wawakunata wañuchishkamanta.
Mamallakta Tantanakuyta pushak, Viviana Veloz, kay chashka punchaka Mamallakta Tantanakuymanta Corte Constitucional tantanakuypi kay decreto ley kamachiywanka manu kullki tantachinata ashtawan allichina shinallatak lavado de activos llakichiyta chimpapurana nin. Kay decreto kamachiyka, Mamallakta Tantanakuy shitarishka, Llaktapushak mamakamachiywan waktarishpa llukshichishkami", nirka,
Mamallakta Tantanakuymi Transparencia, Participación Ciudadana y Control Social Wiñaypak Minkarishkata kay Teodoro Maldonado Carbo, Guayaquil kitipi shinallatak Hospital Carlos Andrade Marín, Quito kitipi hampina wasikuna llamkakushkata ñawinchichun mañarka.
