"Kamachiyta kutinpash arinishka shuk mishaymi kan, yachanapak kullki mañashkata kutichinata charik ayllukunallapak mana kanchu, ashtawanpash paykunapak churikunata yachanapak yanapay chaskik waranka waranka ayllukuna". Shinami María Teresa Galarza, (ABREC) Ecuador llaktapi Yachanata Kullkimañakkuna Tantanakuyta kipa pushak, Mamallakta Tantanakuy kay kullka puncha, kay Código Orgánico de la Economía Social de los Conocimientos, Creatividad e Innovación (Código Ingenios) kamachi mushukyachina killkata arinishkamanta.
Mamallakta Tantanakuypi Mamakamachiypak 258 niki killkata mushukyachinapak mashkashpa ishkay niki rimanakuypi riksinata puchukarka, kaypika Consejo de Gobierno wankuri pushakta akllanapak shinallatak Galápagos markapi chikay pushak llikata kutinpash tantachinapak mashkakun, kaywanka chaypi kawsanata, llakta ukumanta purinakuyta shinallatak llankaypak hayñitapashmi rikunka. Kay mushukyachinapak killkaka apushitayta mana paktarkachu (91 ari apushitay), 15 ari, 116 mana shinallatak kimsa mana apushitaytami paktarka.
Mamallakta Tantanakuypi, 09H30 pacha tutamantami kay Código Orgánico de la Economía Social de los Conocimientos, Creatividad e Innovación (Código Ingenios) kamachiy mushukyachina killkata llakta pushak allichinaman kachashkata rimanakuy kallarirka.
Mamallakta Tantanakuypi, kay kullka 13 punchami, 754 niki Rimanakuy paktanka, kaypika Ley Orgánica Reformatoria al Código Orgánico de la Economía Social de los Conocimientos, Creatividad e Innovación (Código Ingenios) kamachi mushukyachinamanta llakta pushak allichinaman kachashkatami riksinkakuna; shinallatak, Enmienda Constitucional allichina killkata ishkay niki rimanakuypi riksinkakuna. Corte Constitucional tantanakuy yuyarinakushka killkata charin.
Kunan puncha Mamallakta Tantanakuypi Ley para la Gestión de Emergencia Sanitaria por Pandemia causada por el Covid-19 y sus variantes kamachi rurana killkata rimanakurka, kaypika pandemia unkuyta chimpapuranapak kamachiyta churanapak mashkakun shinallatak llaktapi pushakkuna kikin llankayta paktachichunmi achikyachinka.
Soberanía Alimentaria Minkarishka, kay awaki 10 puncha kulla killa, apankurata, chalwakunata hapishpa llankak tantanakuy pushakkuna mañashkata uyarka, paykunaka Ley Orgánica para el Desarrollo de la Acuicultura y Pesca kamachi mushukyachinapak yuyaykunata chayachirka.
Mamallakta Tantanakuy kay awkarik 11 puncha rimanakunka, 09:30 tutamanta, kaypimi Ley Orgánica para la Gestión de la Emergencia Sanitaria por Pandemia, causada por el COVID-19 y sus variantes kamachiyta, shinallatak Ley Orgánica para la Garantía, Promoción y Protección de la Libertad de Prensa, de Opinión, de Expresión y de la Comunicación kamachiytapash ruranapak killkata shuk niki rimanakuypi riksinkakuna.
Kamachi killkakkunapak shinallatak kamachi awllikunapak kawsayta kay Covid-19 pandemia unkuywan nuñanchik llaktapi paktarikushkapi ukllashpa katinkapak yuyaywanmi Consejo de Administración Legislativa (CAL) tantanakuyka tukuy LlankayWankurita pushakkuna chaypi kashkawan tukuykuna kimirishpa llankayta teletrabajo llikapillatak shamuk 17 puncha kulla killakama katinkapak yuyarirkakuna. CAL tantanakuyka shamuk inti 15 punchami kutin tantarinka, kaypimi llankay imashina paktanata kutinpash rikushpa yuyayrinkakuna.
Mamallakta Tantanakuypi, 131 ari apushitaywan, kay Ley de Vivienda de Interés Social kamachiy rurana killkata arinirkakuna, kamachiytaka Gobiernos Autónomos,Descentralización, Competencias y Organización del Territorio Minkarishka allichishka killkatami riksirkakuna, kay kamachiyka llaktayuk mutsushka kawsana wasikuna charinatami yanapanka shinallatak wasichinapak tukuy mañaykunatapashmi ashayachinka.
Biodiversidad Minkarishkata pushak, Washington Varela, kay 07 puncha kullka killami 08h30 pacha tutamanta, antisuyu llaktamanta 14 kamachi killkakkunawan llankay rimanakuyta charikrinchik nirkami, kaypika Ley Orgánica para la Planificación Integral de la Circunscripción Territorial Especial Amazónica kamachi mushukyachina killkapak 15 niki killkakunata alli riksinkapak. Shinami tukuy yuyaykunata tantachishpa shuk killkata apukkuna shuk niki rimanakuypi riksichun allichishun, nirka.
