Ista Purarikuna, Runa Yalli Minkashka tantanakuy, kay Paktachiy, Riksichiy, Kishpiykay Yuyay, Willaypi rimay Kamachik ñawpak yuyay kallari shuk niki chimpapuraypak shuk llankaywillayta arinirkakuna.
Kamachiy killkak Johanna Moreira kay Paktakay Awlli Kamachik shuk ñawpak yuyayta chayachirka, maypika shuk hatun paktayta charin paktakay llankaykunata kamashpa llankanapak churan.
Kamachiy killkak Mariuxi Sánchez kay akllashka Antisuyu Sayway Allpa Kamachik mushukyachinapak shuk ñawpak yuyayta chayachirka, kunan llankakushka kamachikta allichishpa katinapak kan, Antisuyumanta sukta markakunapi tiyak mutsurikunata kutichuchun. Chay katikunapi, 4% yanakuri puntu chani katuykunata chayachichun mañan shinapash mana nimapak kay ishkay dólares uriyarishka kullki paktachun, Fondo de Desarrollo Sostenible kamay ukuman tikrachikunapak riman.
Paktakay Minkashka tantanakuy Chuway millay Yumay chichuchishka tiyashkamanta alli shunku wawa urmachikunata kamanapak, kamachik ñawpak yuyay yachaykunawan katinkuna. Kay pachapi tukuy llaktayukkunapak rimaykunata uyarkakuna ishkay niki iñu rimaykunapi maypika huchachishkata chayachishkapi llakichishka runakunapi rikushpa hayñikunata rikushpa kamanapak rantimanta arinirkakuna.
Kamachiy Killkak, Carlos Zambrano, Legislativa de Desarrollo Económico, Productivo y Microempresa minkashka tantanakuymanta, tikrachirka kay gestión documental kay Mamamallakta Tantanakuy wasi kay ishkay niki tantanakuykunapak llakta llankaykuna, maki ruray, kapuchikunata wiñachishpa makichuranapak kamachik ñawpak yuyayta chayachirka, Ecuador mamallaktapak llankaykunawan kullki wiñachikunata sinchiyachinapak rimankuna.
Kamachiy killkak Ronal González, tantalla kay Runapak Kamak shinallatak Ecuador Psiquiatría tantanakuywan, Allikay Yuyaykak Kamachik ñawpak yuyayta chayachirka, kay llankaykunaka kanmi shuk hatun paktaykunata ñawparikuy, tukuy wakcha runakunata chaki katishpa kamanapak tiyan, maypika Covi-19 unkuykuyta hapishpa tiyakkuna, mana riksi unkuyta charik, yuyaykakta llaki charik, kariwarmikunata millay, uchilla kariwarmi wawakuna chayshina wamrakuna achka wakchapi kawsakkunata yanapanapak riman.
Mamallakta Wallpa shinapash Paktakay Minkashka tantanakuy pushak, Alejandro Jaramillo, sukta hampik runakuna chayshina obstetricia yachayukkunapak rimaykunata chaskirkakuna kay shuway millay yumay chichuchishkamanta wawa alli shunku urmachimanta yachayukkunapak rimayta uyarkakuna, kamachik tantanakuykunapak paktalla apakushkamanta ñawpak yuyay hamutaykunapi katinkuna.
Hunta rimanakuy Mamallakta Tantanakuy, kay 98 apuchikunawan arinishpa paktachirkakuna, kay kimsa chunka punchakunapi, Transporte y Obras Públicas, Zirma Ushay Recursos Naturales No Renovables Kamaywasiyukkuna, Petroecuador Hatun pushak, Servicio Nacional de Gestión de Riesgos y Emergencias pushakkunata kayanapak arinirkakuna, tukuy llankaykunata paktachishpa riksichichun kay wakllichishka shinapash llakikunata kay Coca mayukuna antawa purichina ñankunata tukuchishkamanta, uchilla wallpa, aparik yanakurita, Sucumbíos, Napo llaktayukkunapak yallina ñankunamanta willankakuna.
Mamallakta Tantanakuy, 131 arinishka apuchikunawan kay Mana mañashka kullkikunata chayshina yalli pacha hapishkamanta allichinapak ñawpak yuyay killkaykunata rikushpa kamanapak arinirkakuna
Mamallakta Tantanakuyta pushak, Guadalupe Llori Abarca, kay 123 arinishpa apuchikunawan, 29 karway killa Kuyuri Paralímpico pukllay yuyarina punchata churarkakuna, hanka runakunata kuyurishpa pullakkunapak hatun llankaykuna chayshina sinchikuykunata paktachishkamanta riksinkakuna, shuk tantalla rikuchiy, kuyyuywan pukllay, tukuy achiklla ruraykunapi ushan.
