Mamallakta Tantanakuy, Mamakamachiy rikuchishkata paktachishpa, 84 ari apushitaywanmi, kay Consejo de la Judicatura (CJ) tantanakuypi rimarikkunata shutichinapak kimsa shutikunata akllarka, paykunaka 2025 watakami llamkankakuna, kaypika JC tantanakuy pushakkunami tukuy mushukyanka.
Mamallakta Tantanakuyka, tukuy chaypikak 118 kamachi killkakkuna arinishkawanmi, llaktapak Interior llamkaywasita ñawpa pushak, Juan Zapata runata, llaktawanachirkakuna, llaktapi llakikuna mirashkata mana rikushpa llamkashka nishpa, kay llakikunapika Ecuador llakta tawka ayllukunami wañurka, kiti pishakkuna, markapi kamakkuna shinallatak llakta pushanaman akllarikuk, Fernando Villavicencio runapash. Mamallakta Tantanakuypi yuyarinakushka killkapika ishkaywatata llaktapak mana llamkay ushanka ninpashmi.
Kay yachaymishayka tukuy llaktapi shukniki, ishkayniki, kimsaniki chawpi yachaypi kak wamrakunatami munachishpa kayachinapak, paykuna Matilde Hidalgo Navarro runapak yuyayta yachayrimaywan wiñayman mirachichun, Ecuador llaktapak wiñaykawsayta yuyayman chayachishpa ashtawan kimichichunpash, kay 10 puncha 1924 wata shinallatak 9 puncha raymi killa chay watallatak paypak hayñita paktachishpa apushitarka, chay ruraymi 100 watakuna Warmipash Apushitanaman chayashka paktakpi yuyarina raymita ruranka, kunan pachakunaman chayashkamanta.
Hatun Rimanakuypi, Mamallakta Tantanakuyka LLakta pushak, Daniel Noboa Azín runata chaskirka, payka kay kallari sukta killapi, 23 puncha sasi killa 2023 watamanta llamkashkatami riksichirka.
Llaktapak tawka markakunapi, Coordinación General de Participación Ciudadana wankuriwan makipurashpa, Mamallakta Tantanakuyka kay hunkaypi llaktayukkunawan tawka rimanakuytami charinkakuna, kaypika arinishka kamachiykuna yanapanamanta shinallakta rurarikuk kamachiykuna imalla charishkatami riksichinkakuna.
Mamallakta Tantanakuyta pushak, Henry Kronfle Kozhaya tukuy kamachi killkakkunatami kay chaska 24 puncha aymuray killa 2024 wata, 11h00 pacha tutamantapak, Kamachi Awlli wasi ukuman kayachirka, kaypimi Llakta pushak, Daniel Noboa Azín, kay watapi llamkashkata llaktayukman riksichinka.
92 ari apushitashkawanmi, Mamallakta Tantanakuyka kay Código de la Función Judicial kamachiy mushukyachina killkata arinirka, willachinapak kallari yuyaykunata, yachashkawan mishanakunata, llaktayuk kayachishkapi paktarinata, kamaypi paktashpa llamkanata, teletrabajo paktarinata, shuktakman yallinata, ruraykuna kunkarina shinallatak yallichinata, kari warmi kamakkuna paktarinata, Markakunapi Cortes Provinciales rimanakuna ukumanta, warmikunata wasi ayllukunata llakichikpi rikuk kamakkunata shinallatak mamallaktapak notaría killka wakichinatapash.
Mamallakta Tantanakuypika 88 ari apushitaywanmi, Comisión Ocasional Multipartidista Minkarishkata wiñachirkakuna, kaymi Llakta pushakmanta chayachishka kamachiy rurana killkakunata riksishpa allichinka, kay ruraykunaka llaktayukkuna kay Consulta Popular shinallatak Referéndum taripay 21 puncha aymuray killa 2024 watapi arinishkata paktachishpa. Kayshina yuyayrinakuymanka Consejo de Administración Legislativa wankuriy kay chaska 17 puncha aymuray killa yuyaypaktarishkata katishpami rikurkakuna.
Mamallakta Tantanakuy, kay N.° 925 niki llamkay rimanakuypimi, Ley Orgánica de la Función Legislativa kamachiy mushukyachina killkata shukniki rimanakuypi riksirkakuna, kay kamachiywanka kamachiyta ruranapak, taripanapak shinallatak llaktay chaparay paktanapakmi mashkakun, kayshina Kamachiy Awllipak llamkay alli utkashpa rurashka kachun, llaktayukta alli yanapachunpash.
Kay 20ª ParlAmericas Hatun Rimanakuypi shinallatak 8° Red de Parlamento Abierto Tinkuy Asunción, Paraguay llaktapi tantanakuypimi yallik chillay punchamanta, Luzmila Abad kamachi killkak kay Red de Parlamento Abierto tantanakuypak kipapushak akllarirka.
