Kay 40 watata Ecuador llaktaman llakta ushay tikramushkata yuyarishpa shina kamarita kushpa aknaykunataka ruran. Chaymanta Mamallakta Tantanakuy tawka yuyarikunata kay hunkapi charin, kamu katuna, yachaykuna, takikuna, karwa killa, 5 punchamanta, 8 punchakama kay llankaykuna tiyan. Kayman 300 runakuna shamurka, paykunaka aknay kallarin yachayman shamurka. Tukuypak kamachikkuna tsiknita, takayta, awkakuna llakichinata washaman sakirka, isankapi apuchinata churashpa Mamallakta Pushakta hatun kamachikkunata akllachun ñanta kurka.
Mamallakta Tantanakuy 10:00 sayllata tantarinka, chaypi karwa killa, 10 punchata, Día Nacional de la Democracia en el Ecuador shutita churankapa atinakunka. Chaywan llaktayukkunapak llakta ushayta sinchiyachinka, tukuykunaman alli kachun llankanka.
Kay Comisión de Participación Ciudadana y Control Social, chay mushuk Organizaciones de la Sociedad Civil kamachiyta ishkaykutin rimanakuyman manarak apashpa Mamallaktapi tantarikunapa shutita kipunata rikukun, kayta Mamallakta Tantanakuy rikunka.
“Llaktakunamanta kamachiyta killkana, patakupilla mana killkana” Fafo Gavilánez kamachiy killka rimarka, payka Comisión Ocasional de Tránsito tantarita pushami kan, chaypi Transporte Terrestre, Tránsito y Seguridad Vial kamachiy hawa atinakunka, llaktakunapash kay Mamallaktapi antawa sinkushpa wañuykuna, chukrikuna ama tiyachun kamanka.
Kay Consejo de Administración Legislativa (CAL) tantari Mamallakta Tantankuypi samarina punchunaka kamachiykunata arininkapa chutarishka, kay killa 19 punchamanta, 30 punchakama kanka. Kaytaka kay Comisión de Fiscalización chay Consejo de Participación Ciudadana y Control Social (Cpccs) pushakta, rimayta charikkunata wanachinkapa arininkapami kan.
Mamallakta Tantanakuy Daniella Camacho mañashkata mana paktachinkapa arinirka, payka Corte Nacional de Justicia kamachikmi kan, chay Viviana Bonilla yallik kamachiy killkakta wanachinkapami mañarka.
Kay Comisión Ocasional de la Niñez tantari, kallari rimanakuypi atinakushka Libro Uno, del Código de la Niñez kamachiyta riksirka, kay pakmapika: zampayashka hayñikunata, kallarikunata, kamaykunata. Kari warmi 22 kamachiy killkakkunapak yuyayta, imashinami kamaywasikunapak 3 mushuk yuyayta hapirka.
Kunan puncha, Mamallakta Tantanakuyta pushak Ecuador llaktapi ista kamachikkunawan shuk rimanakuyta charirka, chaypi 2019 watamanta, 2021 watakama Mamallakta Tantanakuypak katikillata rikuchirka.
Mamallakta Tantanakuy Ecuador llaktamanta pusak kutin sikakta warawarka, payka, Karl Egloff shutimi kan, paymi raymi killapi, allpapachapak shutipi Monte Denali de Alaska (EE.UU.) llaktapak awilaman llukshirka, chaymanta Mamallakta Tantanakuy Vicente Rocafuerte, Mérito Deportivo kamarita kurka.
Kay 2030 watakama katikillata katishpa, Mamallaktapak hatun kamachikkuna, Mamallakta Kipapushakwan kayna tutamanta chay Universidad Andina Simón Bolívar (UASB) wasipi kay Acuerdo Nacional 2030 para el Acceso a la Justicia por una Vida Libre de Violencia yuyarita killkarka.
