Mamallakta Tantanakuyta pushak, Virgilio Saquicela Espinoza, kay 11 puncha sitwa killa, 09H30 saylla tutamantapakmi, 15 minkarishkakunapak pushakkunata shuk rimanakuyman kayachirka, kaypika kamachiy rurana killkakunapak llankaywillay killka shukniki, ishkayniki rimanakuypak imashinalla ñawpakushkata riksinapakmi kan, kay willaykunata pakta riksishpami kay 2022-2023 wata llankanapak killkañanta allichinkakuna.
Mamallakta Tantanakuypi kay Ley Orgánica para la Garantía, Promoción y Protección de la Libertad de Prensa, de Opinión, de Expresión y de la Comunicación kamachiy rurana killkata ishkayniki rimanakuypi riksishpa kallarirkakuna, kay kamachiywanka llaktayukkuna kacharishpa rimanata shinallatak ayllukunata millashpa rimanata, wakllichinata shinallatak wawakunapak kikin ukun kawsayta wakllichinata ukllanka ashtawanka willachik antakunapi llankakkunapak hayñitapash ukllanka.
Kay Tecnologías de la Información y Comunicación Llikapanka pushakkuna allichishka llankaywillayta uyashka kipa, kay 782 niki rikurishkamanta, Guillermo Lasso, Llakta pushak llukshichinapak mañayta rimanakuy ukupi rikurishkamanta, Mamallakta Tantanakuyta pushak, Virgilio Saquicela Espinoza kamachi killkakka, fiscal General, Diana Salazar, pushaktami apushitayta kanchamanta wakllichishka nishkata taripachun, shinallatak Mamallakta Tantanakuypak curul electrónica llikatapash taripachunmi huchachiyta chayachishkani nishpa willarka.
Mamallakta Tantanakuyta pushak, Virgilio Saquicela kamachi killkakka, Fiscalía Tantanakuypimi shuk huchachiyta kay voto electrónico llikapi 28 puncha raymi killapi llakikuna tiyashka nishkata taripay kallarichun chayachirkani, nirkami.
Mamallakta Tantanakuyka, Virgilio Saquicela kamachi killkak pushakukwan, llankay kallarishka punchakmanta Ecuador llaktayuk allikachun llankay kallarirkakuna. Chaypakka, Kay Kamachiy Awlli wasipi kamachiy rurana killkakuna harkarishkatami chaypachallatak allichinata kallarirkakuna.
99 ari shinallatak 10 mana apushitashkawanmi, Mamallakta Tantanakuyka kay Instituto Ecuatoriano de Seguridad Social (IESS) tantanakuy pushakkunata, shinallatak Salud, Finanzas llankaywasi pushakkunatapash Salud Minkarishkaman ñawirichun kayachinapak arinirkakuna, paykunaka 20 punchakuna ukupimi, Llaktapak Sistema Nacional de Salud Pública Llikapi llakikuna tiyashkata allichinapak imalla llankaykunawan paktashkata riksichinkakuna.
Kay Ley para la Garantía, Promoción y Protección de la Libertad de Prensa, de Opinión, de Expresión y de la Comunicación kamachiy rurana killkamanta ishkayniki rimanakuyta; shinallatak, Ecuador llakta Turquía llaktawan makipuranapak shuk yuyarinakushka killkatapashmi Mamallakta Tantanakuypi kay shamuk kullka puncha, 10H30 pacha tutamanka rimanakunkakuna.
Awkarik 5 puncha sitwa killa 2022 wata, 10H00 saylla tutamantami, Mamallakta Tantanakuyman Ximena Garzón, ministra de Salud pushak; Consejo Directivo tantanakuyta pushak, rimarikkuna shinallatak Instituto Ecuatoriano de Seguridad Social (IESS) tantanakuyta hatun pushakkuna, Servicio Nacional de Contratación Pública tantanakuyta pushak, Contralor General del Estado shinallatak Ministro de Finanzas llankaywasita pushakkunapash chayamunkakuna. Paykunaka llaktapi hampina wasikuna llakipi paktarikushkata, shinallatak llankay pushaypi wakllirishkata shinallatak hampina wasikuna pushay llaki kashkatami riksichinkakuna.
Kay Consejo de Administración Legislativa wankuriy, inti puncha rimanakuypi, Virgilio Saquicela pushakuywan, kamachiy rurana pichka killkatami akllarkakuna, kay kamachiy rurana killkakunaka seguridad social, llaktawan yuyarinakuna, tisiku runakunatapash rikunapimi yanapanka kay killkakunataka minkarishkakunamanmi allichiy kallarichun chayachirkakuna.
Kay Código de Organización Territorial, Autonomía y Descentralización kamachiy mushukyachina killkawanka, markapi llakta pushakkunaman mushuk paktariwan llankaykullkita chayachinapak llakta allpa kilómetros tupukunata, llaktapi mashna ñankuna ruranapak rikuchishkata shinallatak maykama paktarinatapashmi kimichishkakuna kay yuyaykunatami Mamallakta Tantanakuy shukniki rimanakuypi riksirkakuna.
