Tukuykuna kimirishkawan, Mamallakta Tantanakuyka Régimen Económico, Tributario y su Regulación y Control Minkarishka kay Cooperativa de Ahorro y Crédito “CREA” kullkiwasi ima ruraykuna illashkamanta, imamanta wichkarishkata ñawinchiy kallarichun arinirkakuna.
Kay Consejo de Administración Legislativa (CAL) wankuripi chaypikak 7 kamachi killkakwan kay Participación shinallatak Voto Telemático rimanakunapak shinallatak Especializadas Permanentes, Ocasionales Minkarishkakunapipash paktarik uchilla kamachiyta arinirkakuna.
81 ari apushitaywanmi, Mamallakta Tantanakuyka kay 2, 3, 4, 6, 7, 19 niki killkakunata mana pakta pashkamanta allichinapak rikuchishkata hapirkuna, shinallatak kay 58 niki killkata kutin allichinapak arinirkakuna kay niki killkaka Ley Orgánica de Regulación contra la Competencia Desleal kamachiypi mamakamachiywan waktarikun nishpa. Kay kamachiytaka Llakta pushakman riksichun arinichunpash chayachishka kanka.
Kay Consejo de Administración Legislativa (CAL) wankuriyka mushuk kamachiyta meta wayrata kay hicrocarburos llamkaywasikunapi ashayachinapak allichinapak akllarka. Kay mañaytaka Lennin Barreto, Fernando Cedeño shinallatak Victoria Desintonio kamachi killkakkunami chayachishka shinallatak tukuy mutsushkata paktashkata rikushpami, Biodiversidad y Recursos Naturales Minkarishkaman allichichun chayachirka.
Mamallakta Tantanakuy kay awkarik puncha rimanakuypi Solanda Goyes runa, kay Consejo de la Judicatura (CJ) tantanakuypi rimarikta ñawinchiy paktarka, kay mañaytaka Fernando Jaramillo kamachi killkakmi chayachirka.
Kay tutamanta, Mamallakta Tantanakuyta pushak, Niels Olsen, Llakta pushak, Daniel Noboa Azin runawan, shinallatak LLaktapi shuktak pushakkunawanpash, kay Primer Grito de la Independencia yuyarishpa, awkakuna atirinakuypi karka, paykunka Escuela Superior Militar Eloy Alfaro (ESMIL) yachana wasipimi paktarirkakuna.
Kay Ley Orgánica para Garantizar los Derechos y Promover el Empoderamiento de las Mujeres Rurales kamachiymanta shukniki rimanakuy kallarina ñawpa, Mamallakta Tantanakuyka, llaktayukkuna rimanakuypi, riksishkakunata shinallatak yuyaypaktarishkatapash chaskirkakuna, kay yuyaykunaka tukuykuna wiñarinapak, ukllanapak shinallatak Ecuador llaktapi sumata hakuchishpa, chaylla warmikuna kimsa hunu runa warmikunka paykunapak haylita paktachinapak.
Kay Soberanía, Integración y Seguridad Integral Minkarishkapi allichishka llamkaywillayta katishpa, Mamallakta Tantanakuyka kay Ley Orgánica para el Fortalecimiento de la Ciberseguridad kamachiy rurana killkata shinallatak Ley Orgánica de Transformación Digital y Audiovisual kamachiy mushukyachinata shukniki rimanakuypi riksirkakuna.
Mamallakta Tantanakuy, 81 ari apushitaywan, ishkayniki rimanakuypimi Mamakamachiypak 110, 115 niki killkata mushukyachinapak killkata arinirka, kaypika llaktay wankuriykunata shinallatak pushak akllarinapak riksichiynapak kullkita anchuchinatami rikuchin, shinaka, kaypika Especializada Ocasional Minkarishkapimi llamkaywillayta allichishkapimi kimirishpa llamkarkakuna.
Mamallakta Tantanakuyta pushak, kay N.º 25 niki rimanakuypi, “Adalberto Ortiz” unanchata Kawsaytarpuyta riksirishpa Ecuador llaktayukkunapak shutipi riksirishpa Héctor Danilo Miño Naranjo runaman, Mamallakta Tantanakuypi yuyaypaktarishkata paktashpa shinallatak takikkuna riksirishpa, kay llaktapi istallaktapipash chayashkamanta riksirishpa kararka.
