Pusak ari apushitaywan, Desarrollo Económico Minkarishka kay Ley Orgánica de Innovación y Fortalecimiento de la Gestión Pública kamachiy rurana killkapak llamkaywillayta arinirka, Ley Orgánica de Integridad Pública shutiwan. Kay kamachiyka llaktapi llakichiyta anchuchinkapak shinallatak Llaktapaka llamkakkuna alli paktarichun shinallatak llaktayuk mutsushkapi pakta chayachichun yanapachunmi sumaychanka.
Kay Relaciones Internacionales Minkarishka pushak, Lucía Jaramillo kamachi killkak, memorando Nro. AN-PR-2025-0140-M killkawan, Mamallakta Tantanakuyta pushak, Niels Olsen, kay Ley Orgánica de Movilidad Humana kamachiy mushukyachinapak 90 punchakuna mirachishpa arinishkata shinallatak Mamallakta Tantanakuypi shukniki rimanakuypak llamkaywillayta chaskirka.
Mamallakta Tantanakuyta pushak, Niels Olsen, kay kullka 12 puncha raymi killami Revolución Ciudadana (RC) shinallatak movimiento RETO wankurikuna acción de protección mañayta chayachishkamanta arinishkata paktan.
Kay Agencia Nacional de Tránsito (ANT) tantanakuyta pushak, Asociación de Municipalidades del Ecuador (AME) tantanakuy shutipi shinallatak antawa purinata pakta yachakpashmi Gobiernos Autónomos Minkarishkaman, kay Código Orgánico Integral Penal (COIP) kamachiy mushukyachinapak yuyaykunata chayachirkakuna. Kay rimanakuywanka antawakuna kamachiywakllichiypi urmakpi katichurankapak, shinallatak ñankunapi purina allikanchinkapak kayshina llakikunata rikuk kamak runakunapak llamkaytapash ashayachinkapak.
Kay Participación Ciudadana Minkarishkata pushak, Diana Jácome, Kay raymi killamanta kapak killakama 2025 watakunapi llaktapi llamkanapak pachapuriyta minkarishkaman kuskichun shinallatak rikuykunata chayachichunpash chayachirka.
Mamallakta Tantanakuypak wasi ukupi, Pushak, Niels Olsen, "Dr. Vicente Rocafuerte" unanchata Ecuador llaktapi kawsaytarpuypi shinallatak llaktapipash yanapashkamanta Jaimen Jarrín runaman chayachirka, payka pukllayta willashpa shinallatak castellani shimita rimak ayllukunaman istallaktapi willashpa llamkashkamanta.
Mamallakta Tantanakuypi, 138 ari apushitaywanmi, Llakta pushak kay Ley Orgánica de Telecomunicaciones kamachiy mushukyachina killkata allichinaman kachashkata tukuy hapirkakuna, kaypi rikuchishka yuyaykunaka llaktapak llamkay wasikunata chaparanamanta shinallatak llikaman paktanata kichkiyachinamantami riman.
Kay awkarik, 10 puncha raymi killami, Mamallakta Tantanakuy hunta rimanakuypi Ley Orgánica de Inteligencia kamachiy rurana killkata arinirka, kay kamachiyka inteligencia shinallatak contrainteligencia paktaywanka Mamallaktapi kasiklla kawsayta wakllichik llakikunata ñawpashpa riksinapak, harkanapakmi kamanka.
Chayachina puchukanapak chunka puncha ñawpa shinallatak tukuykuna yanapashkawan, Mamallakta Tantanakuyka kay Ley Orgánica de Solidaridad Nacional kamachiyta arinirka, Llakta pushak, Daniel Nobo Azín, kullkillamkaymanta utkashpa ruranapak chayachishka, kaypika wanachinamanta shinallatak umachinkachina mintalapak llamkaykullkita chimpapuranapak, llaktayukta ukllankapak, kasilla kawsakta rikukkunata shinchiyachinkapak shinallatak llakichiypi wakllirishka kuskakunata kullkillamkaypi kutin sinchiyachinapakkapash.
Kay chishi, sukta ari apushitaywan, Seguridad Integral Minkarishkakuna kay Ley Orgánica de Inteligencia kamachiy rurana killkapak puchukay llamkaywillayta arinirkakuna, kay kamachiywanka Sistema Nacional de Inteligencia wankuriyta shinallatak katik llikakunatapash paktachuranapak, yanapak wankurikuna makipurachun yanapachun, Llakta pushaymanta shinallatak ayllukuna wankurikunapawsh, shukllapak llaktapak kashpapish makipurachunmi mashkakun.
