Mamallakta Tantanakuy Adulto Mayor kamachiyta allichinkapa Fe de Erratas yapa killkata arinirka, kay Disposiciones Derogatorias Novena y Décima de la Ley Orgánica de las Personas Adultas Mayores kamachiyta allichirka, shinami Registros Oficiales No. 405 yupayta, kapak killa 29 puncha, 2014 watapi llukshishka karka; 29 puncha, ayriwa, 2016 watapi arinishkata allichirka.
Kayna puncha, pay María Fernanda Espinosa yallik istakamachikta llaktay wanachiy rurayka katikuyta, kikin ukllarinata paktachishpa atinakurka, kay Comisión de Fiscalización y Control Político tantari arinishkata katirka. Minkashkakuna wanachichun mañarka.
Kay VIH/Sida unkuyta taripana amawtaypak, sumakruray yapa shuk llakimi kan, shinallatalk serológico unkuy katik, shinami Efraín Soria, Fundación Equidad kamaywasita pushak rimarka. Unkuna epidemiológica waktayta, rurana ukukunapi chay unkuyta taripana sinchimi kan, chayka chunka pichka punchatami charin.
Kay Kamachiy killkakkuna chay Tránsito kamachiywan tukuy Mamallaktapi kawsak runakunapak munayta chaskin, ñanpi antawakuna sinkuchun harkanata yanapanka. Yachanawasipi yachakukkuna yachachun yachana ñankunapi churachun mañarka, shinami antawata pushakkuna, anta apyupi tiyarikkunata kaman, tukuy llaktayukkunapak kawsayta kamachiy yanapachun mañan.
Mamallakta Tantanakuy 549 yupay rimanakauyta rurarka, chaypillatak Richard Antonio Carapaz Montenegro pukllayta mishashkamanta naparka. Tukuy kamachiy killkakkunami wakin chinikuta shayarirka, Carchi markamanta pukllak mishashkamanta makita waktarka, “Giro de Italia 2019” pukllay kallaripi chayarka.
Kaya 5 puncha, raymi killa Mamallakta Tantanakuy kimsa minkashkapak kamachikkunata churanka, chayka Gobiernos Autónomos minkashkaman, Trabajadores minkashakaman, Educación minkashkaman kamachikkunata churanka. Chaypak César Litardo Caicedo, Mamallakta Tantanakuyta pushak, kamachiy killkakkunata 17:00 sayllapak rimanakuyman kayashka. Kay rimanakuypillatak Personas Adultas Mayores kamachiyta, chay Código de Procesos y derechos de la niñez kamachiyta arininka.
Kay Portal La Posta huchachishka taripayta ushankapa, achiklla sakichun kay Comisión del Derecho a la Salud tantariman kamachikuna, huchachishkata willachun kayarka. Chamanta kaya, 5 puncha, raymi killa, 08:00 saylla rikurinka, chayman tawka: unkuyta riksikkuna, VIH/SIDA unkuyta imashina riksinata willanka.
Kay “alinkuta 2050 watakama mana ashayachikpika mamakuchapi tiyak chalwakunata yalli llashakmi alinkuka kanka. Imashina chay China llaktapika mamakuchapi ña mana kawsay tiyanchu, wampukkuna kay wiwata mashkan”. Kayta Ecuador llaktamanta amawta Inti Gronneberg, shina rimarka, payka Inglaterra llaktapimi kawsan, kay Comisión del Desarrollo Económico tantaripi shina rimarka. Kay rimanakuna pataku alinku mawkayachinata ashayachinami rimarka.
Tayta César Litardo Caicedo, Mamallakta Tantanakuyta Pushak, kaya 4 puncha, raymi killa, 10:00 sayllata, 549 yupay tantarita Mamallakta Tantanakuy pushanka, chaypi mushukyachishka Transporte Terrestre, Tránsito y Seguridad Vial kamachiyta atinakunka, kay kamachiywan ñankunapi anta sinkuy, runakuna wañuy anchuchinka.
Kay Comisión de Soberanía y Relaciones Internacionales tantari, chay Tratado para el Traslado de Personas Sentenciadas entre los gobiernos de Ecuador y Cuba pankata rikurka, chayka: Cuba llaktamanta kaypi huchata charik runa, Ecuador llaktamanta Cuba llaktapi huchata charik runa, paypak llaktaman tikrachishka kachun, chaypi wanachishka kachun yuyari tiyachun mañan. Shina ayllukuna rikuchun mañarka.
