Mamallakta Tantanakuyta pushak, Virgilio Saquicela, kunan puncha Consejo de Seguridad Pública y del Estado (Cosepe) rimanakuyman chayarka, kaypika llaktapi llakikunata punchanta wiñarishkata chimpapuranapak llamkay paktanata rimanakurka.
Mamallakta Tantanakuy hatun rimanakuypi 101 ari apushitaywan, kay Ley de Personal y Disciplina de las Fuerzas Armadas kamachiy rurana killkata arinin, kay kamachiyka awkakuna yachaypi paktarinata, yachakkuna akllanta shinallatak awka llamkakuna yachay paktanata, yachaypi amawtanata, shinallata awka llamkaypi wiñayta llamkay charinatapash yanapanka.
Wamrakuna chikan chikan kashkata riksina shinallatak kamaypi pakta kachun mashkana yuyaywan, paykunapak kikin hayñiman paktarinapak shinallatak kimirinkapakpash ashtawanka paykuna paktachinata shinallatak mañanatapash sumaychankapak, kaytami Ley de Juventudes kamachiyka mashkakun, kay awkarin punchami Mamallakta Tantanakuypi tukuy kamachiy killkakuna arinirkakuna shinallatak Llakta pushakman chayachinkakuna, shamuk pachakuna ukupi, kaypi arinichun manakashpaka allichinaman kachachunpash.
Mamallakta Tantanakuypi, 113 ari apushitaywanmi, kay Orgánica para la Defensa y Desarrollo de la Economía Familiar Campesina kamachiy rurana killkata arinirkakuna, kay kamachiyka kayshina llamkaypi kimirishka ayllukunata yanapanatami mashkakun, sinchiyachinapak shinallatak makipurashpa paktarinapakpash, shinami Ecuador llaktapi mikuna unanchata paktanapak.
Kay Ley de Personal y Disciplina de Fuerzas Armadas kamachiy rurana killkamanta ishkayniki rimanakuyta kay kullka 27 puncha, wayru killa, 10H00 pacha tutamantami, Mamallakta Tantanakuy kutin kallarinka. Ka kamachiywanka llamkaywasi paktarinapak mutsushkatami allichinka, kay kamachiyka kunanpi paktarikuk kamachiyta mushukyachinka shinallatak tawka uchilla kamachiykunata shukllapi tantachinka.
Kay "jocha" kamariy chayachishkawanmi Mama Negra raymi kallarin. Kay kichwa shimika tantanakuykuna, kay hatun pushak, ayllukuna, llamkaywasikunapash raymi ñawpapi kanapak shinallatak pakta pakta raymipi kanapa kayachishkami.
Kay awkarik 25 puncha wayru killa, Mamallakta Tantanakuy rimanakuypi 802 niki, 805 niki rimanakuyta kutin kallarinka, kaypika economía familiar campesina; Juventudes kamachiy rurana killkatami riksishpa katinkakuna, shinallatak uchilla, maltalla llamkaywasita yanapak kamachiy rurana killkatapash rimanakunka.
Mamallakta Tantanakuy 122 ari apushitaywan kay Organización Territorial, Autonomía y Descentralización (COOTAD) kamachiy rurana killkata arinirkakuna, kaypika chusku yuyaytami markakunapi llamkaykullkitaka runa llaktakunapi mashka kilómetros tupu ñan rurana tiyashkata rikushpami rakinka, nin.
103 ari apushitashkawanmi, Mamallakta Tantanakuyka kay Instituto Ecuatoriano de Seguridad Social (IESS) Tantanakuy imashina paktarishkushkta riksinapak asha pachallatak shuk Minkarishkata wiñachirka, kaypika kimirishka llamkakuk ayllukuna, samakuk ayllukunapash hampinapí mana pakta yanapayta chaskikun, kashnami José Abad kamachi killkata, kay yuyarinakunapak killkata chayachik nirka.
Allpapi tiyashka charinakunamana paktanata sumaychanapi shinallatak allpapi llamkak ayllukuna kikinpak, paykunapak wasi ayllukunapash mikunata unanchanapak llamkayta sumaychanapimi, Mamallakta Tantanakuypak hatun yuyayka churashka, kay yuyaykunatami Defensa y Desarrollo de la Economía Familiar Campesina kamachiy rurana killkapi kimichishka, kay kamachiy rurana killkami kunan puncha ishkayniki rimanakuyta yallirka.
