Kay Consejo de Administración Legislativa (CAL) wankurika Mamakamachiypak 110 shinallatak 115 niki killkata chawpita mushukyachina killka, LLakta pushak, Daniel Noboa Azin, Mamallakta Tantanakuyman chayachishkata yallichinapak yuyarirkakuna.
Mamallakta Tantanakuypi ministra del Interior, Mónica Palencia ñawiriy paktarka, mana pakta llamkashka, Plan Fenix shuti llamkaymanta willay mana tiyashka, shinallatak hatun llakichik ayllukuna wichkashkamanta kishpirishka, ashtawan llakichiykunapash llaktapi mirashka nishpa huchachishkamanta.
Mamallakta Tantanakuypak wasi ukupimi "Kamachiy Awllipak Hunkay" paktarirka, kayshinami Mamallakta Tantanakuyta pushak, Viviana Veloz kamachi awllika kamachiy awllipi llamkashkata shinallatak shamuk hunkaypi paktarinatapash riksichirka.
Mamallakta Tantanakuy, Viviana Veloz pushakushka, shuniki rimanakuypi kay Ley Orgánica para Impulsar la Iniciativa Privada en la Transición a Energías Renovables kamachiy rurana killkata riksirkakuna, kay mañaytaka Llakta pushakmi kullkimanta utkashpa rurana nishpa chayachirka, kamachiyka chuya zirmata tukuymanta wiñachinapak shinallatak shuktakyachinapakmi yanapanka.
Wankurikuna, llamkaywasikuna shinallatak llaktayukkuna yanapashkawanmi, tukuy chaypi kak kamachi killkakkuna, 114 ari apushitaywan, Mamallakta Tantanakuypi kay Orgánica de Cuidados Paliativos Kamachiyta arinirka, kay kamachiywanka ancha unkushka, unkuy kallarikuk, mana hampiriy unkuy, tawka nanaykuna unkuy, ancha nanay shinallatak shuktakyay unkuytapash charik ayllukunata shinallatak wasi ayllukunatami yanapanka. Kayka Viviana Veloz pushakuypi ishkayniki arinishka kamachiy kan.
Kay chishi, Mamallakta Tantanakuyta pushak, Viviana Veloz kamachi killkak hampinapi kanchamanta yanapak wankuri pushakkunawan rimanakurka, paykunaka kay wankurikuna llamkaypi llakikunata Ecuador llakta ayllukuna charishkapi yanapashkatami riksichirka, ashtawankarin kay wankurikuna 2023 watapi llamkashkamanta chani manarak chayashkamanta llakikunata riksichirka.
Mamallakta Tantanakuy llaktaman chayarka, El Sol kuska Turubamba kitilli, Quito kullasuyupi, Mamallakta Tantanakuyta pushak, Viviana Veloz kamachi killkakka, Kamachi Awllipi kay yallik hunkaypi llamkashkatami riksichirka.
Markakunamanta wankurishka taxi antawa purichik 300 yalli ayllukuna kay Federación Nacional de Operadoras de Transporte en Taxis del Ecuador (Fedotaxis) tantanakushkakunami, Mamallakta Tantanakuyta pushak, Viviana Veloz pushakwan rimanakunkapak, paykunaka Corte Constitucional tantanakuy willachishka killkata kay plataformas digitales llikamanta paktachinapakmi chayamurkakuna.
Mamallakta Tantanakuyta pushak, Viviana Veloz kamachi killkakka Minkarishkapi yachak llamkakkunawan shuk rimanakuy llamkayta charirkakuna, kaypimi Kamachiy rurana killkakuna Minkarishka ukupi imashinalla llamkaypi paktakushkata riksirkakuna, kashna riksishkawanmi llamkayta utkachishun nirkami.
Mamallakta Tantanakuy, Viviana Veloz Ramírez pushak, kay chillay 9 puncha wayru kulla, hatun rimanakuypi, Guayaquil llaktata sumaycharka, 204 watakuna kishpirishka paktashkamanta, kay atiriypimi Ecuador llakta kishpirinapak purina kallarirka, llaktayukkunawan kay hatun rimanakuyka Universidad Tecnológica Empresarial de Guayaquil (UTEG) sumak yachana wasipak ukupimi paktarirka.
