Kay chillay 17 puncha kuski killa 2025 wata, Ecuador Mamallakta Tantanakuypi Unión Europea Tantanakuypak Minkarishkakunata chaskirka kayshina Países de la Comunidad Andina (DAND) llaktakunawan makipurashpa llamkanapak, wiñaykawsaypi kay kutin chayamushka kayshina 2025-2027 watakuna llamkanapi makipurankapak shinallatak pichka llamkay yuyaywan paktarinkapak.
Mamallakta Tantanakuyka, TVL karu rikuchikwan, willaykuna llamkanta Puntu Curul llamkaywan mirachin, kay willanakuyka kawsaymanta rimanakunapakmi, kaypika karurikuchikta chapakkunami ayllukunapak kawsayta riksinkakuna.
Mamallakta Tantanakuyka shukniki rimanakuypimi Ley para el Fortalecimiento y Sostenibilidad Crediticia kamachiy rurana killkata riksirka, kay kamachiyka kullkimanta utkashpa ruranapak nishpa chayachishkami, Desarrollo Económico, Productivo y la Microempresa Minkarishkapimi llamkaywillayta allichirkakuna.
78 ari apushitaywan, Mamallakta Tantanakuyka Llakta pushak tukuy llaktayuk tantanakuywan rimanakushpa katichun mañarka, kaypika llaktayukkuna, kullkillamkay shinallatak kay decretos ejecutivos N.º 125 y 126 killkakamaywan kimirishkakunawan rimanakuchun kayachirka.
Kay kulla puncha, Riobamba kitipi, Mamallakta Tantanakuyka “Día de la Fundación del Ecuador” punchata yuyarirkakuna, yuyarinapakka kamachiy awllimi shuk killkawan kay 4 puncha wayru killa 2022 wata arinirkakuna. Kay unanchay rimanakuyka Ecuador Mamallaktapak shukniki kamachiyta, 11 puncha kuski killa 1830 wata arinishkata yuyarishpami kan, kaymanka Mamallaktata, ayllu llaktata, apunchik wasita, awkakunata, chapakkunata shinallakta Chimborazo markapi pushakkunata, kiti pushakkunata, shuktak ayllukunatapashmi chaskirkakuna.
Ecuador llaktapak mushuk Mamallakta Tantanakuyka América Latina shinallatak el Caribe kamachi Awllipura llamkaytami kay “Entre Parlamentos” rimanakuypi pushakun, kaypika suyu llaktapurami kasi kawsaynata, llamkayta, hampinata, llakta wiñarinata, runapak hayñita shinallatak kay suyu llaktapi tiyashkata ruraykunata rimanakunka.
Mamallakta Tantanakuypi, chaypikak 132 kamachi killkakkunami tukuykuna arinirkakuna, kay 10 puncha kuski killa watan watan yuyarinapak “Día Nacional del Taxista Ecuatoriano” shutichirkakuna, paykunapak punchanta sinchi sinchi alli yayaywan llamkashkamanta, kay llamkayka mallaktapak tukuy kitikunapimi paktarin, 54 watakuna ñawpamanta, kay watakunataka taxi antawapi llamkakunaka pakta alli yuyaywan llamkashkakuna, mamallaktapak tukuy mutsurik ayllukunata yanapashpa.
Kay Fiscalización y Control Político Minkarishkapi ministro de Defensa, Gian Carlo Loffredo, pushakta llaktay ñawinchiyman kayachinapak mutsushka apushitay mana paktarka, kay mañaytaka Héctor Valladarez kamachi killkakmi chayachirka, paypak llamkaypi mana pakta rurashka nishpa, Guayaquil kitipi chusku wawakuna kay 2 puncha kapak killka 2024 wata chinkarishkamanta, shinallatak shuktak huchachiykunamantapash.
Kay awkarik 9 puncha kuski killa, Mishell Mancheno, Mamallakta Tantanakuypak shukniki kipapushak, istallakta pushak Kirstine Damkjaer, kay kimirishka killkamayuk kay Oficina de las Naciones Unidas de Servicios para Proyectos (UNOPS) tantanakuymanta, shinallatak Nicholas Gardner, Ecuador, Perú y Colombia suyu llaktakunapi pushakwan rimankurka.
Kay awkarik 9 puncha kuski killkami, 134 kamachi killkakkuna kay Mamallakta Tantanakuypak 035 niki rimanakuypi kay Ley Orgánica de Consulta Popular kamachiyta allichinapak riksichishpa Garantías Constitucionales Minkarishkakuna allichishka llamkaywillayta shukniki rimanakuypi riksirkakuna.
