Kamachik, Guadalupe Llori Abarca, Mamallakta Tantanakuyta pushak, Ministra de Agricultura, Tanlly Vera kamachikwan rimanakuyta charirka, chay Orellana, Napo, Sucumbíos markakunamanta llaru tarpukkunawan rimanakuyta charirka, chaypi Mamallaktapi achka tarpuykuna, pukuykuna wachuy tiyachun mañarka.
Shinami Sylvie Bédard, Canadá en Ecuador istakamachik, Guadalupe Llori Abarca Mamallakta Tantanakuyta pushakta naparka. Kay istakamachikwan, hatun kamachikwan tantaripika, ishkantin kamaywasikuna makita kushpa, Ecuador llakta ashtawan alliyachun, alli kamachiykunata killkashpa llankanamanta rimarka.
Kayna puncha Lena Savelli, Sistema de Naciones Unidas en Ecuador ista kamachik Mamallakta Tantanakuyta pushakwan rimanakuyta charirka, 2021 watapi kamachiykunata killkashpa yanapanamanta rimaranakurka, Covid 19 añawllawtu unkuy llaktakunata waktashkata uyarka, chaymanta Desarrollo Sostenible 2030 watakama katikillata rurana, kan nirka.
Mamallakta Tantanakuyta Pushak, Guadalupe Llori Abarca, Ministro de Ambiente y Agua, Gustavo Manrique kamachikta chaskirka. Kay rimanakuypika pachamamata kamankapa makitakushpa llankanamanta, kawsayta kunamanta rimarka.
Kayna puncha Mamallakta Tantanakuy kay Vivienda de Interés Social kamachiyta kallari atinakuyta rurarka, chichan chikan sami wasikuna wallpayta katina, shuyuna, llankayñanta rurana, wasichina, allichina, llampuna yuyaykunata kamachiy killkakkuna churarka.
Kay Desarrollo Económico Tantari, Daniel Noboa Azin kamachiy killkak, Corporación Nacional de Electricidad (CNEL EP) Diego Maldonado kamachik shamuchun, Agencia de Regulación y Control de Energía y Recursos Naturales No Renovables, Santiago Aguilar kamachik shamuchun kayarka, paykuna yakunina chani wichiyashka riksichinka.
Kunan, 7 punchapi Segunda Reunión Ordinaria del Parlamento Amazónico (Parlamaz) rimanakuypi, kamachik Guadalupe Llori Abarca, Ecuador llaktak Mamallakta Tantanakuyta pushak Antisuyuta ukllankapa yaparin, kipaman antisuyu llaktakunata ama wakllichichun ukllayta kunkanpa, Antisuyu sachakunata, kawsaykuna allpapachapak paruk kakpi ukllana kanchik nirka.
Kay Raymi killa, 8 puncha, para Reducir la Pérdida y el Desperdicio de Alimentos y Mitigar el Hambre en Personas Vulnerables kamachiymanta atinakunka, kay kamachiyka hatun unkuy purishka, kipaman punchakunapi runakuna llankay illashkamanta, mikuna mana tiyakpi llakita rikunka.
Kay Mamallakta Tantanakuy Para Reducir la Pérdida y el Desperdicio de Alimentos y Mitigar el Hambre en Personas Vulnerables kamachiyta kallari atinakuyta charirka, kay kamachiywan mikunata ama yanka shitachun harkanka, shina charimushka tawka sami murukunata mikuna ashtawan tiyachun mirachinka, charik runakuna shitashka mikunata alli murukunawan chakrushpa achka mikuna titachun yanapanka, mikunakunata karakpi kullkita mana hapishpalla runakunanaman achka mikuna tiyachun kallaripi churanka.
Shinami Mamallakta Tantanakuyta pushak, Guadalupe Llori Abarca, Rusia llaktamanta Vladimir Sprinchan istakamachikta chakirka, paypak llakta hatun Cámara Alta del Senado tantarimanta, shuk kushipankata makipi charichirka. Chay pankapika Ecuador llaktapak Mamallakta Tantanakuyta pushak tukushkaman yupaycharka. Paypak llaktawsan, Ecuador llaktawan makita kushpa llankanata yuyarirka
