Hunta rimanakuy Mamallakta Tantanakuy kay Chukikamay Kamachik mushukyachi ñawpak yuyay kallari shuk niki chimpapuraykunawan kallarirkakuna. Kay rikuchikuna mamallakta wiñariy apaykunata sinchiyachinapak nirka, kay chukikamayta tukuy kamay wasikuna, runakuna, kullkikuna, satalliruraykuna pachamamayak paktachikunamanta, Washington Varela, Tawkasami Kawsay Minkashka pushak riksichirka.
Ayllullaktakunamanta runakuna Mamallaktapi llaki unkuywan kawsakukkuna, shuktak unkuykunawan chikan chikan hampiwasikunapi tiyakkunata hampinapak mana hampi murukuna tiyashkamanta huchachishka, kay llakikunamanta Guadalupe Llori, Mamallakta Tantanakuy pushak nirka, kay Allikay shinapash Pukllay Hayñi Minkashka tantanakuyta, Ximena Garzón, Allikay Kamaywasiyuk shinapash shuktak Hampina wasikunamanta pushakkunata kayachun, kashna unkuywan kawsakkunata llakipi charishkata maymutsuri kan riksichichun nirka.
Kullki Wiñariy Minkashka tantanakuy kay chillay puncha 1 kapak killapi tantanakunkakuna, 17h00 saylla pachapi, Guillermo Lasso, Mamallakta Pushak minkashka yachay paktanata killashkata hamutankakuna, sapi rikuchikunata Mamallakta pushakmanta 2022-2025 Chusku Watakunapak llankayñankunata paktachishkata chayachirka, Mireya Pazmiño, Minkashka tantanakuy pushak riksichirka.
Allikay shinapash Pukllay Minkashka tantanakuy kay chillay punchapi tantanakunka, 08h30 saylla pachamanta, pandemia llaki unkuykunata hamutanapak chayshina kay Ómicron unkuy llakikunamanta tiyashkata rikunapak riman.
Karupi Kikinllatak, Mishanakuy Llakta Tantanakuy Kamachik Minkashka tantanakuy, chillay punchapi tantanakunka, 08h00 saylla pachamanta, paktalla riksichinapak kay Llakta Utkakamachiy, Chaski shinapash Allpata Mañaymashkay Kamachik mushukyachinapak ñawpka yuyay rikushpa katinkuna, Jessica Castillo Kamachiy killkak churashkakuna.
Hunta rimanakuy Mamallakta Tantanakuy, paktalla kay 745 chimpapuraypi, Allikak Minkashka tantanakuypak llankawyllayta chimpapurarkakuna kay huchachikunata Johanna Moreira, churashka kay Eckenner Recalde, Kamachiy killkakpak shutipi katichun, shinapash 163 niki Kamachiy Awlli Kamachik (LOFL) killkaykunapi hatun wakllichi llankayta harkan. Chayshina, yuyakunata churashkakuna Eckenner Recalde Kamachiy killkakta llankaymanta manyaman churachun, 71 arinishka apuchikunata hapirka, 63 mana mayhanman apuchita kurka, shuk apuchik mana yanapan, tikuykunamanta mana paktachi usharka.
Llankay Hayñi chayshina Llakta Kamay Minkashka llankaywillayta ishkay niki chimpapuraypak, kay ñawpak yuyay Llakta Kamay Tukuy Achikllay IESS kullkikunata mañaymashkay shinapash tukuy kamay wasikunapak ima charishkata sumakyachishpa katinapak allichishpa katinkuna.
Awkikay, Tantarinakuy shinapash tukuypak Kamay minkashka tantanakuy, tantalla chuk uchilla minkashkata wiñachirka, Hunta rimanakuy Mamallakta Tantanakuy minkashkata paktachishpa katikushkata rikuchun, kay Mamallaktapi llaki kawsay wichkana wasipi yallikushkata rikunapak katinkuna.
Ista Purarikuna chayshina Runa Yallikuna Minkashka tantanakurka, kay awaki puncha Ecuador tantalla China kamachiy yuyaypaktachiyta rikunapak, kay rantimanta kamachik allichi wanachiy tiksikunamanta tantachishka ñawpak yuyaywan, Riksichiy chayshina Ñitik Kishpiykayta Ukllay, Yuyay, Willay Rimay Paktachiy kallarinapak rikunkuna.
Nela Martínez hatun ukupi, Mamallakta Tantanakuy ishkay niki kipa pushak, Yeseña Guamaní, pushakkuna, chapak llankakkuna, yachakukkuna chayshina kamachiy killkakkuna alli shamuyta chuyachirka, kay Sumak Hatun Yachana Wasi Llakta Kamay chayshina Amawtay Chapak Kamachik ñawpak yuyayta tikrachirka, Rocío Guanoluisa, Yachay Minkashka kipa pushak yuyayta paktachishka.
