Kamachi Awllipi Tukuy llamkachik, Miguel Pesántez nirkami "kamachiypi shinallatak ruraypipash Mamallakta Tantanakuyka kallariy shukniki rimanakuypak paktami kan, chaymantami 17 puncha sasi killapak ñawpanchirka".
Miguel Pesántez, Mamallakta Tantanakuypi llamkachikka Mamallakta Tantanakuy kallari shukniki rimanakuyta kay 17 puncha sasi killa 10h00 pacha tutamanta kay Kamachiy Awllu wasi ukupi paktachunka tukuymi allichishka. Kunanpi llamkakuk ayllukunapak shinallatak Kamachiy Awllipi yanapak ayllukuna llamkanapak llamkaykullkipash iñikushkami kan", nirkami.
Miguel Pesántez, Mamallakta Tantanakuyta llamkachikuk, chimpapuray wañuy paktarishkamanta sukta killapi llamkashkata riksichirka. "Ashalla ayllukunawan shinallatak ashalla kullkiwanmi pakta pakta llamkashpa shamushkanchik shinami kay 20 puncha sasi killapi Mamallakta Tantanakuypak shukniki rimanakuy paktchun allichikunchik", nirkami.
Kay awaki 6 puncha sasi killa, 08h30 pachami, kamachi killkakkuna kay shamuk 20 puncha sasi killapi llamkay kallarinapak mutsurishka pankakunata chaskishpa kallarin.
Kay kimsa kamachiy allichinaman ley que fomentan la economía popular y solidaria, a los artesanos, pequeños productores, microempresas y emprendimientos kachashka kamachiytami yuyaypactarinka; kamachiyka runapak kawsayta shinallatak llakta wiñarinatami sumaychanka, kay yuyaykunapimi Mamallakta Tantanakuy kay awkarik 18 puncha ayriwa killa llamkanka.
Mamallakta Tanatanakuy, 93 ari apushitaywanmi, kay Ley para Evitar la Destrucción de Alimentos, Ley de Sanidad Agropecuaria kamachiy rurana killkakunata ishkayniki rimanakuypi arinirkakuna, kay kamachiywanka pakalla apamukukpi hapishka wakllirinalla mikunakunata ama chinkachinapakmi mashkakun, kay kati hapishka mikunankunaka ayllukunata yanapak runakunaman chayachun, kaypi kawsakuk ayllukuna yanaparshpa katichunkuna.
Chaypikak tukuy 122 kamachi killkakkuna arinishkawanmi, Mamallakta Tantanakuyka, Guillermo Lasso Mendoza Llakta pushakta, Calvas kiti, Loja marka llaktata kay punchakuna ancha tamyapi wakllirishkamanta yanapachun shuk yuyarinakushka killkawanmi llakta llakipimi nishpa shutichichun kayachirkakuna.
Mamallakta Tantanakuypi chaypi kak tukuy 120 kamachi killkakkunapak ari apushitaywan, kay Ley Orgánica de Incentivos a la Pesca Artesanal kamachiy rurana killkapak 1, 2 niki killkata kallaripi killkashkata shinallatak arinirkakuna, Llakta pushakmi allichinami nishpa rikuchishka karka, kay kamachiytami Kamachiy Kipukman willachishka kachun chayachinka.
Kay chaska puncha Consejo de Administración Legislativa wankurishkakuna Fiscalización y Control Político Minkarishkatami utkashpa pakta ruraykunawan Llakta pushakta llaktay ñawinchiy mana harkarishpa katichun shuk mañayta chayachinapak yuyarirkakuna kay mañayka Capítulo VIII, Sección IV de la Ley Orgánica de la Función Legislativa kamachiypi churashkata katinapak, kaypika Llakta pushakta shinalla llakta kipa pushakta llaktay ñawinchiyman chayachinamantami riman".
Mamallakta Tantanakuyta pushak, Virgilio Saquicela, kay Comisión de la Niñez Minkarishkata pushak, Pierina Correa kamachi killkakwanmi, kari warmi wawakunata shinallatak 16 watayukkama wamrakunatapash istallaktamanta kutichinata rikurak kamachiy rurana killkata chaskirkakuna.
