76 ari apushitaywanmi, Mamallakta Tantanakuyka fiscal general del Estado, Diana Salazar Méndez warmita llaktay ñawinchiyman kayachishkata wakichinapak arinirkakuna, kay mañaytaka Gissela Garzón shinallatak Héctor Valladarez kamachi killkakkunami, 27 puncha sasi killa 2023 wata shinallatak 13 puncha aymuray killa 2024 wata chayachishkakuna kan.
Waranka yalli ayllukunami chayamurka, markakunapak casas legislativas wasi ukuman, Cuidados Paliativos, Salud Mental, Juventudes y Planificación Territorial Amazónica kamachiykuna rurana killkata riksinaman, shinallatak runa llaktakunamanta, mamakuna chuchuchinamanta, antawakuna wanachinamanta, warmikuna wakllichiyna anchuchinamanta shinallatak wasi aylluta ukllanamanta.
Marcelo Achi kamachi killkakmi Ley de Telemedicina kamachiy rurana killkata chayachirka, kaypika Instituto Ecuatoriano de Seguridad Social; Instituto de Seguridad Social de las Fuerzas Armadas del Ecuador; Instituto de Seguridad Social de la Policía Nacional; shinallatak, Sistema de Salud Pública tantanakuykuna, tukuykuna paktanapak, yanaparinapak, shukllakanapak, tantarinapak, may allikanapak yuyaywan yanaparkakuna.
Kay Protección Integral de Niñas, Niños y Adolescentes Minkarishkakuna, pusak ari apushitaywan, kay Mamallakta Tantanakuypak Nro. 032 yuyarinakushka killka 02 puncha aymuray killa 2024 watapi arinishka killkata paktachinapak, tukuy mamallaktapi kari warmi wawakunata shinallatak wamrakunatapash chaskik wasikunamanta riksichik llamkaywillayta arinirkakuna.
84 ari apushitaywanmi, Mamallakta Tantanakuyka Mariana Yumbay kamachi killkak mañashkata arinirka, kay mañaypika Llakta pushaktami Bolivar markata kasiklla kawsanata rikuna charikwan shinallatak Ministerio de Economía y Finanzas llamkay wasitapash kullki pakta chayachichun mañan, kaypika paykuna ruranapi paktarinapak ushay charishkata katishpami tukuy ruraykunawan chayanapak mañaywan kayachin.
Kay hunkaypika, Mamallakta Tantanakuypak Coordinación General de Participación Ciudadana wankurimanta yachaka yanapaywanmi, Biodiversidad y Recursos Naturales Minkarishkakunaka kay Ley Minera kamachiyta mushukyachik kamachiyta shinallatak; Ley Orgánica Intercultural del Uso, Gestión y Protección de los Recursos Hídricos kamachiy rurana killkata llaktayukman riksichish llamkashpa shinallatak yuyaykunata chaskishpa tawka llaktakunapi llamkarka.
Kay 5 puncha karwal killa 2024 watamanta, llaktayukkuna kamachiy ruranapak killkakunata riksinaman hawalla yaykuy ushan, kay mushuk killkapankami Mamallakta Tantanakuypak llikapi, "legislamos" tinkichikpi yaykuy ushan, kay llikatinkik: https://proyectosdeley.asambleanacional.gob.ec/report
"Mamakamachiyta shinallatak kamachiykunata ukumanta mushukyachinami mutsurin, Llaktapak llamkaywasi paktarina mushukyachinapak, shinallatak paykunapak llamkay usharinatapash allichinkapak; ashtawan llaktayukpak hayñikunata allichinkapak", kashnami Mamallakta Tantanakuyta pushak, Henry Kronfle Kozhaya kamachi killkak, kay 215 watakuna llakta kishpiriy shukniki Atiriyta yuyarishka hatun rimanakuypi nirka.
Kay Fiscalización y Control Político Minkarishkapi Jhajaira Urresta kamachi killkak llaktay ñawinchiy paktarinapak mañashkata ñawpakman apanapak arinishka apushitayta mana paktarkachu, kaypika ministra de Relaciones Exteriores y Movilidad Humana, Gabriela Sommerfeld runatami ñawirichun kayachinapak mañan, paypak llamkayta mana pakta pushashka nishpa. Chusku apushitaymi arinishka karka shinallatak pichkami mana nishka karka.
78 ari apushitaywan, Mamallakta Tantanakuypimi Venezuela llakta pushakta kay 28 puncha sitwa killa 2024 wata akllashkata shuk yuyarinakushka killkawan shitarin, kaypika Nicolás Maduro payllakamak runapak llamkayta shitarin, llaktayukkunapak hayñitapash riksin shinallatak tukuyshina llapishkamantapash kishpichin.
