Mamallakta Tantanakuypi, 138 ari apushitaywanmi, Llakta pushak kay Ley Orgánica de Telecomunicaciones kamachiy mushukyachina killkata allichinaman kachashkata tukuy hapirkakuna, kaypi rikuchishka yuyaykunaka llaktapak llamkay wasikunata chaparanamanta shinallatak llikaman paktanata kichkiyachinamantami riman.
Kay awkarik, 10 puncha raymi killami, Mamallakta Tantanakuy hunta rimanakuypi Ley Orgánica de Inteligencia kamachiy rurana killkata arinirka, kay kamachiyka inteligencia shinallatak contrainteligencia paktaywanka Mamallaktapi kasiklla kawsayta wakllichik llakikunata ñawpashpa riksinapak, harkanapakmi kamanka.
Chayachina puchukanapak chunka puncha ñawpa shinallatak tukuykuna yanapashkawan, Mamallakta Tantanakuyka kay Ley Orgánica de Solidaridad Nacional kamachiyta arinirka, Llakta pushak, Daniel Nobo Azín, kullkillamkaymanta utkashpa ruranapak chayachishka, kaypika wanachinamanta shinallatak umachinkachina mintalapak llamkaykullkita chimpapuranapak, llaktayukta ukllankapak, kasilla kawsakta rikukkunata shinchiyachinkapak shinallatak llakichiypi wakllirishka kuskakunata kullkillamkaypi kutin sinchiyachinapakkapash.
Kay chishi, sukta ari apushitaywan, Seguridad Integral Minkarishkakuna kay Ley Orgánica de Inteligencia kamachiy rurana killkapak puchukay llamkaywillayta arinirkakuna, kay kamachiywanka Sistema Nacional de Inteligencia wankuriyta shinallatak katik llikakunatapash paktachuranapak, yanapak wankurikuna makipurachun yanapachun, Llakta pushaymanta shinallatak ayllukuna wankurikunapawsh, shukllapak llaktapak kashpapish makipurachunmi mashkakun.
Kay Derarrollo Económico, Productivo y la Microempresa Minkarishka, kaypi llamkak 10 ari apushitaywan arinin, shinaka Ley Orgánica de Solidaridad Nacional Kamachiy rurana killkata ishkayniki rimanakuyman chayachinkapak, Llakta pushak, Daniel Noboa, kullkimanta utkashpa rurana nishpa chayachishka.
Mamallakta Tantanakuypi, 78 ari apushitaywan, Niels Olsen pushakta karuyachinapak mañashkata, kay 008 niki rimanakuypi mana arinirkakuna, kay mañaytaka Henry Bósquez kamachi killkak mañay chayachishkata rikuy ukupi, kaypika Mamallakta Tantanakuypak n.º 1027 niki rimanakuypi yuyarinakushkata anchuchinapak, kay yuyarinakuyka 13 puncha aymuray killa 2025 watapi paktarishkami, kaypimi Consejo de la Judicatura (CJ) tantanakuyman rimarichun kimsa runapak shutikunata Mamallakta Tantanakuy chayachichun yuyarirkakuna.
79 ari apushitaywanmi, Mamallakta Tantanakuyka kay N.º 1027 niki rimanakuy, 13 aymuray killa 2025 watapi kutinpash kallarishka rimanakuypi mañay chayachishka shinallatak apushitashkatapash anchuchirka, kaypika Kamachi Awllimanta kay Consejo de la Judicatura tantanakuy, kay 2025-2031 watakunapi llamkaypi rimarichun kimsa shutikuna chayachinapak akllashpa apushitarkakuna.
Kay kullka 5 puncha raymi killa, Mamallakta Tantanakuypak 008 niki rimanakuypi, Niels Olsen pushak kayachishkamanta, kay Ley Orgánica de Discapacidades kamachiyta mushukyachiy kamachiypak llamkaywillayta wakichinapak arinirka.
Kay chillay 4 puncha raymi killa 2025 watami, Fiscalización y Control Político Minkarishkakuna, 2025-2027 watakunapi llamkanapak killkata tukuykuna arinirka, kaypika kimsa ñawinchiy taripay paktanatami churashka. Kaypika Gonzalo Muñoz shinallatak Ángel Torres jueces electorales kamakkunata llaktay ñawinchiykapak, 2025 watapi llamkakkuna taripay pushakushkami; shinallatak ministro de Defensa, Gian Carlo Loffredo pushakpash; shinallatak, puchukaypika, Solanda Goyes runa, Consejo de la Judicatura tantanakuypi rimarikta ñawinchinapak.
Sukta ari apushitaywanmi, Transparencia, Participación Ciudadana y Control Social Minkarishkakuna, paykuna kay 2025-2027 watakunapak llamkayñanta arinirkakuna, kayshina llamkayta tantachinapakka Killkakamayuk chayachishka willaykunapi kimirishpa paktarirkakuna kaypika kamachiy rurana killkakunapak llamkaywillaykuna shukniki shinallatak ishkayniki rimanakuypak tiyakushkata rikshpa, shinallatak kawka llamkashkata ñawinchiy paktanapak chusku mañaykunapash tiyakun.
