Mamallakta Tantanakuypi 131 ari apushitaywanmi, Ley de la Contraloría kamachiy mushukyachina killkata arinirkakuna, kay kamachiywanka llakichiykunata chimpapuranapak Llaktapak kullkita alli paktarinapak shinallakta kay llankaywasipak llakikunata chimpapuranapakmi yanapanka, kunanpi paktarikuk kamachiyka wakin chushaklla kamayta charishkamanta, nirkami.
Mamallakta Tantanakuypi 92 ari, 28 mana, 14 mana apushitaywanmi, Procurador General del Estado, Iñigo Salvador kamak runata Llaktay Ñawinchiyman mañashkata, Fiscalización y Control Político Minkarishkaman tikrachinapak arinirkakuna, kaypimi tukuy kamayta rikurashpa, Ley Orgánica de la Función Legislativa (LOFL) kamachiypak shikniki millka 81 killkata katishpa, Mamakamachiypak 131 niki killkapi mañashkata paktakpi, mana tukuy mutsurishkata paktakpika wakichishkami kanka.
Mamallakta Tantanakuypak rimanakuypi, 107 ari apushitaywanmi, Ministerio del Ambiente, Agua y Transición Ecológica, de Agricultura y Ganadería y el Servicio Nacional de Gestión de Riesgos tantanakuy pushakkunata kayachinapak yuyarirkakuna, paykunaka llaktaman yanapayta utkashpa llaktaykunawan chayachinata, tarpunapak yakuta chayanata, yaku wiñachinapi, yaku larkakuna ruranapi, mayu huntaypi, allpa suchuriypi shinallatak usya pachakuna yaku huntaykunapipash chimpapuranpaka llankaykuna paktashkata, pachamama shuktakyashkata chimpapurankapak, pachakunaka achka llakikunami mirarishkata ashayachinapak llankaykuna paktashkatami willankakuna.
Mamallakta Tantanakuypak 766 niki rimanakuy katinapi, Mariano Curicama kamachi killkak, Soberanía Alimentaria Minkarishkata pushak, tarpushpa llankakkunawanmi makipurashpa llankashpa katinapak arinirka shinami kay punchakuna tarpukkuna llakipi kawsakushkata yanapashun nirkami, kunkarishka llaktayukkunapak hatun paktaymi, Ecuador llaktata sinchi yanapakkuna, llakta tukuy ayllukunamanmi mikunakunata chayachin, shinaka, tukuykunawan yuyaypaktarishka kamachiytami allichishun, nirkami.
Mamallakta Tantanakuyka ministro del Interior, Patricio Carrillo runata kayachinapak yuyarirkakuna, payka Llakta pushaymanta shinallatak Policia Nacional tantanakuymanta imalla llankaykunata kay Duran kitipi, tukuy mamallaktapipash llakikunata chimpapuranapak churashkata willachunmi kayachinka.
Mamallakta Tantanakuyman ministro del Interior pushak, Patricio Carrillo Rosero runata kayachinapak yuyarirkakuna, payka kay Llankaywasimanta shinallatak Policía Nacional tantanakuymantapash kay Duran kitipi, tukuy llakta allpapipash llakikunata, wañuykunata harkanapak imalla llankaykuna paktakushkata willachunmi kayachinapak yuyarirkakuna.
Mamallakta Tantanakuy rimanakuypi, 105 ari, shuk mana shinallatak 23 mana apushitawanmi, Julio José Prado, ministro de Producción shinallatak Édgar Rodríguez, subsecretario de Calidad de esa Cartera de Estado pushakkunata kayachinapak yuyarirkakuna, paykunaka INEN tantanakuypak uchilla kamachiyta imamanta anchuchishkatami willankakuna, llaktayuk paktarinapi wakllirinalla rikurishkamanta.
Kay Ministro de Agricultura, Pedro Álava González pushak Mamallakta Tantanakuyman chayamushka kipa, 109 ari apushitaywanmi, shuk yuyarinakushka killakta arinirka, kanchis niki killkatami charin, kay rikuchishkapika Tarpuyllankayta pushakka Soberanía Alimentaria Minkarishkamanmi shuk llankaywillaytami paykunapak llankay imashinalla paktakushakta riksichun chayachinka, llakikunata ashayachinapak. 60 punchakunanta, shamuk sukta killakuna ukupi, Llankaywasi pushakka tarpuy llakita chimpapuranapak imalla paktakuna rurakushkata shinallatak llaktay paktarinapak churashkatami willanka.
Mamallakta Tantanakuypi kay Ley Orgánica de Ordenamiento Territorial, Uso y Gestión del Suelo kamachi mushukyachina killkata shukniki rimanakuypi riksirkakuna, kay kamachiywanka Gobiernos Autónomos Descentralizados tantanakuykuna llakta allpata allichichun rikurachunapash llankayñantami allichirkakuna.
Kay Ley que Regula el Uso Legítimo de la Fuerza kamachi rurana killkata hukniki rimanakuypi, Soberanía, Integración y Seguridad Integral Minkarishkata pushak, Ramiro Narvaéz kamachi killkakka Mamallakta Tantanakuymanmi kay Policía Nacional, Fuerzas Armadas tantanakuykuna shinallatak cuerpo de seguridad y vigilancia penitenciaria tantanakuypash ushayta imashina paktarishpa chayanamanta riksichirka.
