87 ari apushitaywanmi, Mamallakta Tantanakuyka kay Ley Orgánica para Atracción de Inversiones, Fortalecimiento del Mercado de Valores y Transformación Digital, kamachi rurana killkata mana arinishpa wakichirkakuna, kay Ley Orgánica de Función Legislativa (LOFL) kamachiypak 140, 62 niki killkakunata rikuchishkapi kimirishpa kay kullkimanta utkashpa ruranapak chayachishka killkata Mamallakta Tantanakuymi allichinapak, mananinapakpash ushayta charin, chaskishkamanta kimsa chuka puncha ukupi; shinallatak, tukuykuna arinishka apushitaywanka, killkata chaskishkamanta kimsa chunka punchakuna ukupi mushukyachiy, mana arininatapash Mamallakta Tantanakuymi ushan.
Mamallakta Tantanakuypi, 121 ari apushitaywan kay Ley de Seguridad Social kamachiywan Instituto Ecuatoriano de Seguridad Social tantanakuy tukuy charishkapi llankayta achikyachinapak killkata kutinpashmi arinirkakuna, kay arinishka kamachiyka KipuKamayukman chayashpa willachishka kanka, chay kipami tukuy paktarinaman yaykunka. Shina paktariyka Llakta Pushak rikushpa chawpi killkata allichinaman kachashkata mana hapishka kipa.
Mamallakta Tantanakuypak Nela Martínez wasi ukupimi, makirurakkuna, kawsaytarpuy pushakkuna, tantanakuykuna shinallatak Markakunapi tantanakuyta pushakkunapash tuparishpa Mamallakta Kamachi Awlli pushak, Guadalupe Llori Abarca kamachi killkakman, Ley de Cultura kamachiy mushukyachina killkata chayachirka. "Pachamama charishkapi tawka kawsayuk llaktami kanchik, kawsaytarpuypika ashtawan charikmi kanchik, allpapachaman achkata mintalanapak charikmi kanchik, ashtawankarin wiñaymanta yuyaykuanta wakichishpa katinkapak", kashami Mamallakta Tantanakuyta pushakka, nirka.
Mamallakta Tantanakuyka, Allpapachapi Yakupak puncha raymipi, ishkay kutinpashmi Los Ríos, Manabí, Tungurahua, Pichincha, Zamora markakunamanta llankaywiñachikman, llaktayuk tantanakuyman, runakunaman, yunka runakunaman, afroecuatorianas runakunaman, paklla ayllukunamanpash punkuta pashkarka, paykunaka, tarpushka murukunata, makirurashkata, mikunakuantami tukuy kay Mamallakta Tantanakuypak Plaza Juan Montalvo kanchamana llaktayukman chayachirka.
Mamallakta Tantanakuypi, kay Ley Orgánica para Atracción de Inversiones, Fortalecimiento del Mercado de Valores y Transformación Digital kamachi rurana killkata ishkayniki rimanakuypi riksirka, kullkimanta utkashpa ruranapak chayachishka. kay Desarrollo Económico Minkarishkapimi llankaywillayta allichirka shinallatak ishkay chunka kamachi killkakkunami rimarka.
Kay Consejo de Administración Legislativa (CAL) wankuri, tawka kamachi rurana killkatami allichinata kallarinapak akllarka, kaypika Decreto Ley Orgánica para el Desarrollo Económico y Sostenibilidad Fiscal tras la Pandemia Covid 19 kamachiyta anchuchinapak chayachishka ishkay kamukunata akllarka.
Santiago Salazar, Mamallakta Tantanakuypak Procurado kamak pushak, antawa uyari rimanakuypi "Kashnami Puncha Achikyarka", Mamakamachiypi shinallatak Ley Orgánica de la Función Legislativa (LOFL) kamachiypipash Mamallakta Tantanakuy kutin rikunapak hayllikuna mana tiyanchu, kay wanachiy kunkarishkata arinishkamanta.
Kay Consejo de Administración Legislativa (CAL) wankuripi, chusku ari apushitaywanmi, Código de Soberanía Alimentaria kamachi rurana killkata akllarka, kay kamachiyka wasi ayllukunapi tarpuyta yanapankapakmi kan, mañaytaka Salvador Quishpe, Dina Farinango, José Chimbo, Patricia Sánchez, Salvador Maita, Peter Calo shinallatak Isabel Enrríquez kamachi killkakkunami chayachirka; Soberanía Alimentaria Minkarishkami kay kamachiy rurana killkata allichinka.
Kay inti punchami, Mamallakta Tantanakuyka shuk niki rimanakuypi Ley Orgánica para Atracción de Inversiones, Fortalecimiento del Mercado de Valores y Transformación Digital kamachi rurana killkata allichirka, kullkillankaymanta utkashpa ruranapak chayachishkami kan.
Mamallakta Tantanakuyka Ley Orgánica de Vivienda de Interés Social kamachiyta Llakta pushak allichinaman kachashkatami riksirka, kay kamachiywanka pushanapak, llankayta allichinapak, rikuranapak, chaparanapak shinallatak tukuy llaktayukkuna kawsanapak pakta wasita charinapakmi kan.
