Mamallakta Tantanakuyka Ley Orgánica de Vivienda de Interés Social kamachiyta Llakta pushak allichinaman kachashkata riksirka, kay kamachiywanka pushanapak, llankayta allichinapak, rikuranapak, chaparanapak shinallatak tukuy llaktayukkuna kawsanapak pakta wasita charichunmi yanapan shinallatak llaktayukpakpash kawsayallpa wiñarichun, kay kamumi Kamachi Kipuman willachinapak chayanka.
Mamallakta Tantanakuyka Fausto Jarrín kamachi killkak, Bancada Unión por la Esperanza wankurimanta mañashkata mana arinirkachu, payka puncha llankanapak ishkay nikipi Consejo de Administración Legislativa (CAL) wankuripak llankayta taripanapak arinichunmi mañayta chayachirka.
Tukuykunami, chayamuk kamachi killkakkunami 129 ari apushitaywan, Mamallakta Tantanakuypi kay Ecuador llakta República Popular China llaktawan ayllukunata chayachinapak yuyarinakushka killkata kutinpash arinin, kay kamachiywanka, shuktak ruraykunawanka, kamaypi makipurashpa ista llaktakuna kasiklla kawsanapakmi yanapanka, shinallatak llaktapura ruraykunata makipuranapak, sinchiyachinapak, wiñachinapakpashmi yanapanka.
"Kunanmi wiñaymanta atirikushkata, sinchiyashkata, hatun mashkaykunata achka watakuna ñawpa washayachishka, chikanyachishka, shinallatak warmi kashkamanta llukshishkata kunan yuyarinchik. Kunan punchami ñukanchik ñawpa pachakuna mishashkata yuyarinchik", kashnami Mamallakta Tantanakuyta pushak, Guadalupe Llori Abarca, kay Kamachi Awllipi llankak warmikunata kay Día Internacional de la Mujer punchata yuyarinakuy raymipi nirka.
Kay Consejo de Administración Legislativa (CAL) wankurika kamachi killkakkuna chayachishka ishkay kami killkatami akllarkakuna shinallatak yachak minkarishkakunata tantachirka paykunami llaktapak llankaywasi pushakkunata ñawinchiy kallarinka.
Kay Consejo de Administración Legislativa (CAL) wankurika Guadalupe Llori, Yeseña Guamaní, Nathalie Arías, Johanna Moreira kamachi killkakkunapak chusku ari apushitaywan; shinallatak, Virgilio Saquicela, Darwin Pereira, Ronny Aleaga kamachi killkakkuna mana chaypikashkawanmi, Llakta pushak chayachishka Ley para la Atracción de Inversiones kamachiy rurana killkata arinishpa akllarkakuna, shinallatak tawka wankurimanta kamachi killkakkuna chayachishka 8 kamachi rurana killkatapashmi riksirkakuna, kaykuna Código Orgánico Integral Penal (COIP); Ley Notarial; Ciberseguridad
Kay 7 punchamanta 12 punchakamaka, Minkarishkakunaka kamachiykuna ruranapi shinallatak llaktay chapaypipash llankashpa katinka, kaykunapi, Contralor General del Estado, subrogante pushakta ñawinchinapak mañashkata riksishpa katinka.
Minkarishkakunaka llaktayukkuna mutsushkamanta rurarina kamachiy killkakunapimi llankashpa katikun, kaypika llankaywiñachinapak, kasiklla kawsanapak, hayñikuna ukllanapak yuyaykunami churashka kan.
Kay hunkaypi Mamallakta Tantanakuypak llankayka katinmi, pushak, Guadalupe Llori Abarca, kay Ley Orgánica de la Función Legislativa kamachiypi rikuchishkata katishpami, kay Consejo de Administración Legislativa (CAL) wankurita ishkay rimanakuyman kayachirka, llakta pushak, kamachi killkakkunapash chayachiska ancha mutsurishka kamachiy rurana killkakunata riksinkapak, shinallatak llaktay taripay, willayta mutsuripash riksinata kallarinkapak.
"Mamallaktapak shuk niki ushayta pushak shinami, kamachi awlli rikuchishkata katikunchik, shinallatak CAL wankuri kay 21 puncha panchi killa ruyarinakushkata sumaychani, kaypika tukuykuna llankayman chayana nishkami kan", Kashnami, Guadalupe Llori Abarca pushak nirka, kay Consejo de Administración Legislativa (CAL) wankuri rimanakuy kallaripi nirka, kay rimanakuymanka tukuykunami chayamurka.
