Shinami César Litardo, Mamallakta Tantanakuyta pushak, paypak Quevedo llakta wacha punchata karka, manarak kanchis sayllata rimanakuy kallarirka. Paypak hatun llankayta waminkapi aparishkata paypak mashikunaman, kikinkuna kachashkata mana pakisha nirka.
Kay Función Legislativa kamachiypak 23 nikita hapishpa, Mamallakta Tantanakuy 91 apuchiwan, 12 minkashkakunata churarka, shinallatak Fiscalización y Control Político tantarita churarka paykuna 2019 watamanta, 2021 watakama llankanka, tukuy kamachiy killkakkunami kay minkashkaman yaykurishka kanka.
Kay “Runa llaktakuna llankaykuna pakta tiyachunmi shuyanchik, shinami hatun Mamallaktata rurashun”, shinami Tito Puanchir kamachiy killkak rimarka, kay Seminario Internacional “Trabajo e Interculturalidad América Latina y el Caribe”, rimanakuy kay Mamallakta Tantanakuy ukupi pusharikun. Runakuna Caribe, apyayapi yachaypi, allikawsaypi, kullkipi allichirinkapa kanka.
Mamallakta Tantanakuypak mushuk kamachikkunawan, mushuk sami llankaykuna kallarin, César Litardo, mushuk hatun kamachik shina rimarka, tuyuy kamachiy killkakkuna yuyarishpa kamachiykunata, llankaykunata arinishun rimarka.
Willana hillaykunapi, Mamallakta Tantanakuyta mushuk pushak, César Litardo Caicedo, kallari willayta, willana hillaykunapi rurarka, runakuna shamuchun rikrata paskani, llankaykunatapash rimanakushpa, yuyarinakushpa rurashun nirka. Mushuk llankaykunaka: alli kamachiyta killkana, llakikuna tiyashkata allichina, minkashkakunata tiyachina, nirka. Tukuy llankayta rimanakushpa pushanchik willarka.
Mamallakta Tantanakuyta pushak, César Litardo, Ecuavisa karurikuchikpi rimarka, chaypika llankaypak, kamaypak llankanata munanini nirka, shina tukuy kamachiy killkakkunawan rimanakuyta charishpa allita llankashun, rimarka.
Kay 98 apuchiwan César Solórzano Sarria, Mamallakta Tantanakuypak shukniki Kipapuchak tukurka, shinallatak Patricio Donoso Chiriboga, 94 apuchiwan Mamallakta Tantanakuypak ishkayniki Kipapuchak tukurka, 2019 watamanta, 2021 watakama llankanka. Paykunata César Litardo Caicedo, kamachiyta iñichirka, shinami paykunapak llankaypi tiyachirka.
Kay 78 apuchiwan tawka llantay tantari yanapashka chay Los Ríos markamanta, César Litardo Caicedo, mushuk Mamallakta Tantanakuyta pushak tukun, payka 2019 watamanta, 2021 watakama llankanka.
Ishkay chunka chusku kamachiykuna arinishka kan, shinami Ecuador llaktapi kawsak hunu hunu runakunaman yanapanka; chay Acuerdo por la Gobernabilidad shutita charin, chaypika 250 tantarikuna llankarka, chaytami Otto Sonnhenolzner, Mamallakta Kipapushakman chayachirka; kanchis llaktay wanachita rurashka kan; Mamallakta Tantanakuypak llankayta ista llaktakunaman riksichishka kan; kamaywasikunwan, kamachikkunawan, llaktakunawan rimanakuyta charishkatami Elizabeth Cabezas Guerrero, willana hillaykuna riksichirka.
Kay 29 kamachiykunatami Comisión de Derechos Colectivos tantariman chayachirka, 14 kamachiymanta Comunicación kamachiy allichishka karka. Kay 20 puncha, panchi killa, 2019 watapi Kamachiy Kipumanta llukshirka, kay kamachiy kishpiyrishka rimachun, willaykunata taripachun, llaktakunaman willachun, tukuysami yuyaykunata willana hillaypi uyachichun yanapan.
