Mamallakta Tantanakuypi 75 ari apushitaywanmi Corte Constitucional tantanakuy shuk yuyarikushka killkapi kay Llakta pushak Ley que Garantiza la Interrupción Voluntaria del Embarazo para Niñas, Adolescentes y Mujeres en caso de Violación chawpita allichinaman kachashkata shuk killkapi kutichichun chayachinapak yuyarirkakuna, kay willayka makamachiywan paktarishkami kanka, mañashkapika mamakamachiywan waktarishka rikurishkamanta shinallatak mamakamachiypak hatun yuyaykunata wakllichishka shina rikurikushkamanta achikyachinka, nirkami.
"Llaktayuk chaypikachun llankakushpaka, mana anchurinichu. Llakta ayllukunapak hayñimanta, ñuka yuyashkamanta atirik warmimi kani. Mamallakta Tantanakuyta pushakushpaka kay Ley Orgánica de la Función Legislativa (LOFL) kamachi rikuchishkatami paktachishkani. Ñuka paktanata ruranapashmi katishkani, kamachi ruranapi shinallatak ñawinchinapipash llankashpa, puncha llankanapak churashkata katinapi, Mamallakta Tantanakuypak rimanakuyta, kay Consejo de Administración Legislativa (CAL) wankuri rimanakuyta pushanatami paktachishkani", Kashnami Guadalupe Llori Abarca, Mamallakta Tantanakuyta pushak, Teleamazonas karurikuchikwan rimanakuypi nirka.
Kamachi Awlli pushak kayachishkamanta, Mamallakta Tantanakuyka kay awkarik 5 puncha ayriwa killa 2022 wata, 11h00 pacha tutamantami rimanakunka, kashnami 771 niki rimanakuyman, Guadalupe Llori Abarca kayachishkapi rikurin.
Kay Consejo de Administración Legislativa (CAL) wankurishkapi kamachi rurana 8 killkatami akllarkakuna shinallatak yachak Minkarishkakunamanmi kamachiyta allichichun chayachirka. Kay kamachiy rurana killkakunapika Código de la Democracia kamachi, Ley Orgánica de la Función Legislativa kamachi; Código Administrativo, COIP kamachi shinallatak Leyes de Servicio Público y de Empresas Públicas kamachikunata mushukyachinapak mañashkami tiyakun. Shinallatak tantarikuna waktarishkata rikunapak yuyarinakuna, sumak yachana wasikunapi yachanapak kullki mañashkata rikunapak, llaktapi kasiklla kawsanata rikunapak, seguridad social yanapayta rikunapak killkatapashmi riksirkakuna.
Willachikkunawan rimanakushpa, Mamallakta Tantanakuyta pushak, Guadalupe Llori Abarca, kay 5 awkarin 5 puncha ayriwa killapakmi, Mamallakta Tantanakuypak mushuk rimanakuyman kayachisha nin, kaypimi Tawka Wankurikuna wiñarinata rimanakushun, shinallatak puncha llankana mushukyanapak mañashkatapak kamachiypi paktarishka kakpika.
Kay Consejo de Administración Legislativa (CAL) wankurika, 8 kamachi rurana killkatami akllarkakuna shinallatak Minkarishkaman allichinapak chayachirka.
Kamak Lucia Soria, kay Unidad Judicial de la Familia, Mujer, Niñez y Adolescencia de Quitumbe kamak wasimanta, Andrés Páez ayllu runa shuk acción de protección mañashkata mana hapirkachu, mañayka Mamallakta Tantanakuy 286 huchachishka runakunaman kishpichiyta runakunapak hayñimanta, pachamamanta, llakta ayllukunamanta atirik huchachishka nishkata kunkarinapak arinishkamanta.
Kay Ley Orgánica de Vivienda de Interés Social kamachiy, Mamallakta Tantanakuypi yallik 09 puncha pawkar killa arinishka, kay chaska punchamantami paktarinaman yaykurka, kay katichishka ishkayniki KipuKamayuk No. 29, kay 25 puncha pawkar killa 2022 watapillachishka.
Kay wacha, 26 puncha pawkar killa, Mamallakta Tantanakuyka chawpi yalli kamachi killkakuna mana chayashkamanta mana rimanakurka, kayachishka pusak chunka tatkikuna kipami, 66 kamachi killkakkunalla chayarka. Kay rimanakuymanka Unión por la Esperanza (UNES), Partido Social Cristiano (PSC), Pachakutik (PK) wankurimanta chawpi yalli shinallata kikinmanta llankak kikinmanta kamachi killkakkunapash mana chayamurka.
“Llankakunchikmi, allí paktaykunawan, kay 2009 watamanta llankashkawan chimpapurashpaka, kay watami Mamallakta Tantanakuy llankayta kallarirka”, kashnami Guadalupe Llori Abarca, Mamallakta Tantanakuyta pushak nirka.
