Kay Consejo de Administración Legislativa (CAL) wankuriy, chaypikak tukuy arinishkawanmi, kamachi killkakkuna, Yanapakkuna, Kamachi Awlli llankakkunapash 100% patsak, kay awkarik 22 puncha panchi killa 2022 watamanta tikramuchun yuyarirkakuna. Kay yuyarinakushka killkapika tukuy ayllukuna hampikunata rikuranapak, wakllirinallata ayllukunapash kipalla chayanapakmi arinirkakuna.
Kay 21 punchamanta 25 punchakama panchi killa Minkarishkakunaka llaktayukkunapaktami kamachikuna ruranapak yuyaykunata chaskinka, paykunawanmi kay ley respecto del personal y disciplina de las Fuerzas Armadas kamachi rurana killkata, Seguridad Privada kamachi rurana killkata, Ley de Cultura kamachi mushukyachinata, Ley de Educación Intercultural, Ley de la Juventud, Protección Integral para Niñas, Niños y Adolescentes, Legalización de tierras y Ley de Régimen Jurídico del Derecho al Cuidado Humano kamachi mushukyachina killkatapash rikunkakuna. Llankaypak churashkapika llaktay ñawinchiypashmi tiyakun.
75 ari apushitaywanmi, Mamallakta Tantanakuypi kay Ley que Garantiza la Interrupción Voluntaria del Embarazo para Niñas, Adolescentes y Mujeres en caso de Violación kamachi rurana killkata arinirkakuna, kay llankayka Corte Constitucional (CC) tantanakuy yuyarinakushka killkawanmi Defensoría del Pueblo tantanakuyta kamachi ruranapak killkata chayachichun mañarka. Kay kamachi rurana killkataka Justicia Minkarishkapimi allichirkakuna, runa ayllukunapak hayñita rikuk tantarikuna, warmi kari wawakuna, wamrakunapak tantarikunata pushakkunapashmi yuyayta chayachirkakuna.
Kay Consejo de Administración Legislativa (CAL) wankuriy, chaypi kak sukta allukuna arinishkawan llaktay Ñawinchiynapak kimsa mañashkata arinirka, huchachiykunaka Consejo Participación Ciudadana y Control Social (CPCCS) tantanakuypi llankakkuna shinallatak Consejo de la Judicatura ñawpa pushak Mamakamachiyta, kamachiykunatapash wakllichishpa llankakushkamanta.
Mamallakta Tantanakuy 75 ari apushitashkawanmi Ley Orgánica que Garantiza la Interrupción Voluntaria del Embarazo para Niñas, Adolescentes y Mujeres en caso de Violación kamachi rurana killkata arinirkakuna, kayshina paktayka Corte Constitucional (CC) tantanakuypak yuyaypaktarishka killkata arinishkami kan, paykunaka Defensoría del Pueblo pushaktami kamachi ruranapak killkata chayachichun mañarka, kay killkataka Justicia y Estructura del Estado Minkarishkapimi riksishpa allichirkakuna yuyaykunataka pakta riksishpa, mushuk yachaykunawan chimpapurashpa shinallatak runa ayllupak hayñikunamanta, warmi tantarikuymanta shinallatak kari warmi wawakuna, wamrakunapak hayñimanta llankakkunapashmi yuyayta chayachirkakuna.
Mamallakta Tantanakuyka shukniki rimanakuypimi Ley del Servicio Publico Sobre el Régimen de Pensiones Vitalicias de Expresidentes y Exvicepresidentes de la República kamachiy mushukyachinata riksirkakuna, kaywanka llakta ñawpa pushakkuna llaktayukmanta akllarishka kakpika wiñayta llankaykullki chaskinatami allichinkakuna.
Mamallakta Tantanakuy kay Ley de Tratados y Acuerdos Interinstitucionales Internacionales kamachi rurana killkamanta ishkay niki rimanakuyta puchukarka, kaypika Istallaktakunawan yuyarinakunapak kamachiyta hamuktana, allichina, mushukyachina, harkachina nakashpaka tukuchinamantami rikuchin, shinallata arinishkata killkachinamantapash, ashtawankarin llakikuna tiyakpi rikunapak yuyaypaktarinapakpash.
UNES, Pachakutik, Izquierda Democrática wankurikuna 91 ari aripi apushitashkawanmi, Mamallakta Tantanakuyka Fiscalización Minkarishkapak llankaywillayta mana hapinapak yuyaypaktarirkakuna, kaypika Ruth Arregui Solano, superintendenta de Bancos pushakta ñawinchiyman kayachinapak mañakun. Kayshina yuyaypaktarishkawanka llaktapak llankaywasi pushakta ñawinchinapak arininkuna, shinaka, Mamallakta Tantanakuyta pushakmi pichka punchakuna ukupi Mamallakta Tantanakuyman rimanakuchun kay mañashkata riksichinka.
Kay Consejo de Administración Legislativa (CAL) tantanakuyka kay Consejo de Participación Ciudadana y Control Social (CPCCS) tantanakuypak 7 kunak runakunata ñawinchinapak mushuk mañashkatami chaskirka, mañaytaka Ricardo Vanegas, José Chimbo kamachi killkakkunami chayachirka.
Wakllirinaklla, mana wakllirinaklla mikunakunata ayllukuna mikunapak allirik kakpika karashpa yarikay llakipi kawsakuk runakunaman chayachinapakmi Mamallakta Tantanakuyka kay Ley para Prevenir y Reducir la Pérdida y el Desperdicio de Alimentos y Mitigar el Hambre de las Personas en situación de Vulnerabilidad kamachiyta mashkakun, kay killkatami Mamallakta Tantanakuyka ishkay niki rimanakuypi riksirkakuna.
