Mamallakta Tantanakuypi 119 ari apushitaywan kay Gestión de Identidad y Datos Civiles kamachiy mushukyachinata arinirkakuna, shinami llaktayukta yanapay ashtawan allikachun mashkakun, Corte Constitucional tantanakuy mañashkata paktashpa, llaktayukpak kikin shutita hayñiwan paktachinkapak.
Kay 9 niki shinallatak 24 niki killka Orgánica de la Función Legislativa (LOFL) kamachiy rikuchishkata katishpa, Mamallakta Tantanakuypi ashalla pachapak Minkarishkata wiñachirka, paykunami Corte Constitucional tantanakuypak yuyarinakushka killkatacharikpi Mamakamachiyta mushukyachinapak shinallatak allichinkapak paktarinkakuna.
Mamallakta Tantanakuyta pushak, Henry Kronfle, kay awkarik puncha 10h00 pacha tutamantapak 876 Niki rimanakuyman kayachirka, kaypimi Mamakamachiy mushukyachinata riksinapak shuk yachak minkarishkata wiñachinapak yuyaypaktarinkakuna. Puncha llamkanapika Orgánica de Gestión de Identidad y Datos Civiles kamachiy rurana killkata arinapakpashmi churashka.
Mamallakta Tantanakuypi shukniki rimanakuyka kay awkarik puncha, 15h45 pacha chishimi paktarinka; kay 877 niki rimanakuymanka, Henry Kronfle pushakmi kayachirka.
CAL wankuriyka tukuy mutsushkallata rikun chay kipa jucio político nawinchiy kallarinata arinin
Kay Llakta Ñawinchiymanta rimashpa, Orgánica de la Función Legislativa (LOFL) kamachiypak 14 niki, 13 yupay killkata katishpa, Consejo de Administración Legislativa (CAL) wankurika, llaktay ñawinchiyta kallarichinapak tukuy mutsushka chayachishkatami rikushpa ñawinchiy kallarichun arinin.
Mamallakta Tantanakuyka, Quito llakta 489 watakuna wiñarishka paktashkamanta Hatun Raymi tantanakuywanmi sumaycharka. Mamallakta Tantanakuyta pushak, Henry Kronfle Kozhaya, Quito llaktapimi rikunchik makipurushpa llamkayka usharishkata, yuyaykuna, kawsaykuna, tawkapurakunapak hawapi tantarishpa ñawpakman katina usharinmi, tukuykunami Ecuador llakta ayllukuna kanchik; tukuykunami killu, ankas, puka kanchik.
Tawka llamkay rimanakuy kipami, kay kullka puncha, 11h05 pacha tutamanta, Mamallakta Tantanakuy hatun rimanakuypi kay Gestión Integral del Riesgo de Desastres kamachiy killkata apushitayman chayachinka, kay kamachiywanka llamkayñanta allichinka, llaktaykunatapash llakikunamanta, pachamama waklliriymanta, hatun unkuykunamanta, llakta unkuykunamantapash rikunapami yanapanka.
Mamallakta Tantanakuyta pushak, Henry Kronfle kay awkarik puncha, 10h00 pacha tutamantapakmi No. 875 niki rimanakuyman kayachirka, kaypika llaktapi llakikunata chimpapuranapak shuk mushuk kamachiyta arininapak shuyakun.
Kay Orgánica de Eficiencia Económica y Generación de Empleo rurarina kamachiyta riksina kuskinkapash, llamkayñanta arininka shinallatak Ñawirinaman chayakkunata chaskinka, kay llamkaykunami yachak minkarishkakuna kay hunpaypi llamkanapak tiyakun.
Kay Consejo de Administración Legislativa (CAL) wankuri, chaska 01 puncha, kapak killa 2023 wata rimanakuypimi, fiscal general del Estado, Diana Salazar pushakta llaktak ñawinchiyman kayachachishkata riksirkakuna.