Tayta Héctor Yépez kamachiy killkak ashalla muspachik hampita upyanata sachichun mañan, chayta paktachinkapa shuk mushuk kamachiyta churasha mañarka, chyka “tabla de consumo de drogas” shutita charinka nirka, ña 21 puncha, aymuray killa 2013 watapi, chay Consejo Nacional de Sustancias Estupefacientes y Psicotrópicas (Consep) churashka karka, 2015 watapi kutintak arinishka karka.
Chay Eliminar el Impuesto Verde kamachiyta kaya wanra puncha ishkay kutin Mamallakta Tantanakuy rimanakunka, 10:00 sayllata rimanakunka. Chaypak César Litardo Mamallakta Tantanakuyta pushak kamachiy killkunata kayanka, Orden del Día ishkayni iñupi rimanka.
Kay 24 killapi, yachachikkuna, yachakukkuna, warmikuna, Mamallakta Tantanakuyman shamurka, paykunami llaktayukkuna tantaripi, Shuk Punchalla kamachiy killkak tantari rimanakuyman shamurka.Kay rimankuyka 2014 watapi kallarirka, Comisión de Desarrollo Económico pushamurka. Chaymanta ña kay Consejo de Administración Legislativa (CAL) 21 puncha, sitwa killa, 2017 watapi kay sumak llankay kamaywasi tukurka.
Mamallakta Tantanakuy 67 apuchiwan, Comisión de Régimen Económico y Tributario tantari llankayñanta, llankayta allichina katinka llankayta pushachun arinirka, chaypak 24 puncha, raymi killa, kay Secretaría Nacional de Planificación y Desarrollo kamachik, Ministerios Finanzas kamachik, Trabajo kamachik kamachikkuna, paypura makita kushpa llankana yuyarita killkarka, chaywan hatun kamay llankayta llaktakunapi ruranka.
Kaya 605 tantaripi, Mamallakta Tantanakuypi José Augusto Briones kamachik, Presidencia de la República killkakamayuk, payka Plan de Optimización en Territorio de la Administración Pública hawa rimarka, chaywan kullkikuna llaktayukman chayanka. Mamallaktapak kullki llaktayukman chayachun kamachiy killkakkunapash makita kuchun kayarka, shina llakta runakunaman achkata yanapanka.
Shinamin María Mercedes Cuesta (FE), Jeannine Cruz (CREO), Elizabeth Cabezas (AP), Cristina Reyes (PSC), Gabriela Larreátegui (SUMA) kamachiy killkakkuna chay Cumbre Anual del Foro Global de Mujeres Líderes en Política tantaripi karka, chaypimi G20 llankaypak tiksikunata churana nirka, allpapachapi unipak llankayta, mana pakta kawsayta, wakchayayta, paktakayta rimarka.
Kay Comisión de Biodiversidad chay Declaratoria de Interés Nacional para la explotación petrolera en los bloques 31 y 43 dentro del Parque Nacional Yasuní 10 yupayta riksirka, chay willaykunataka Justicia, Ambiente kamaywasi, Secretaría Nacional de Gestión de la Política kamaywasi, Petroamazonas EP kamaywasi chayachishka kan. Mamallakta Tantanakuypak minkashka llankankapa imashina yuyari kashkata riksinkapa, shutita aspishka pankata mañarka.
Kay Tránsito kamahiyta mushukyachina wallpayka antawata purichikkuna mañashkami kan. Shinami suktaniki llankaypika, kay Transporte, Tránsito y Seguridad Vial kamachiyta allichinkapa, kanchis hatun yachakkunata chaskirka, paykunami Mamallakta Hunta tantaripi antawata purichinamanta, tawka ruraykunamanta rimarka. Kay kamachiywanmi antankakuna ñankunapi sinkunata, takarinata, runakuna wañunata harkanka.
Shinami Código Orgánico de Seguridad del Estado kamachiyka chusku hatun yuyayta charin: Defensa Nacional, Seguridad Ciudadana, Inteligencia, Riesgos yachaykunata charin, kaykunami Relaciones Internacionales minkashkapak kallari llankay kan. Shinami Fernando Flores, minkashkata pushak rimarka.
Paypak chapay ukupi Servicio de Rentas Internas (SRI) maykunalla chay Arroz Verde llakiman yaykurishkapak shutita tanatchichun mañarka, chayka La Fuente y Mil Hojas, sobre los casos Arroz Verde y Majano llaki nishaninmi, chay llakitaka Alianza PAIS llaktay tantaripi paykuna kamachik tukunkapa akllarikushpami yanka kullkita tukuchirka. Kay minkashkata pushak Marisol Andrade, hatun kullkita churakkunata 57 chapayta rurashka nirka, 12 rikuypi karka, 124 llankayñan ukupimi kan.
