Mamallakta Tantanakuyta pushak, Guadalupe Llori Abarca, 709 yupay rimanakuyman kamachiy killkakkunata kayarka. Chaypimi Anti Kamachiy Killkakkunata kaya chilla, 19 puncha llankaypi tiyachinka. Kay rimanakuyka 11h00 sayllata kallarinka, shuktak kamachiy killkakkunapash shamunka.
Mamallakta Tantakuyta pushak, Guadalupe Llori Abarca shuktak kamachikkunawan makita kushpa llankanamanta willana hillaykunapi, kallari rimaypi willarka. Mamallakta imashina kawsakukta rikuna kanchik nirka, chaymanta kamachikkuna yanaparishpa llankana kanchik nirka.
Mamallakta Tantanakuyta pushak kayashka, kay Función Legislativa (LOFL) kamachiypak 23, 164 nikikunata hapishpa kay killka, 18 wanrapuncha, 15h30 sayllamanta kamachiy killkakkunapak rimanakuy kallarinka, chaypi 15 minkashkakunata churanka, sumakrurak kamachikta churanka.
Kay Función Legislativa (LOFL) kamachypak 10 nikita hapishpa Mamallakta Tantanakuy 2021-2023 watapak Consejo de Administración Legislativa (CAL) tantari shina kanka, chaypak chikan chikan llaktaytantarimanta akllarka.
Kunan, aymuray killa, 15 puncha chishiman, 71 apuchiwan, 15 apuchi mana niwan, 51 shuyaywan Guadalupe Llori, Mamallakta Tantanakuyta pushak tukuchun akllarkla. Chayka 2021 watamanta, aymuray killa, 14 puncha 2023 watakama pushanka, payka Movimiento Plurinacional Pachakutik (PK) llaktay tantarimanta shamurka.
Mamallakta Tantanakuy, 71 apuchiwan Javier Virgilio Saquicela Espinoza kamachiy killkakta akllarka, 102 apuchiwan, Bella Daniela Jiménez Torres kamachiy killkakta akllarka. Paykunata, Guadalupe Llori Abarca, Mamallakta Tantanakuy pushak llankaypi tiyachirka, paykunaka 2023 watakama llankanka.
Kay Soberanía Alimentaria y Desarrollo del Sector Agropecuario y Pesquero tantari, Lenin Plaza Castillo kamachiy killkak pushashka, llankay, kullki mirarichun alli kamachiykunata llankarka. Chayka chalwashpa llankayta, allpapi tarpuyta, umiru tarpuyta, mushuk llankaykunata wiñachichun yanapak kamachiymi kan.
Shinami kay Universidad Nacional de la Educación (UNAE) hatun yachanawasita pushak, Rebeca Castellanos kamachik, sapan killakuna myuntinta yachachishpa katina, yachashka pankata charichina nirka. Shina yachachikkuna paykunapak llankayta mana chinkanka nirka.
Kay Consejo de Administración Legislativa (CAL) tantari, kay puncha tukuri rimanankuyta charirka, Código Orgánico Integral Agropecuario kamachiyta allichichun arinirka, hawalla hucha kakpi kishpiychinkapa rimarka. Shinallatak Electoral y de Organizaciones Políticas de la Republica del Ecuador Código de la Democracia hatun kamachiyta allichina nirka.
Kay Derecho de los Profesionales y Trabajadores de Salud tantari, Ángel Sinmaleza pushashka, Disposiciones transitorias Octava y Novena de la Ley Orgánica de Apoyo Humanitario para combatir la Crisis Sanitaria Derivada del Covid-19 kamachiypak 25 nikita allichinka katikurka.
