Kay Consejo de Administración Legislativa, chay Derechos de Trabajadoresn minkashka, Gobiernos Autónomos minkashka, Educación minkashka, chay Legislativa kamachiypak 23 nikita mana paktachishkamanta washaman sakirka, chaymanta Mamallakta Tantanakuy kamachikkunata churanka, shinami pantaykuna tiyashkatapash allichinka.
Tayta, César Litardo Caicedo, Mamallakta Tantanakuyta pushak tawka hatun kamachikkunata, Mallakta Pushakkata alli shamushkata chayachirka, runakunapak mutsuyta, mañayta allichinkapa alli kamachiykuna arinina, llaktakunapi kullki, llankay mirarichun alli kamachiykunata arini nirka. Unipak llankaykuna tiyachun, kasilla tiyachun, paktaraki tiyachun rimanakuykunata rurashpa katina.
Chay Templo de la Patria wasi, chayka Cima de la Libertad, Quito llaktapi sakirin, kay kuskaman Mamallaktapak hatun kamachikkuna aknankapak chayarka, paykunamanta César Litardo Caicedo, Mamallakta Tantanakuyta pushak chayarka, chaypi 24 puncha, aymuray killa, 1822 watapi wañushkata aknarka, awkakuna paypak kawsayta kurka.
Tayta, César Litardo Caicedo, Mamallakta Tantanakuyta pushak, Richard Martínez Hatun kamachikwan, Economía y con Andrés Madero kamachikwan, ministro del Trabajo kamachikwan rimanakuyta charirka, chaypi Yuyak yachachikkuna 2008 watamanta, 2010 watakama hayñi kullkita hapichun yuyayta kurka.
Kay Fomento Productivo II kamachiy wiñarichun mushuk yanapayka Mamallakta pushkamantami shamunka, chaymi manu kullkita churachinka, shinami Guillermo Celi, kamachiy killkak rimarka, payka Comisión de Desarrollo Económico tantariman yaykurishkami kan, kay llankaytaka 2019 watamanta, 2021 watakama llankanka. Yuyayka Mamallakta Tantanakuypi Fomento Productivo II kamachiy llukshichunmi kan.
Kay Comisión Ocasional tantari, llankaypi rukuyashka runakuna hawa riman, chaytaka Homero Castanier minkashkata pushak, Franklin Robles, Unión de Jubilados del Banco Central pushakta chaskirka, paymi Código Monetario kamachy allichirikushkata riksichirka, yallik watamanta mana kullkita kushkata tikrachichun mañarka, shina paykunapak hayñita 2009 watapi llakichishkata paktachinka.
Kay chaska, 24 puncha, kay aymuray killa aknayta awkakuna kamayka 00:00 sayllamanta kallarinka, shinami alli hatun tantanakuy pusharinka, chaypimi Mamallakta Pushak pay ishkay watapi Mamallakta pushak, Lenín Moreno Garcés. Ishkay watapi llankashkata willanka. Mamallaktapak muyuntin ñankunaka wichkakshka kanka. Chska puncha 13:30 sayllata paskarinka, chaytaka shuk waranka chapakkunami kamanka.
Mamallakta Tantanakuyta pushak César Litardo Caicedo, hatun tantarita mincha 24 puncha, aymuray killapi ruranka, 11h00 sayllata kallarinka, chaypimi Mamakamachiy rimashkata katishpa Mamallakta pushak, Lenín Moreno Garcés llankashkata willanka, payka ñami ishkay watata Mamallaktapi llankan.
Kay Biodiversidad y Recursos Naturales minkashka, Alberto Zambrano, Fredy Alarcón kamachiy killkakkuna pushashka kanka, paykunaka hatun pushak, kipapushakmi kan. Kay Central Hidroeléctrica Manduriacu llakita kallaripika rikunka, chukita surkushpa pachamamata, mayuta, allpata wakllichishkata katinka, punkarata surkushpa ninata katichikpi sachata, wiwata, runakunata unkuchishkatapash harkanka; shinami Sucumbíos markamanta, Freddy Alarcón kamachiy killkak willana hillaypi llaktakunaman, runakunaman riksichirka.
Mamallakta Tantanakuyta pushak, César Litardo, chay Tribunal Contencioso Electoral kamchikta, shinallatak Directorio del Banco del Instituto Ecuatoriano de Seguridad Social (Biess) kamachikta llankaypi tiyachishka, paykunataka Consejo de Participación Ciudadana y Control Social Transitorio kamachikkunami akllashkami kan.
