Guadalupe Llori Abarca, Mamallakta Tantanakuyta pushak, Antisuyu llaktamanta, Orellana markamanta akllashka kayachishkamantami, llakta pushakkunata, Antisuyu llakta pushakkunata; wankuri pushakkunata; Seguridad; Fiscalización; Biodiversidad shinallatak Garantías Constitucionales Minkarishka pushakkunata; kay suyumarkamanta akllashka kamachi killkakkunatapash pash shuk rimanakuyman kayachirka, paykunawanmi Piedra Fina kuska llakta, Napo shinallatak Sucumbios marka llaktapi kay Coca mayuta 28 puncha kulla killa punkara hicharishpa mapayashka llakimanta rimanakunkapak.
121 ari apushitaywanmi, Mamallakta Tantanakuyka, Directorio de la Corporación Financiera Nacional (CFN) wankurishka pushakkunata shinallatak Directorio del Banco del Pacifico wankurishka pushakkunatapash ñawirinaman kayachinka, paykunaka kay kullkiwasi mashna mintalanapak mashna paktashka shinallata llaktapak tawak kitikunapi yanapak wasikuna wichkashkata willachunmi kayachinka.
Chayamuk tukuy kamachi killkakunami, 136 ari apushitaywan, Mamallakta Tantanakuyka, kay 26 puncha kulla killata watan watan Día de la Dignidad Nacional nishpa shutichin, kay 1995 wata Cenepa llaktapi atirinakushpa mishashkamanta yuyarinkapak, mañaytaka César Rohon kamachi killkakmi chayachirka.
123 ari apushitaywanmi Mamallakta Tantanakuy kay Ley Orgánica para Defender los Derechos de los Clientes del Sistema Financiero Nacional y Evitar Cobros Indebidos y Servicios No Solicitados kamachiypak 20 killka nikikunata kutinpash arinirka; shinallatak, 134 apushitaywanmi llakta pushak allichinapak chayachishka 12 killka nikita hapirka.
Mamallakta Tantanakuyta pushak, Guadalupe Llori Abarca, tukuy kamachik killkakkunatami No. 760 niki rimanakuyman, kay chillay puncha 09h30 pacha tutamantapak kayachirka, kaypika Ley Orgánica para Defender los Derechos de los Clientes del Sistema Financiero Nacional y Evitar Cobros Indebidos y Servicios No Solicitados kamachiy rurana killkata llakta pushak alichinaman kachashka llankaywillaytami riksinkakuna; shinallatak, kay 26 puncha kulla killata "Día de la Dignidad Nacional" shutiwan kay Cenepa llaktapi 1995 atirinakushkamanta watan watan riksinapak killkatapashmi arininkakuna.
Mamallakta Tantanakuyka, kay 3 puncha kulla killa 2022 watapi La Comuna, La Gasca kitisuyu, Quito llaktapi yakuhuntaymanta wañushka ayllukunapak wasi aylluman, chukririshka ayllukunaman, shinallatak charishkata chinkarikmanpash nanariyta chayachin.
Kayman sukta chayamuk rimarikkunapak ari apushitaywanmi, Consejo de Administración Legislativa (CAL) tantanakuy, Guadalupe Llori Abarca pushakuk, chayashpa llankayta kutinpash kay chillay 2 puncha, panchi killa, 50% patsak chayashkakkunawan Kamachi Awlli wasipi, Wiñaypak, kunallapak Minkarishkakuna, Tukuykuna tantanakuna uku shinallatka Kamachi Awlliwi wasi ukupipash kutinpash llankayta chayashpa kallarinapak yuyarirkakuna.
Kay 31 puncha killamanta 4 puncha panchi killakama Minkarishkakunaka Kamachi rurana killkapi shinallatak Ñawinchinapipash llankashpa katinka.
Mamallakta Tantanakuypi kay Ley que Garantiza la Interrupción Voluntaria del Embarazo para Niñas, Adolescentes y Mujeres en caso de Violación kamachi rurana killkata ishkay niki rimanakuypi riksishpa kallarirka.
Mamallakta Tantanakuypimi llakta llankaywasi pushakkunami Antisuyu llaktapi kay Coca mayu allpasuchurishpa llakichishkapi imalla ruraykunawan chimpapurashkata, ruraykuna paktarikushkatapash willankuna.
