"Ni mayhan llaktata mana kunkarishpami ñawpakman purishpa katina kanchik. Kamachiywanka saywa llaktapi kawsakkunaman chayachina kipayashkata kutichinapakmi mashkakunchik, llaktayukkuna llankay illaklla, pakalla apamuyta, umachinkachina mintalayta, wañuchiy llakikunatapash ashayashpa katinkapak. Ñukanchik saywallaktakuna ayllukuna kawsaypi, kullkillankaypipash sinchiyachunmi llankakunchik", kashnami Guadalupe Llori Abarca, Mamallakta Tantanakuyta pushka, Ley de Desarrollo Integral Fronterizo kamachiymanta shuk niki rimanakuypi nirka.
Mamallakta Tantanakuy kay Corte Constitucional (CC) tantanakuypak mushuk kamakkunata, akllarinalla kamakkunatapash llankaypi kallarichirka, paykunataka Comisión Calificadora wankuriymi akllarka kaypi kamakkunamanta chawpita mushukyachinapak. Paykunak doctores, Richard Ortiz, Jhoel Escudero y Alejandra Cárdenas runakunami hatun kamak shutirirkakuna shinallatak Ana Donoso, Luis Sarango runakunaka akllarinalla kamak shinami shutirirka.
Mamallakta Tantanakuypi kay Ley de Desarrollo Integral Fronterizo kamachi rurana killkata shuk niki rimanakuypi riksishpa kallarinkuna, kay kamachiywanka kasiklla kawsanata, llaktakuna ashata chikanyashpa rikuyta paktachunmi mashkakun; shinallatak kikin llakta pushakkuna llakta wiñariyta kikimanta rikuchunkuna, llankayta kamaytapash kay saywa llaktakunapi sumaychachun, kasiklla kawsachun, pachamamapak kawsayta rikurachun, llaktapura allichanata chaparachun, kikipak hayñikunata paktachichunpashmi sinchiyachinapak mashkakun.
Wakllirinalla mikunakuna nakashpaka mana wakllirinalla mikunakunatapash ayllukuna mikunapak kashkata ama shitankapak shinallatak wakcha ayllukuna yarikaypi yanaparichunmi Mamallakta Tantanakuyka Ley para Prevenir y Reducir la Pérdida y el Desperdicio de Alimentos y Mitigar el Hambre de las Personas en situación de Vulnerabilidad kamachi rurana killkata ishkay niki rimanakuypi riksirkakuna, kay rimanakuyka Derecho a la Salud y Deporte Minkarishka allichishka llankaywillaypimi paktarirka.
Mamallakta Tantanakuy, 105 ari apushitaywanmi, Ecuador llakta, República Popular China llaktawan kamaypi makipuranapak Yuyaypaktarishka killakta kutinpash arinin, kay istallakta kamay killkawanka kamachi paktanapimi ishkantik llaktakunapura makipurashpa yanaparinata sinchiyachin, ashtawankarin kikin llakta kawsaymanta, paktakanamanta, ishkaytak yanaparinamantapash.
Ñuñuta mirachinapak, rikunapa, kuyuchinapak, charishpa katinapak kamachi allichinata rimanakun, kay Ley para Fomentar la Producción, Comercialización, Industrialización, Consumo y Fijación del precio de la Leche y sus Derivados kamachiypak hatun yuyaykunami kan, Mamallakta Tantanakuypimi rimanakukunkuna.
Mamallakta Tantanakuypi kay Ley para Fomentar la Producción, Comercialización, Industrialización, Consumo y Fijación del Precio de la Leche y sus Derivados kamachi rurana killkata shuk niki rimanakuypi riksirkakuna, kay kamachiyka ñuñu mashna llukshichinata, imashina mirachinata, apanata, ñuñuta maypi wakichinata, ruraykunaman paktanata, chaninata, minatalanapashmi rikunka.
Kay Consejo de Administración Legislativa (CAL) wankuri, 6 ari apushitaywanmi kamachi rurana pichka killkata akllarkakuna, chuskuka Mamallakta Tantanakuy chayachishka shinallatak shukka Llakta pushak chayachishkami kan, kamachi ruranapak killkakkunaka Mamakamachiy shinallatak Ley Orgánica de la Función Legislativa (LOFL) kamachiy mañashkatami paktachin, chaymantami Minkarishkakuna allichichun chayachishka kan.
"Mamallakta Tantanakuypak shutipi kikinkunapak wasi ayllukuna chinkarishkamanta, wasikuna wakllirishkamanta, mintalana chinkachishkamantapash nanariyta chayachini. Kay llakimanta llukshinapak tukuy llakipi wakllirishka ayllukunaman yanapayta chayachinchik".
Kay 762 niki rimanakuypi, 10h15 pacha tutamanta kay awkarik 8 puncha panchi killami, Mamallakta Tantanakuypi Ley para Fomentar la Producción, Comercialización, Industrialización, Consumo y Fijación de la Leche y sus Derivados kamachi rurana killkata shuk niki rimanakuypi riksinkakuna, kay kamachiywanka ñuñu mirachinata sinchiyachinkapak, kamankapak, kuyuchinkapak, alliyachinkapakmi yanapanka.
