Shinami antawawan llankak, sukta tantarikuna Mamallakta Tantanakuyman shamurka, paykunawan Transporte Terrestre, Tránsito y Seguridad Vial kamachiy hawa rimanakurka, shinami Antawata purichikkuna Mamallakta Tantanakuy rimayta kushkamanta yupaychan, kay kamachiyta ishkaykutin atinakunkapa nikikunata allita allichina, rimarka.
Chaymi Soberanía Alimentaria y Desarrollo del Sector Agropecuario y Pesquero minkashka, kay tantaritaka Lenin Plaza Castillo kamachiy killkak pushakun, kay minkarimanta iskun kamachiy killkakkunami kay Plan General de Trabajo llankayta 2019 watamanta, 2021 watakama churarka, kaytaka kamachiy killkaypi, llankaykunata katinapi sinchi rikuyta churanka.
Hatun zirma kamachikkuna Mamallakta Tantanakuypak Comisión de Desarrollo Económico kayanka, Guayaquil kiti llaktapi zirmata hapishkamanta yapa kullkita hapishka, chay llakitami paykunaka imamanta kashkata willana kan.
Kay Comisión Ocasional, Niñez y Adolescencia hawa rimakkunaka, kari warmi wawakunata, imillakunata kamashpa llankanata yuyarinkuna. Chaymanta Mamallakta Tantanakuy kay rimayta tukuy kamachiykunapi runapak hayñita, wiñayta, kari warmita, llankay katinata chakatashpa killkanata rikuchin.
Mamallakta Tantanakuyta pushak, César Litardo Caicedo, Federación de Fútbol tanariman Para Prevenir y Sancionar la Violencia en el Deporte kamachiyta chayachirka, chaypimi Jorge Corozo, Carlos Vera, Sebastián Palacios kamachiy killkakkuna tanta karka, shinami Federación Ecuatoriana de Fútbol (FEF), Jaime Estrada pushak hapirka. Kay kamachiyka ayriwa killa, 30 puncha, 2019 watamanta llankamun.
Mamallakta Tantanakuyta pushak, César Litardo Caicedo, kamachiy killkakkunata, 549 yupay hatun tantariman kayarka, 09h30 sayllata tantarinka, chaypimi Transporte Terrestre, Tránsito y Seguridad Vial kamachiyta atinakunka. Kay kamachiyta, kunan atinakuywanka kimsakutin atinakunka.
Mamallakta Tantanakuy, César Litardo Caicedo, pushakwan Babahoyo kiti wiñarishka 150 watata paktachishkamanta shuk napayta kurka. Kamachik Litardo, chay 137 kamachiy killkakpak shutipi, Guido Silva, kiti pushakman, Mamallakta Tantanakuypak shutipi yuyarita charichirka, llaktakuna, Mamallaktapash wiñarichun mañarka.
Mamallakta Tantanakuy, chay Derechos de Trabajadores minkashkaman, Gobiernos Autónomos minkashkaman, Educación minkashkaman kamachikkunata churanka. Shinami César Litardo Caicedo, Mamallakta Tantanakuyta pushak, Teleamazonas karurikuchikpi willarka. Shinallatak rukuyashkakunata yanapana, llankayta katina, Fomento Productivo kamachiyta rikunka.
Kay Consejo de Administración Legislativa, chay Derechos de Trabajadoresn minkashka, Gobiernos Autónomos minkashka, Educación minkashka, chay Legislativa kamachiypak 23 nikita mana paktachishkamanta washaman sakirka, chaymanta Mamallakta Tantanakuy kamachikkunata churanka, shinami pantaykuna tiyashkatapash allichinka.
Tayta, César Litardo Caicedo, Mamallakta Tantanakuyta pushak tawka hatun kamachikkunata, Mallakta Pushakkata alli shamushkata chayachirka, runakunapak mutsuyta, mañayta allichinkapa alli kamachiykuna arinina, llaktakunapi kullki, llankay mirarichun alli kamachiykunata arini nirka. Unipak llankaykuna tiyachun, kasilla tiyachun, paktaraki tiyachun rimanakuykunata rurashpa katina.
