Mamallakta Tantanakuyka Ley que Regula el Uso Legítimo de la Fuerza kamachiy rurana killkata arinirka, chikanyachishpa allichishka kamachiymi, Llaktamanta chayachishka, kamachiyka Policía, Fuerzas Armadas shinallatak seguridad penitenciaria llankak ayllukunaman, hayñikunata ukllanapak, kacharishka rimanapak, mamakamachiy rikuchishkata sumaychanapak, shinallatak tukuy llaktayukkunapak kawsayta ukllanapak yuyaywan rurashkami.
Kay Consejo de Administración Legislativa (CAL) wankuri, Mamallakta Tantanakuyta pushak, Virgilio Saquicela pushakuy, kamachi killkakkuna chayachishka pichka kamachiy rurana killkakunatami akllarkakuna, kay killkakunaka Código Ingenios, Yachayta shinchiyachinapi shinallatak Ley Orgánica de la Función Legislativa kamachiykunawanmi rikunata charin.
Mamallakta Tantanakuyta pushak, Virgilio Saquicela, Ecuador austro suyu llaktapi chikanyashpa kitilli pushakkunata chaskirka, paykunawanka kay Ley 47 kamachiy mushukyachinata ishkayniki rimanakuypi arininapak yuyarirka, kay kamachiyka Azuay, Cañar, Morona Santiago, Tungurahua markakunaman zirma mintalashkamanta kullkita chayachinapakmi yanapan.
Mamallakta Tantanakuyta pushak, Virigilio Saquicela kamachi killkakka, Federación de Estudiantes Universitarios del Ecuador (FEUE) tantanakuy pushakkunawanmi rimanakurka, Érik Barba pushakmi chayamurka, paykunamanka kay Ley Orgánica de Educación Superior (LOES) kamachiy mushukyachinapak yuyaykunata chayachichun kayachishami nirka, kay kamachiy mushukyachina killkataka Educación Minkarishkapimi ishkayniki rimanakuypak llankaywillayta allichikun.
Kay kullka 9 puncha raymi killa 2022 watami, Mamallakta Tantanakuyka ishkay kuytin rimanakunka, kay rimanakuykunapika, Relaciones Exteriores llankaywasi pushakta chaskinka; Ley Orgánica del Servicio Público kamachiy mushukyachina killkapak llankaywillay shukniki rimanakuypak riksinka; shinallatak, Ley Orgánica de Carrera Sanitaria kamachiy rurana killkata ishkayniki rimanakuypi paktarinkakuna, shinami pushak, Virgilio Saquicela kamachi killkak llankayman kayachishka.
Mamallakta Tantanakuypak kutinkatina 772 Niki rimanakuypimi Guadalupe Llori kamachi killkatakta mana pakta llankashka nishpa pushaymanta anchuchirkakuna, kay Comisión Pluripartidista Ad Hoc Minkarishkami Esteban Torres Cobo kamachi killkak huchachishkata taripashpa shuk llankaywillayta allichirka. Katipika, Virgilio Saquicela kamachi killkakmi Mamallakta Tantanakuyta pushanaman yaykurka.
Mamallakta Tantanakuyka Ecuador llakta Belarús llaktawan yuyarinakushka killkata arinirka kay killkawanka Sumak Yachay Wasipi paktashka iñik pankakunatami riksirinkakuna, shinami sumay yachay wasipura ishkantik llakpi makipuranapak yanapanka.
Mamallakta Tantanakuyta pushak, Virgilio Saquicela, kay chillay 1 puncha raymi killami willachik antakunawan rimanakurka; Mamallakta Tantanakuy kay awkarin tuta paktarishkakunaka kamachiykunata katishpa rurashkami kan, shinami Ley Orgánica de la Función Legislativa kamachiyta shinallatak Mamakamachiytapash rikurashpa llankarkanchik, kay Hatun Tantanakuy ushaykuna charishkata paktachirkanchik, nirkami.
Mamallakta Tantanakuy, 81 ari shinallatak shuk yurakpi apushitaywanmi, abogada Guadalupe Llori Abarca kamachi killkakta pushaymanta llukshichirkakuna, llankaypi mana pakta kashkamanta, kay Comisión Pluripartidista Ad Hoc Minkarishka shuk llankaywillaypi riksichishkawanmi Esteban Torres Cobo kamachi killkak tukuy imamanta huchachishkata riksichirka, kay Ley Orgánica de la Función Legislativa (LOFL) kamachiypak 18 niki, 4 yupay killkapi rikuchishkata katishpa paktarirka.
103 ari apushitaywanmi, Mamallakta Tantanakuyka kay Ley para Fomentar la Producción, Comercialización, Industrialización, Consumo y Fijación del Precio de la Leche y sus Derivados kamachi rurana killkata arinirkakuna, kay kamachiwanka ñuñuta wiñachinapak, rikuranapak shinallatak ñuñuta tarpunapakpashmi kamanka, shinallatak ñuñuta apashpa llaktayukman chayachinapak tukuy paktanakunata ruraykunatapashmi alli kachun sumaychanka.
