Tukuy chaypikakkunami, 117 ari apushitaywan, Mamallakta Tantanakuymanta shuk yuyarinakushka killkawan Llakta pushak, Daniel Noboa Azín runata, kay Servicio de Acogimiento Institucional de Niñas, Niños y Adolescentes wasikunata utkashpa yanapana nishpa shutichichun shinallatak Economía y Finanzas llamkaywasitapash kullkita pakta chayachichun kayachirka, kayshina yanapaywanka shamuk pachakunapi hayñikuna ama wakllirichun shinallakta llakikunata pakta chimpapuranapak, nirka.
Mamallakta Tantanakuypi chaypikak tukuy kamachi killkakunami. 122 ari apushitaywan, kay Ley para el Control del Espacio Aéreo Nacional kamachiy rurana killkata arinirkakuna, Kay kamachiyka mushuk Mamallakta Tantanakuypak chunka pusakniki arinishka kamachiymi.
Mamallakta Tantanakuyka Fiscalización y Control Político Minkarishkatami shuk yuyarinakushka killkawan Ministerio de Energía y Minas llamkaywasi llaktapi zirma illay llakita chimpapuranapak arinirkakuna.
86 ari apushitaywanmi, Mamallakta Tantanakuyka shuk yuyarinakushka killkata Llakta pushak kay E487 Balbanera - Pallatanga – Cumandá – Bucay – Guayaquil; vía E35; vía E47; vía Calpi – San Juan – El Arenal ñankunata allichinapak kullkita chayachichun kayachin, kayshina mañaytaka llaktayukkuna tukuy llaktapi pakta kacharishka purina hayñita paktachun sumaychachunpashmi kan.
Mamallakta Tantanakuyka, 95 ari apushitaywanmi, Energía y Minas llamkaywasi ñawpapushak, Fernando Santos Alvite runata, paypak llamkaykunata mana alli paktachishka nishpa llaktaywanachirka. Kay yuyarinakushka killkataka Fiscalía General del Estado shinallatak Contraloría tantanakuymanmi chayachinka, paykunami ima kutichinata charishkataka, pushaypi pantarishkata shinallatak ima llakikuna tiyashkatapash riksishpa rikuchinkakuna.
Kay Movilidad Humana Kamachiy mushukyachinata shinalltak Control del Espacio Aéreo Nacional kamachiy rurana killkatami Mamallakta Tantanakuyka llamkanapak churashka, kay kullka punchami ishkay hatun rimanakuy 09h00 pacha tutamanta kallarinka, kashnami Henry Kronfle pushak kayachishka.
Mamallakta Tantanakuypi Energía y Minas llamkaywasi ñawpa pushak, Fernando Santos Alvite, runata llaktay ñawinchiy kallarin, Mamakamachiypi shinallatak Kamachiykunapi rikuchishkata mana pakta rikushpa llamkashkamanta, zirmata llakpi charinapak mana pakta rikushkamanta shinallatak llaktapi zirma illayman chayachishkamantapash, yaku illashkamanta, kayshina llakikunaka riksishka harkanalla kashkamanta.
Willachikkunawan rimanakuypi kay Megasimulacro imashina paktarishkata willaypi, Mamallakta Tantanakuyta pushak, Henry Kronfle Kozhaya kamachi killkak nirkami, tukuymi alli karka, shinallatak 4 waranka yalli ayllukunami Mamallakta Tantanakuy, Contraloría General del Estado tantanakuymanta shinallatak llaktayukkunamantapash chaypi karkakuna.
"Desarrollo Sostenible (ODS) de la Agenda 2030 Paktanaka llaktayukwan yuyarinakushkami tukuy ayllukuna paktarina shinallatak, ashtawankarin, kamachi killkakkuna Kamachi Awlli llamkaypi", Henry Kronfle, Mamallakta Tantanakuyta pushak, kay llaktay wankuri pushakkunawan, minkarishka pushakkunawan shinallatak Sistema de Naciones Unidas en Ecuador Tantanakuy pushakkunawan rimanakuypi nirka.
Mamallakta Tantanakuy, Contraloría General del Estado shinallatak Ministerio de Salud llamkaywasikunami kay kulla 25 puncha ayriwa killa, Megasimulacro Multiamenazas rurayta paktachinka, kaypika ruraykunawanka llamkaywasikuna imashina kutichinata taripanapak, yachachinapak shinallatak pachamama, kanchamanta shamushka llakikunata chimpapuranapak.
