13 punchamanta 17 punchakama kapak killa kay Hunta rimanakuy Mamallakta Tantanakuy, 131 arinishka apuchikunawan kay Mamallakta Kullkikancha Llika Rantiriak, mana mañashka kullkikunata llakichishpa llankay rikushpa allichishpa kamaypak kamachik ñawpak yuyay rikunkuna; shinapash shuk niki chimpapuraykunapi Kullki Ima rurashkata rikuriak Kamachikta mushukyachinapak rikushpa katinkuna, hatun paktay kan kamachik chushak tiyashkata shinapash kamay wasitakunata allichishpa paktachinapak rikun.
Allikay Hayñi Minkashka tantanakuy kay pusak arinishka apuchikunawan yachayñan chayshina llankayñankunata paktachirkakuna, maypika tukuy hampina wasikunapi tukuy llankakkuna hampi murukuna illaykunapi imashina llankayta paktachishkamanta kay llaki unkuykunawan, hanka llaki kawsaywan, mana riksishka unkuy, yayamamakuna mana charishpa llaki unkuypi katishpa shamushkamanta rikuchichun ashtawanpash Hampina wasikunapi unkuykunata chaskishpa hampi, shinapash tawka mutsurishka hampi rantishka taripaykunawan kallarinkakuna.
Paktalla rikuykunapi kay Hatun Shuwashpa Millay Yumay Chichuchimanta Alli shunku wawa urmachi kamaypak hayñi tiyachun Kamachik ñawpak yuyay tukuywan paktankuna, Justicia y Estructura del Estado Minkashka tantanakuy, yachayukkunapak rimaykunata uyarka, "objeción de conciencia" llakikunamanta rimaypak shinapash hamutanapak katinkuna.
Kallari kanchis killa mañaymashkykunapi, Mamallakta Tantanakuy chikan chikan chayshina llaktayukkunawan wankurishpa llankarkakuna, tukuy mutsurikunata chaskishpa shinapash mushuk yuyaykunata ayllullaktakunaman yallishpa, kay hatun paykunawan runakunata yanapaka. “Kay maymutsuri llankaykuna llankayñankunata kutichin “Ecuador Mamallaktamanta makichuray”, tukuykunata hayñikunawan kamanapak maskan, tukuy millaykunata shitay, pachamamata rikuy, tukuypak mitachi allikakta yanapanapak, llankaykunata wiñachinapak, mamallakta kutin llakaywan kallarichun”, Guadalupe Llori Abarca, Mamallakta Tantanakuy pushak nirka.
Allikay Hayñi Minkashka tantanakuyman, Allikay Kamaywasiyuk, Ximena Garzón, Ómicron mushuk unkuy chayshina COVID-19 unkuy waktay wiñarikuna paktamushukamanta shuk paktalla yuyaykunata makapan riksichirkakuna. Shinapash hampi murukunamantapash riksichirkakuna.
Llakta Ayninakuy shinapash Waki Rikuy Minkashka tantanakuy, pakta pakta rimyakunata chaskishpa katinkuna kay Tukuypak willachiy Chaski Kamachik ñawpak yuyaywan wankurishpa rikuywan katinkuna, maypika hatun paktay kan ashtawan shukpalla shinapash tukuypak kamay wasikunapi imanikkunata killpashpa kamanapak.
Yachay, Kawsay, Amawtay shinapash Sumakllankay, mushukyachi ashtawanpash Kallari Yachay Minkashka tantanakuy, kay Instituto Ecuatoriano de Seguridad Social Hampina Wasi (IESS) llankaywillayta tikrachishkata riksichirkakuna, Ecuador Mamakamachiy Rikukwasi wanay churayta paktachishka, inconstitucionalidad nishpa kay Mushukyachi Kamachikta chayshina Orgánica de Educación Intercultural kamachik (LOEI) mushukyachinapak nishpa atirshka, maypika Sistema Nacional de Educación kamay wasimanta ñawpa yachakkunamanta rimarkakuna.
Consejo de Administración Legislativa (CAL) tantanakuy kamachikkunapak paktalla minkashka tantanakuypi, tukuri pusak killakunapi mañaymashkay llankaykunata paktachishkakunamanta taripaykunata rurarkakuna, shinapash kay 2021-2022 Ecuador Mamallaktaman makichuray tukuy pachakunapi kamachikkunapak llankayñankunata ushashkakunata riksichirkakuna. Kay tantanakuypi Mamallakta Tantanakuy pushak, Guadalupe LLori Abarca, tukuy minkashka tantanakuykunapak pushakkunata aripaktachikunapi ushashkamanta naparka chayshina Kamachik tantanakuykunapak kaytarak llankayñan iñukunata apanata shinapash Ecuador mamallak runakunapak alli llankaykuna tiyachun paktachinapaka rimankuna.
Ista Purarikuna, Runa Yalli Minkashka tantanakuy, kay Paktachiy, Riksichiy, Kishpiykay Yuyay, Willaypi rimay Kamachik ñawpak yuyay kallari shuk niki chimpapuraypak shuk llankaywillayta arinirkakuna.
Kamachiy killkak Johanna Moreira kay Paktakay Awlli Kamachik shuk ñawpak yuyayta chayachirka, maypika shuk hatun paktayta charin paktakay llankaykunata kamashpa llankanapak churan.
