Kay Consejo de Administración Legislativa /CAL) wankuriy, Virgilio Saquicela Espinoza, pushakushka, pichka ari apushitaywanmi, Reglamento Operativo para la Implementación de la Consulta Prelegislativa uchilla kamachiyta arinirkakuna, Ley Orgánica de la Función Legislativa (LOFL) kamachiy rikuchishkata katishpami paktarirkakuna. Kay Uchilla kamachiywanka runa ayllu llaktakunapi, runa llaktakunapi, afroecuatoriano runa llaktakunapi, yunka llakta ayllukunapipash Mamakamachiypi riksishkata katishpa llaktay taripayta paktachinatami achikyachinka.
Mamallakta Tantanakuy kay awkarik 16 puncha karway killa kimsa rimanakuyta charinka, kashnami Mamallakta Tantanakuyta pushak, Virgilio Saquicela Espinoza, kayachishkapi rikurin. Llaktay chaparay paktanapak sukta yuyaykunami tiyakun shinallatak kamachiy ruranapak shuk killkatami ishkayniki rimanakuypak churashka.
Mamallakta Tantanakuyta pushak, Virgilio Saquicela Espinoza, Catamayo kitiman chayashpa, Armando Figueroa runa, kiti pushakwan rimanakuyta charirka, pushak runaka kay kitipi tawka ruraykuna paktarichun mañay killkakunata chayachichunmi mañarka, kay mañaykunapika Virgen de El Cisne apunchik wasi llaktaman pakta chayana ñan mañaypashmi tiyakun.
Mamallakta Tantanakuyt pushak, Virgilio Saquicela Espinoza kamachi killkakka, rikuy sumaychay shinami Llaktakuna makipurashpa yuyarinakuy killkanapi chayarka, kay yuyarinakushka killkawanka Celica, Zapotillo, Paquisha, Yanzatza, Nangaritza, Huaquillas kitikuna Loja, Zamora, El Oro markakunapi, Ecuador llakta ukupi, shinallatak marka kitikuna, Perú llaktapak chinchay suyumanta: Tumbes, Marcavelica, Talara, Lancones, Huancabamba, Máncora llaktakunami makipurashpa yanaparinakuna .
Mamallakta Tantanakuy, Virgilio Saquicela Espinoza pushakukwan, kay Garantías Constitucionales shinallatak Derecho a la Salud Minkarishakunata, kay raymi killa atirinakuypi imalla llakikuna rikurishkata, shinallatak ancha unkuy charik, mana riksishka unkushkakunapak hampikuna illashkata taripanapak pachakunata mirachinapak arinirkakuna.
Mamallakta Tantanakuypi 10 puncha karway killa 1809 wata Shukniki Atirinakushpa Kaparinakuy 2013 watakuna paktashkata yuyarishpami sumaycharka. Pabel Muñoz kamachi killkak, Pichincha markamanta, kay puncha wiñaykawsaypak hatun yuyarina kashkatami hatunyachishpa willarka, Ecuador llaktapi, Abya Yala Suyu llaktapipash kari warmi kishpirishpa kawsak ayllukunapak hatun punchami, kay hatun yuyaykunaka watan watanmi wiñarishpa 24 puncha aymuray killa 1822 wataman chayachirka, kay punchami Real Audiencia de Quito pushaymanta kishpirishpa, kuna Ecuador llaktaman chayachirka nirkami.
Mamallakta Tantanakuy, Virgilio Saquicela Espinoza pushakukwan, 10 puncha karway killa 1809 watamanta 113 watakuna atirinakushka paktashkamanta sumaycharka, kay atirinakuyka Abya Yala llakta kishpirinapak Shukniki Kaparinakuymi karka. Raymika Mamallaktapak wipala yaykushkawan kallarirka, kipaka Ecuador mamallatapak Hayllitatami kay Wasi ukuman chayamukkunaka takirkakuna.
Mamallakta Tantanakuyta pushak, Virgilio Saquicela Espinoza, Llakta kishpirinapak Shukniki Atirinakuyta 213 watakuna paktashka yuyarina raymiman chayarka.
Llaktayuk kasiklla kawsanata rikuk shinallatak runakunata yachachinapak yuyaywan, llaktapak llamkaywasita, chikanyashka llamkaywasilunata shinallatak yanapay ruraykunata rikukkunapak yuyaywan, ashtawankarin kasiklla kawsanapi yachachinapakmi churashkami kay Ley de creación de la Universidad de Seguridad Ciudadana y Ciencias Policiales kamachiy rurana killkapi churashkata hatun yuyaykunata Mamallakta Tantanakuy shukniki rimanakuypi riksinkunkuna.
96 ari apushitaywan, Mamallakta Tantanakuy kallaripi killkashka kamuta kutinpash arinirkakuna, kay kamuka 15 niki killkata shinallatak pichka mushukyachinapak mañaytami kay Ley Orgánica que Regula el Uso Legítimo de la Fuerza kamachiymanta Llakta pushak, Guillermo Lasso Mendoza, allichinaman kachashka karka.
