Kay Mamallakta Wiñariy Paktay Yuyay (MWPY) 2021-2025, hatun alli paktachi llaktalli shinapash kamachiy kamay tukuy shuyuy ashtawan tukuypak kapakamaykunata allichik, Mamallakta pushak tukuy marka umallikuy rikuchita churashkata paktachinapak nirka. 2021-2025 watakunapak, kay mushuk MWPY mamallakta hayñikunapi maskashpa llakta ushaykunapi wiñachishpa katinapak, tukuy kamay wasikuna llankay paktachi tiyachun shinapash kishpiykayta sumaychashka tiyachun.
Mamallakta Hatun Rikurayakmanta rikuykunawan kati kallarishkamanta, kay kimsa chaska puncha, kuski killa 2021 watapi, Bella Jiménez, kati kipa pushakpak llankay uku, Mamallakta Tantanakuypi, nipanchikmi sumaychay maypika paktakaykunamanta rikushpa katikushkamanta, Mamakamachik llankay mishanakuypi katishkamanta ima mutsurikunapi kutichishpa katipashunmi.
Pukllay shinapash sumak kawsay minkarishka tantanakuy pushak, Marcos Molina, chska puncha, kuski killa 2021 watapi kamachiy killkakkunata tantanakuyman karka, No. 23 tantanakuyman, Guayaquil Quito kitikunapi rurankakuna, chay tantanakuypi charinkunami shuk iñu rimaykunawan kay ñawpak yuyay Deporte, Educación Física y Recreación kamachiy mushukyachinapak chimpapuraykunata paktachinapak nirkakuna.
Kuncha puncha tukuykamay paktachi kay urmayachi No. 17204-2021-03287 tukuylla rimaykunata rurarkakuna, Freddy Carrión, runapak kamak churashkamanta, kamachi killkak shinallatak llankaykatiy minkarishka tantanakuymanta katishkamanta patachirkakuna.
Kay kullka punchapi, Karupi Kikinllatak Kamachik Mishanakuy shinapash Llakta Wankuri minkarishka tantanakurkakuna, Ukuhaway Esmeraldas, Rioverde y Atacames kitikunapak Mikuna Yaku Kamachiy killkaykunata rikunapak.
Justicia y Estructura del Estado minkarishka tantanakuy Mamallakta Llankayta Rikuk kamachiy ñawpak yuyayta mushukyachinapak yachayta sinchiyachinkuna, kulli imarurashkata rikuriyak minkashka mana allichi ushashkamanta rikun llankaykunapi chushak sakirishkata pakta churashpa sakichun rikushpa katinkuna.
Mamallakta Tantanakuy pushak, Guadalupe Llori Abarca, kamachi killkak Juan Cristóbal Lloret, Karupi Kikinllatak Kamachik minkarishka kay ñawpak yuyay 047 kamachi mushukyachinapak chaskirka, kay Paute shinapash Agoyán zirma ushay wiñarishpa yallichinkunami kay 5% micha katushkata, shuyan kay 60% katushka kullkikunata chay llakta kiti ukupikamay wasikunaman tikrachichun shinapash 40% pakta pakta yallichishka tiyachun, chaymanta marka ukupikamay wasikunaman kitilli kamay wasikunamanpash yallichichun.
Tukuypak Hampina Wasikunapi llankakkuna, Frente Ciudadano tantanakuy shinapash Refinería de Esmeraldas ñawpa llankak tantanakuywan, llankay hayñi minkarishka tantanakuyman Apoyo Humanitario kamachikunapi rikushpa hampikkunaman, hampina wasipi llankakkunaman utka paktachichun shinapash Refinería de Esmeraldas ñawpa llankakkunaman manupitikunata shamuk kallari chimpuraykunapi kay ñawpak yuyay mushukyachinapak, Seguridad Social kamachikunapi shuyan allpawirapi llankashkakunaman mana chayachishkakunaman kay rimaykunawan paktachinata yuyankuna.
Kamachiy killkak Celestino Chumpi, Ordenamiento Territorial, Uso y Gestión del Suelo (Lotugs) kamachiy, ñawpak yuyay mushukyachinapak churarka, llankay ruraykunata karupi kikinllatak kamachikkunaman ima llankay ushaykunapi rikushpa katichun, kay chamuk 16 puncha kuski killakama tukuyta alli killkayta rurashpa kachun nirkakuna.
Llankayta paktachik Wilma Andrade, Desarrollo Económico minkarishka tantanakuy kipa pushak, kamachiy killkakkuna Mamallaktamanta rikushpa kutichishka Reactivación Económica kamachiy ñawpak yuyay Manabí ashtawan Esmeraldas markakunaman riksirayaykunata mañankuna. Shamuk 3 puncha kuski killa chunka pachapi, kallari llankaywillay pankakunata killkashkata hunta tantanakuypi rimankakuna shinapash apushitaywan paktachinkakuna.
